San Mateo 24:5 - Nuevo Testamento Tzeltal de Amatenango

⁵ Porke ay me bayal machꞌatik ya xtal ya skuy sbaik a te joꞌone. Ya me yalik: “Joꞌon Cristoon” xchiik me. Y bayal me genteetik ya sloꞌlaylan.

Bible in Tzeltal Bachajón

⁵ como bayel me yich'beyejon jbihil ya xtalic, te hich ya yalic: Ho'on Cristohon, xchihic; bayel mach'atic ya slo'loylanic.

Bible in Tzeltal de Oxchuc y Tenejapa

⁵ melel ay me tsobolic ya xtalic te yich'ojbon jbiil ta sc'opique, jich me ya yalic: “Jo'on Cristoon”, xiic me. Ay me tsobol ta jtul te ya xlajic ta lo'layel yu'une.

San Mateo 24:5 Referans Kwoze

San Mateo 24:24

Ay me ya xtal lotil Cristoetik sok lotil jꞌalwanejetik. Ya me yakꞌ ta ilel mukꞌ señaetik sok milagroetik. Ya me sloꞌlayik euk te machꞌatik tꞌujbilik yuꞌun Dios te yauk xjuꞌ yuꞌunike.

San Mateo 24:11

Sok ya me xchiknaj bayal jlot-alwanejetik y ya me sloꞌlay bayal genteetik.

1 Juan 2:18

Kuntikil, jaꞌ to jaꞌ slajibalix kꞌaal. Te jaꞌexe awaꞌiyejikix te ay jtul ya xtal te jaꞌ skontrainej te Cristoe. Te ora to ayix bayal machꞌa skontrainej te Cristoe. Jaꞌ yuꞌun jnaꞌojtik te jaꞌ slajibalix kꞌaale.

San Juan 5:43

Te joꞌone talemon ta skuenta te jTate, pero te jaꞌexe maꞌ xꞌakꞌanikon. Yan teme ay machꞌa ya xtal ta skꞌanojel yoꞌtan naxe, jaꞌ akꞌanojik stukel.

Apocalipsis 13:8

Te chanbalam to te xiꞌbentik sbae ichꞌot ta jkuenta yuꞌun spisil te machꞌatik ayik ta balmilale. Jaꞌ te machꞌatik ma tsꞌibabiluk sbiilik ta sjunal kuxlejal yuꞌun te Chꞌin Karnera te la yichꞌ milele. Te sjunal kuxlejale, jaꞌ te jun te la yichꞌ tsꞌibayel desde pas te balmilale.

San Juan 8:24

Jaꞌ yuꞌun la kalbeyex te akuchoj amulik ya xchamexe, porke teme ma xꞌachꞌuunik te batsꞌi ayon tutꞌil ya kale, akuchoj amulik ya xchamex —xchi.

San Juan 8:28

Jaꞌ yuꞌun te la yaltalanbeye: —Te kꞌalal toyol ya ajojkꞌanik te Nichꞌanile, te me ya anaꞌbonik jba a te joꞌon nanix ae. Sok ya me anaꞌik te ma joꞌukon ya kichꞌ ta koꞌtan te tut ya jpase; jaꞌ nax ya kal te tut yakꞌojbon jnop te Tatile.

1 Juan 2:22

¿Machꞌa a te jloꞌlawaneje? Jaꞌ te machꞌa ya yal te ma jaꞌuk Cristo te Jesuse. Jaꞌ bi, jaꞌ skontra te Cristoe, yuꞌun ma xyakꞌ ta akꞌel ta jkuenta te Tatile sok te Nichꞌanile.

1 Juan 4:3

Yan te machꞌa ma jichuk ya yal ta jamal te Jesuse, ma jaꞌuk yikꞌoj te Espíritu yuꞌun Diose, yuꞌun jaꞌ yikꞌoj te espíritu te skontrainej te Cristoe. Te jaꞌexe awaꞌiyejik te ya xtal te espíritu to, y te ora to ayix ta balmilal.