San Mateo 24:48 - Nuevo Testamento Tzeltal de Amatenango

⁴⁸ Yan teme ma tsaꞌamuk yoꞌtan te aj-aꞌtelile, teme ya xlijk yal ta yoꞌtan: “Te kajwale ma to wan xtal ta ora”, tem xchie,

Bible in Tzeltal Bachajón

⁴⁸ Yan teme hich ya yal ta yo'tan te mach'a ma lequil a'batuc: Ma orahuc ya xtal te cajwal, teme xchihe,

Bible in Tzeltal de Oxchuc y Tenejapa

⁴⁸ “Yan teme amen yo'tan te abate, jich ya xcaj yal ta yo'tan te ma xtal ta ora te yajwale.

San Mateo 24:48 Referans Kwoze

San Mateo 18:32

Jich te ajwalile la yakꞌ tal ta ikꞌel te jꞌaꞌtele y la yalbe: “Ma tsaꞌamukat. Te joꞌone la jpasbeyat perdon spisil te abete yuꞌun la akꞌanbon pawor.

San Lucas 12:45

Pero te aj-aꞌtelile teme lijk yal ta yoꞌtan: “Ma to wan xtal ta ora te kajwale”, tem xchie, ya xlijk yutalan te yan jꞌaꞌteletike sok te kriaraetike, y ya xlijk ta weꞌel uchꞌajel sok ta yakꞌubel.

Hechos 5:3

Te jPedroe la yalbe: —Ananias, ¿tuꞌun te och pukuj ta awoꞌtane? Yuꞌun la apasix ta lot te Chꞌul Espiritue te tutꞌil la akꞌej jilel oliluk te stojol alume.

San Juan 13:2

Te pukuje ochemix ta yoꞌtan a te Judas, te xnichꞌan te Simon Iscariote, te snopoj ya yakꞌ entregal te Jesuse. Te Jesuse snaꞌoj te talem ta stojol Dios sok te ya sujtix bael ta stojol Diose, y snaꞌoj ta yoꞌtan te aꞌbilix tulan yaꞌtel yuꞌun te sTate. Jaꞌ yuꞌun te yipalik to ta weꞌel ta mexae, tejkꞌa jajchel, la slokꞌes te xkamixe y la xchuk ta xchꞌujt te jun toayae.

San Marcos 7:21

Jich ta yutil awoꞌtanik ya anopik spisil te tut ma tsaꞌamuke. Teꞌ ya xlokꞌ tal a te ya apasik antsiwejele, sok te elekꞌe, sok milaw,

Hechos 8:22

Chꞌoja jilel te tut ma tsaꞌamuk ay ta awoꞌtane, y kꞌanbeya pawor te Diose te yauk spasbeyat perdon yuꞌun te tuti anopoj ta awoꞌtane.

San Lucas 19:22

“Jich te reye la yal: “Ma lekil jꞌaꞌtelukat. Ta akꞌop nax chikan te ya xbaat ta kastigoe. Teme anaꞌoj te tulan winikone, te ya jtam te ma joꞌukon kakꞌoje, sok te ya jkꞌaj te ma joꞌukon jtsꞌunoje,

San Mateo 25:26

“La sjakꞌ te yajwale: “Ma lekil jꞌaꞌtelukat, lom chꞌajat. Te jichuk ya anaꞌ te joꞌon ya jkꞌaj te ba ma joꞌukon jtsꞌunoje sok te jaꞌ ya jtsob te ba ma joꞌukon kawoje,

San Mateo 24:47

Jamal ya kalbeyex, te yajwale ya me yaꞌbey skanantay spisil te tutik ay yuꞌune.

San Mateo 24:49

ya xlijk yilbajin te sjoꞌtak ta aꞌtele, sok ya xlijk soyin ta weꞌel-uchꞌbajel te jyakꞌubeletike.