San Mateo 24:24 - Nuevo Testamento Tzeltal de Amatenango

²⁴ Ay me ya xtal lotil Cristoetik sok lotil jꞌalwanejetik. Ya me yakꞌ ta ilel mukꞌ señaetik sok milagroetik. Ya me sloꞌlayik euk te machꞌatik tꞌujbilik yuꞌun Dios te yauk xjuꞌ yuꞌunike.

Bible in Tzeltal Bachajón

²⁴ Como ya xchicnaj hahchel lotil cristohetic soc lotil jalwanejetic soc ya spasic muc' señahiletic soc jchahp a'teliletic yu'un ya slo'loyic te mach'a tsahbilic, te yacuc xhu' yu'unique.

Bible in Tzeltal de Oxchuc y Tenejapa

²⁴ Ay me ya xchicnaj lotil cristoetic soc lotil j'alwanejetic. Ya me yac' ta ilel muc' señailetic soc jchajp at'eliletic. Bayal me ya yaiyic lo'laywanej te yacuc xju' yu'unique, asta yo'tanuc slo'layic uuc te mach'atic tsabilic yu'un te Diose.

San Mateo 24:24 Referans Kwoze

San Marcos 13:22

Porke ay me ya xchiknaj lotil-cristoetik y lotil-alwanejetik. Ya me yakꞌ ta ilel señailetik sok milagroetik. Ya me sloꞌlayik ekꞌa te machꞌatik tꞌujtalanbilik yuꞌun te Diose te yauk xjuꞌ yuꞌunike.

San Mateo 24:11

Sok ya me xchiknaj bayal jlot-alwanejetik y ya me sloꞌlay bayal genteetik.

San Mateo 7:15

“Ila me abaik yuꞌun te machꞌatik lotil jꞌalwanejetike. Skuyoj sbaik ta karneraetik yilel, pero pajal yoꞌtanik sok te weꞌawal teꞌtikil tsꞌiꞌ.

San Mateo 24:5

Porke ay me bayal machꞌatik ya xtal ya skuy sbaik a te joꞌone. Ya me yalik: “Joꞌon Cristoon” xchiik me. Y bayal me genteetik ya sloꞌlaylan.

2 Pedro 3:17

Jaꞌ yuꞌun, kermanotak te kꞌuxex ta koꞌtane, ya ke nail to ya anaꞌik te tutik to, ila me abaik, yuꞌun ma me sjochex bael ta loꞌlayel te machꞌatik ma lekikuke, ni ma me chꞌayanik te jun awoꞌtanike.

Apocalipsis 19:20

Te chanbalam te xiꞌbentik sbae la yichꞌ tsakel, jun nax sok te palso alwanejetik te la yakꞌik ta ilel seña milagroetik ta stojole. Ta skuenta te señailetik abi, te palso jꞌalwanejetik juꞌ yuꞌun sloꞌlayel te machꞌatik la skꞌan a yichꞌbeyik te smarka te chanbalam te xiꞌbentik sbae y te la yichꞌbeyik ta mukꞌ te slokꞌole. Jich te chanbalam te xiꞌbentik sbae y sok te palso alwanejetike kuxul a chꞌojtalanot ochel ta kꞌajkꞌ te yipal ta tilel sok asufree.

1 Juan 5:18

Jnaꞌojtik te machꞌa yal-xnichꞌan te Diose, makꞌ ya sleix smul. Porke ya me xkanantayot yuꞌun te Xnichꞌan Diose, y te pukuje ma xjuꞌ ya xpikot yuꞌun.

2 Timoteo 2:19

Pero jun nax te kiptajibtik te yakꞌoj Dios te makꞌ xnijk stukele. Jaꞌ tsꞌibabil teꞌa: “Te Kajwaltike yiloj te machꞌatik ay ta skuentae”, xchi me. Sok “A me sjilesik mulil spisil te machꞌatik yajwalinejik te Cristoe”, xchi me.

San Juan 6:39

Jaꞌ te sboluntar te Machꞌa la stikonon tale te spisil te machꞌa ya yaꞌbone ni jtuluk ya xchꞌay kuꞌun, sok ya me jchaꞌkuses tal ta slajibal kꞌaal.

San Juan 6:37

Spisil te machꞌa ya yaꞌbon te jTate ya xtal ta jtojol; y te machꞌatik ya xtal ta jtojole, makꞌ ya jlokꞌes bael ta juera.

1 Pedro 1:5

Ta skuenta te achꞌuunejik te Diose, ya me skanantayex ta spoder, yuꞌun jich me ya ataik a te kolel te chapal yuꞌune, te ya xba yakꞌ ta ilel ta slajibal kꞌaale.

Gálatas 4:15

¿Tut la apasik sok te sbujtsꞌ awoꞌtanik la awaꞌiyike? Ya xjuꞌ ya kalbeyex te jaꞌexe te kꞌan juꞌuk awuꞌunik te ya alokꞌesik te sbakꞌ asitike yuꞌun te ya awaꞌbikone.

Romanos 12:18

Asta te ba kꞌalal ay ta akuentaike, pasaik te ba kꞌalal ya xjuꞌ awuꞌunike te jich me jun awoꞌtanik ta apisilik a.

Hechos 20:16

Jicha beenotik yuꞌun la snop te jPabloe te makꞌ ya xjalajotik ta estado Asiae. Jich maꞌ bootik ta jtejklum Efeso, yuꞌun te jPablo ya skꞌan te yauk xkꞌot ta ora ta Jerusalen, yuꞌun teꞌ me ayix a te ya xkꞌot skꞌaalel Pentecostese.

San Mateo 22:14

“Porke bayal te machꞌatik ya xꞌikꞌtalanot tale, pero ma bayaluk te machꞌa tꞌujtalanbile —xchi te Jesuse.

San Mateo 24:22

Te jichuk makꞌ xatꞌbe skꞌaalel te Diose, maꞌyuk machꞌa ya xkol te jichuke. Pero chapalix yuꞌun te ya yichꞌ komel ta skaj te machꞌatik tꞌujbil yuꞌune.

San Mateo 24:25

La me kalbeyex nailuk.

San Mateo 24:31

Te kꞌalal ya xꞌokꞌ tulan te kornetae, ya me stikon bael te chꞌul angeletik yuꞌune, ya me xba stsobik ta xchanmejchel balmilal te machꞌatik tꞌujbil yuꞌune.

San Lucas 18:7

Jaꞌ yuꞌun te Diose, ¿meꞌn ma wan yauk skoltay te machꞌatik tsabil yuꞌune te ya swulilan ta kꞌajkꞌal ajkꞌubale? ¿Me ya to wan smali te ya xkoltaywane?

San Juan 4:48

Te Jesuse la sjakꞌbe: —Te jaꞌexe ma xꞌachꞌuunuk te jichuk makꞌ ya awilik te señaetik sok te milagroetike —xyut.

1 Juan 2:18

Kuntikil, jaꞌ to jaꞌ slajibalix kꞌaal. Te jaꞌexe awaꞌiyejikix te ay jtul ya xtal te jaꞌ skontrainej te Cristoe. Te ora to ayix bayal machꞌa skontrainej te Cristoe. Jaꞌ yuꞌun jnaꞌojtik te jaꞌ slajibalix kꞌaale.

1 Juan 2:22

¿Machꞌa a te jloꞌlawaneje? Jaꞌ te machꞌa ya yal te ma jaꞌuk Cristo te Jesuse. Jaꞌ bi, jaꞌ skontra te Cristoe, yuꞌun ma xyakꞌ ta akꞌel ta jkuenta te Tatile sok te Nichꞌanile.