San Mateo 24:22 - Nuevo Testamento Tzeltal de Amatenango

²² Te jichuk makꞌ xatꞌbe skꞌaalel te Diose, maꞌyuk machꞌa ya xkol te jichuke. Pero chapalix yuꞌun te ya yichꞌ komel ta skaj te machꞌatik tꞌujbil yuꞌune.

Bible in Tzeltal Bachajón

²² Te manchuc ya xpehc'ambot sc'ahc'alel, mayuc mach'a ya xcol te hichuque. Pero ta scaj te mach'atic tsahbilic ya xpehc'ambot sc'ahc'alel.

Bible in Tzeltal de Oxchuc y Tenejapa

²² Te manchuc yacuc scombey sc'aalelal te Diose, ma'yuc mach'a ya xcol jtuluc te jichuque. Ja'uc me to, chapalix yu'un te ya yich' comel ta scaj te mach'atic tsabilic yu'une.

San Mateo 24:22 Referans Kwoze

San Marcos 13:20

Te manchuk skomobey skꞌaalel te Kajwaltike, ni tuluk machꞌa ya xkuxuyin a. Pero chapalix yuꞌun te ya skombey skꞌaalel ta skuenta yuꞌun te machꞌatik tꞌujtalanbil yuꞌune.

2 Timoteo 2:10

Jaꞌ yuꞌun ya xkujch kuꞌun spisil, yuꞌun jich ya staik slekilik te machꞌatik tꞌujbilik yuꞌun te Diose. Yuꞌun jich me ya staik skolelik ekꞌa te ben tsaꞌam sok te sbajtel kꞌinal ay ta skuenta te Cristo Jesuse.

San Mateo 24:31

Te kꞌalal ya xꞌokꞌ tulan te kornetae, ya me stikon bael te chꞌul angeletik yuꞌune, ya me xba stsobik ta xchanmejchel balmilal te machꞌatik tꞌujbil yuꞌune.

San Mateo 24:24

Ay me ya xtal lotil Cristoetik sok lotil jꞌalwanejetik. Ya me yakꞌ ta ilel mukꞌ señaetik sok milagroetik. Ya me sloꞌlayik euk te machꞌatik tꞌujbilik yuꞌun Dios te yauk xjuꞌ yuꞌunike.

Romanos 9:11

Y antes te ma to xla ayin ae, te kꞌalal maꞌyuk tut spasojik, ni lek ni ma lekuk, Dios a albot yuꞌun te xRebecae: “Te bankilale jaꞌ me ya yaj-aꞌtelin te ijtsꞌinale”, te xꞌutote. Jaꞌ pajal sok te tutꞌil jich tsꞌibabil jilel ta Sjun Diose: “Kꞌux ya kaꞌiy ta koꞌtan te Jacobe; y te jꞌEsaue ma kꞌuxuk ta koꞌtan ya kaꞌiy stukel”, xchi me. Jich chikan ta jamal te tutꞌil stukel ay ta skuenta stsael te Diose te machꞌa ya yikꞌe sok te tut snopoj ta yoꞌtane. Ma jaꞌuk ya snaꞌbe te tut spasojike.

San Mateo 22:14

“Porke bayal te machꞌatik ya xꞌikꞌtalanot tale, pero ma bayaluk te machꞌa tꞌujtalanbile —xchi te Jesuse.

San Lucas 18:7

Jaꞌ yuꞌun te Diose, ¿meꞌn ma wan yauk skoltay te machꞌatik tsabil yuꞌune te ya swulilan ta kꞌajkꞌal ajkꞌubale? ¿Me ya to wan smali te ya xkoltaywane?

1 Pedro 1:1

Joꞌon jPedroon, apostolon yuꞌun te Jesucristoe, ya jtsꞌibay te karta to te jaꞌ yuꞌun te machꞌatik te pujkejemik bael te ba slumalike, te ayik ta estadoetik yuꞌun Ponto sok Galacia sok Capadocia sok Asia y sok Bitinia.