San Mateo 24:6 - Nuevo Testamento Tzeltal de Amatenango

⁶ Te jaꞌexe ya me awaꞌiyik sluwar te ay guerra liꞌto y lum to. Pero ma me xiꞌanik yuꞌun, porke puersa me jich ya xꞌkot ta pasel. Pero ma to me jaꞌuk te slajibal kꞌaale.

Bible in Tzeltal Bachajón

⁶ Yac awa'iyic te ay guerrahetic soc ya xchicnaj sc'oblal te ya xhahch guerrahetic, pero ma me xnihc awo'tanic yu'un, como ya sc'an ya xc'oht ta pasel spisil ini; pero ma to ha'uc te slajibal c'ahc'ale.

Bible in Tzeltal de Oxchuc y Tenejapa

⁶ Soc ya me awaiyic stojol te ay guerra lum to soc te ay guerra ta c'ubule, ja'uc me to, ma me xnijc' awo'tanic yu'un. Melel puersa me jich ya xc'ot ta pasel, ja'uc me to, ma to ja'uc te slajibal c'aale.

San Mateo 24:6 Referans Kwoze

San Lucas 21:9

Teme ya awaꞌibeyik skꞌoplal te guerra sok te lijkemix kꞌope, ma me xiꞌanik yuꞌun. Yuꞌun puersa me nail ya xkꞌot ta pasel. Pero ma to me jaꞌuk a te slajibal kꞌaale —xchi te Jesuse.

San Juan 14:1

La yal xan te Jesuse: —Ma me wakꞌ yajtal awoꞌtanik. Ja me xꞌachꞌuunik te Diose, y chꞌuunaikon me euk te joꞌone.

2 Tesalonicenses 2:2

ma me pasiluk ya xyanej te tut ya achꞌuunike. Ni ma me ayuk machꞌa ya yal te kꞌaxix skꞌaalel te ya xchaꞌtal te Kajwaltike, o teme jich ya yal ta karta kuybil ta kuꞌune.

San Juan 14:27

“Teme boone, ya me kaꞌbeyex jilel te bujtsꞌan kꞌinale. Joꞌon ya kaꞌbeyex te butsꞌan kꞌinal ya awaꞌiyike: pero ma me pajaluk sok te machꞌatik ya yakꞌ te ayikta skuenta te balmilale. Ma me wakꞌ yajtal awoꞌtanik y ma me xiꞌanik.

San Mateo 24:14

Sok ya me yichꞌ alel ta spisil balmilal te tutꞌil ay ta ajwalinel te Diose, yuꞌun jich me ya yaꞌibe sluwar spisil te genteetik te tutꞌil ay kꞌuxutayel yuꞌun te Diose. Jaꞌ to me ya xtal te slajibal kꞌaale.

San Lucas 21:19

Junuk me awoꞌtanik; yuꞌun jich me ya xkolex.

San Lucas 22:37

Porke ya kalbeyex te puersa ya xkꞌot ta pasel ta jkuenta te tut tsꞌibabil ta Sjun Diose te ya joyin ta ajtayel te jkꞌaxintayej-mantaletike. Yuꞌun spisil ya xkꞌot ta pasel te tut tsꞌibabil jilel jkꞌoplale —xchi te Jesuse.

San Mateo 26:54

¿Pero tutꞌil kꞌan kꞌotuk ta pasel te tut tsꞌibabil ta Sjun Dios te ya yal te puersa jich ya xkꞌot ta jkuenta? —xchi te Jesuse.

San Mateo 2:3

Kꞌalal la yaꞌiy te rey Herodese, toj cham a yaꞌiy sok spisil te machꞌatik ayik ta Jerusalene.

Apocalipsis 6:4

Y lok tal yan xan kawu. Te skolorile tsaj, y te machꞌa moem aye la yichꞌ spoder yuꞌun ba spoj tal te bujtsꞌan kꞌinal ta balmilale y yuꞌun jich ya spas te genteetik te talel bael ya smil sbaike. Sok aꞌbot jun mukꞌul puñal.