San Mateo 24:37 - Nuevo Testamento Tzeltal de Amatenango

³⁷ “Jich tutꞌil ayik a te genteetik ta yorail te jNoee, Jich mismo ayik a te kꞌalal ya xchaꞌsujt tal te Nichꞌanile.

Bible in Tzeltal Bachajón

³⁷ Hich te bin ut'il ta yorahil Noé, hich nix ay ta yorahil ya xtal te Nich'anil ay ta scuenta winic.

Bible in Tzeltal de Oxchuc y Tenejapa

³⁷ “Jich bit'il ta yorail te Noeje, ja' nanix jich te c'alal ya xtal te Nich'anile.

San Mateo 24:37 Referans Kwoze

2 Pedro 3:6

Sok ta skuenta te jaꞌ, la slajin te balmilal te nojel jaꞌe.

2 Pedro 2:5

Ni maꞌ spasbe perdon euk te Dios te antibo genteetike, sino ke la yakꞌ taluk nojel jaꞌ ta stojolik te genteetik te ma lekikuke. Jaꞌ nax a kol te jNoe, te la yalbe skꞌoplal te lek kuxlejal te toje, y sok te yan xan juktule.

Hebreos 11:7

Ta skuenta xchꞌuunel yoꞌtan, te jNoee la yakꞌ ta jkuenta te tut albot yuꞌun Dios kꞌalal la yaꞌbe snaꞌ te tut ya xkꞌot ta pasel te ma to chikanuke. La xchꞌuun y la spas barko yuꞌun ya xkol a sok te yuntikile. Y ta skuenta te xchꞌuunel yoꞌtane, te jNoee la yakꞌ ta ilel smul te gente ta balmilale. Y la sta te kolel te tutꞌil lek a ilot yuꞌun te xchꞌuunel yoꞌtane.

San Mateo 24:39

Maꞌ snaꞌbeyik sluwar te tut ya xkꞌot ta pasele, tal te nojel-jaꞌe. Jicha laj spisilik. Jich me ayik a te genteetik te ya xchaꞌtal te Nichꞌanile.

San Mateo 16:27

Jich te Nichꞌanile ya me xtal sok slekilal te jTate sok te xchꞌul angeletik yuꞌune. Ya me xtal kaꞌbe stojol juju-tul chikan te tut spasojike.

San Mateo 24:3

Laj abi, bajtik ta wits Olivailtik. Teꞌ kꞌo snajkan sba a te Jesuse. Te jnopojeletik yuꞌune tal skꞌoponik ta parte. Jich a yalik: —Ya jkꞌantik ya awalbotik te tut ora ya xkꞌot ta pasel te tut la awalbotike. ¿Tut señail ya xchiknaj ta ilel te tut ora ya xchaꞌtalate sok teme jaꞌix te slajibal kꞌaale? —xchiik.

San Mateo 24:27

Jich te tut ora ya xtal te Nichꞌanile, jich me ya xchiknaj tal te tutꞌil sansewaletik te ya xtil tal te ba xlokꞌ tal kꞌajkꞌale sok ba xchꞌay kꞌajkꞌale.

San Mateo 24:30

Jich me ya xchiknaj ta chꞌulchan te seña te Nichꞌanile. Spisil ta jkaj te genteetik te ayik ta balmilale ya me xkꞌo yokꞌetay sbaik, y ya me yilik te Nichꞌanile. Ya me yilik te yipal ta talel ta tokal ta yolil te chꞌulchane sok jpoder sok bayal xojobil te stsaꞌamule.