San Mateo 24:31 - Nuevo Testamento Tzeltal de Amatenango

³¹ Te kꞌalal ya xꞌokꞌ tulan te kornetae, ya me stikon bael te chꞌul angeletik yuꞌune, ya me xba stsobik ta xchanmejchel balmilal te machꞌatik tꞌujbil yuꞌune.

Bible in Tzeltal Bachajón

³¹ Soc ya me sticonlan bahel te ch'ul a'batetic yu'un soc tulan yoq'uel corneta, ya stsobic tal ta schanebal ic' te mach'atic tsahticlambil yu'un, c'alal ta jehch ta jehch sti'il te ch'ulchane.

Bible in Tzeltal de Oxchuc y Tenejapa

³¹ Te c'alal ya x'oc' tulan te oq'uese, ya me sticun bael te ch'ul abatetic yu'une. Ya me xba stsobic tel ta xchanjejch'elul q'uinal ta spamal balumilal te mach'atic tsabilic yu'une.

San Mateo 24:31 Referans Kwoze

1 Tesalonicenses 4:16

Porke ya me kaꞌitik jun tulan kꞌop ta mantal, sok skꞌop te statal angeletik, y sok te yokꞌel korneta yuꞌun te Diose. Y jaꞌ ya xkoj tal ta chꞌulchan te Kajwaltike. Y te machꞌatik xchꞌuunej Cristo a chame, primero ya xchꞌakuxik tal.

San Marcos 13:27

Ya me stikon bael te chꞌul angeletik yuꞌune, ya xba stsobik tal ta xchan-mejchꞌelul balmilal sok ta sjoylejal chꞌulchan balmilal te machꞌatik tꞌujbilik yuꞌune.

1 Corintios 15:52

Ta jtsꞌin nax te ya swikꞌ sba y ya smutsꞌ sba te jsitike, te kꞌalal ya xꞌokꞌ ta último te kornetae. Porke ya xꞌokꞌ te kornetae, y te animaetike ya me xchaꞌkuxik tal. Yuꞌun makꞌ me xchaꞌchamikix a. Y te joꞌotike ya me xyanejotik.

San Mateo 13:41

Te Nichꞌanile ya me stikon te chꞌul angeletik yuꞌune, ya xtal stsobik lokel ta balmilal te machꞌatik ya syaleswanik ta mulile sok te machꞌatik ma tsaꞌamuk yatꞌelike.

2 Tesalonicenses 2:1

Te ora to, kermanotak, te tutꞌil ya xchaꞌtal te Kajwaltik Jesucristoe, y te jun nax ya stsobelotik ta skuentae, awokolikuk,

Efesios 1:10

Te tut xchapoje ya me xkꞌot ta pasel te ya sta stiempoil yuꞌune. Dios ya me yakꞌ ta skuenta Cristo spisil te tutik ay ta chꞌulchan sok ta balmilal.

San Juan 11:52

Y ma jaꞌuk nax yuꞌun te juriyoetike, jaꞌ yuꞌun euk spisil te alnichꞌanetik yuꞌun Dios te chꞌayemik ta ya stsob ta jun naxe.

San Mateo 25:31

“Sok te kꞌalal ya xtal te Nichꞌanile, joyinbil ya xtal yuꞌun te chꞌul angeletike sok xojobil sok stsaꞌamul. Sok ya xjul snajkan sba ta ajwalil te ba ay te smukꞌul naktajibe.

Apocalipsis 7:1

Ta patil la kil chantul angeletik te tekꞌajtik te ba ay xchanmejchelul te balmilale. Skomojik te xchanmejchel ikꞌ yuꞌun makꞌ ya yikꞌay te sba te balmilale, ni ta sba te mare, ni ta sba jwoluk teꞌ.

Apocalipsis 8:2

Teꞌ nax a la kil jukeb angeletik te tekꞌajtik ta sit te Diose. Akꞌtalanbot jukeb kornetaetik.

Romanos 10:18

Pero te joꞌone ya jojkꞌoy: “¿Me yuꞌun wan maꞌ yaꞌiybeyik sluwar te skꞌop Diose?” xchion. Puersa ay a yaꞌiyik, porke te Sjun Diose jich ya yal: “Ta spisil te balmilale pujkix bael ta alel yuꞌunik, y asta ta último srinkonal te balmilale kꞌotix te skꞌopike”, xchi me.

San Mateo 28:18

Te Jesuse tijilaj tal te ba ayike. Jicha yal: —Dios a yaꞌbonix ta jkuenta spisil te chꞌulchan sok te balmilale.

San Mateo 24:22

Te jichuk makꞌ xatꞌbe skꞌaalel te Diose, maꞌyuk machꞌa ya xkol te jichuke. Pero chapalix yuꞌun te ya yichꞌ komel ta skaj te machꞌatik tꞌujbil yuꞌune.

Apocalipsis 11:15

Te sjukebal ángele la yokꞌesin te skornetae. Y la kaꞌiy tulan kꞌop ta chꞌulchan, te jich la yalike: “Te machꞌa ay ta skuenta te ya xꞌoch ta ajwalil ta sba te balmilale jaꞌ japubil yuꞌun te Kajwaltike y sok te Cristo yuꞌune. Y ya xꞌoch ta ajwalil ta sbajtel kꞌinal”, xchiik.

San Lucas 24:47

Sok te joꞌon ta jkuenta te ya xlijk ta alel kꞌalal ta Jerusalen sok ta spisil nasionetik te ya sujtes yoꞌtanik ta stojol Diose, yuꞌun jich me ya spasbot perdon yuꞌun a te smulike.

Apocalipsis 1:20

Jaꞌ to jaꞌ skꞌoplal te jukeb ekꞌetik te la awil te ay ta jbatsꞌil kꞌabe, y sok te jukchꞌix yawil kꞌajkꞌ te pasbil ta oroe. Te jukeb ekꞌetike jaꞌ xyal te juktul angeletik ta stojol te juktijkꞌ hermanoetike. Y te jukchꞌix yawil kꞌajkꞌe jaꞌ xyal te juktijkꞌ hermanoetike —xchi.

San Mateo 24:24

Ay me ya xtal lotil Cristoetik sok lotil jꞌalwanejetik. Ya me yakꞌ ta ilel mukꞌ señaetik sok milagroetik. Ya me sloꞌlayik euk te machꞌatik tꞌujbilik yuꞌun Dios te yauk xjuꞌ yuꞌunike.

San Mateo 24:32

“Te tut ya kalbeyexe, nopaik te tutꞌil ay te ikuxe. Te kꞌalal ya xꞌachꞌub te skabkꞌabe sok teme yipalix ta yaxubel te yaꞌnimale, jich me ya anaꞌbeyik sluwar te xnopetix te jaꞌleltike.

Hebreos 12:19

Ni ma awaꞌiyejikuk te skꞌop kornetae ni te skꞌop Diose. Te machꞌatik la yaꞌiyik te kꞌop abi la skꞌanbeyik pawor te ma sigueuk ya xkꞌoponlanote.