San Mateo 24:46 - Nuevo Testamento Tzeltal de Amatenango

⁴⁶ Ben tsaꞌam te aj-aꞌtelil teme jich yipal ta spasel a te ya xjul taek yuꞌun te yajwale.

Bible in Tzeltal Bachajón

⁴⁶ Bayel me yutsil te a'bat te hich yac spasbel a te ya xhul ta tahel yu'un te yajwale.

Bible in Tzeltal de Oxchuc y Tenejapa

⁴⁶ Bin nax me yutsil te abate teme jich yacal ta spasel a te c'alal ya xtal te yajwale.

San Mateo 24:46 Referans Kwoze

Apocalipsis 16:15

“Aꞌiya awaꞌiyik, te joꞌone ya me xtalon, te ma naꞌbiluk tut orae, te jachik tutꞌil jtul jꞌeleke. Ben tsaꞌam slekil te machꞌa xkuxoj yoꞌtane y sok te slapoj skꞌuꞌ-spakꞌe, yuꞌun ma me tꞌaxaluk a y ma me sta kꞌexlal te ya xꞌilot te tꞌaxale”, xchi te Kajwaltike.

San Lucas 12:43

Ben me tsaꞌam slekil te aj-aꞌtelil te jich yipal ta spasel a te kꞌalal ya xjul taek yuꞌun te yajwale.

San Lucas 12:37

Ben tsaꞌam slekil te jꞌaꞌteletik te kuxul yoꞌtanik ya xjul taek yuꞌun te yajwalike. Jamal ya kalbeyex, te yajwalike ya me xchap sba, ya me yakꞌ sba ta mantaltesel yuꞌunik, ya me yikꞌ tal ta mexa, y ya me xꞌaꞌbot sweꞌelik yuꞌun.

Apocalipsis 2:19

“Kiloj spisil te tut ya apase. Jnaꞌoj te xkꞌuxul awoꞌtane, y te xchꞌuunel awoꞌtane, sok te awakꞌoj aba ta abatinele, y sok te kujchem awuꞌun te awokole. Y kiloj te ora to yipalat ta spasel ta mas ke te nail toe.

San Mateo 25:34

“Te ajwalile ya me yalbe te machꞌatik ay ta sbatsꞌil skꞌabe: “Laꞌik te jaꞌexe te ben tsaꞌam alekilik ta stojol te Jtate. Ochanik, ichꞌaik awaꞌtelik ta ajwalil te chapbil ta akuentaik kꞌalal ta slijkibal to tal te balmilal te la spas te Diose.

San Mateo 24:45

“Jich tutꞌil to te aj-aꞌtelil te jun yoꞌtan sok ay spꞌijil yoꞌtan, aꞌbot skanantay te yanetik jꞌaꞌteliletik ta sna te yajwale. Ya yaꞌbe sweꞌelik ta juju-chꞌoj te ya xweꞌike.

San Mateo 24:47

Jamal ya kalbeyex, te yajwale ya me yaꞌbey skanantay spisil te tutik ay yuꞌune.