San Mateo 24:21 - Nuevo Testamento Tzeltal de Amatenango

²¹ Porke ya me xtal bayal wokol te maꞌyuk jich kꞌoem ta pasel ta slijkibal te balmilale, sok te patil maꞌyukix jich ya xkꞌot ta pasel a.

Bible in Tzeltal Bachajón

²¹ como ya me xtal tulan wocol ta hich ora, te mayuc hich c'ohem ta pasel ta shachel to tal bahlumilal c'alal ora, soc mayuc hich ya xc'oht xan ta patil.

Bible in Tzeltal de Oxchuc y Tenejapa

²¹ Ya me xtal bayal woclajel, te ma'yuc bay jich c'oem ta pasel ta xjajch'ibal to tel balumilal, soc ta ora to, soc ta patil bael.

San Mateo 24:21 Referans Kwoze

San Lucas 21:24

Ay me machꞌatik ya xchamik ta milel ta puñal, sok ay me ya xchuktalanot bael ta spisil nasionetik. Y te jyanlumetike ya me xpuchꞌilan ta tekꞌel te Jerusalene, jaꞌ to teme tsꞌakay te jayeꞌ kꞌaal yichꞌojik permisoe.

1 Tesalonicenses 2:16

Yuꞌun te kꞌalal kꞌan kalbetik te machꞌatik ma juriyouk yuꞌun jich me ya xkolik ekꞌa, maꞌ yaꞌbotik jpastik. Jich yanyan yipal ta bayalejel te smulike. Pero te ora to julix ta stojolik te tulan kastigo yuꞌun Dios.

San Mateo 24:29

“Teme kꞌaxix skꞌaalel a te wokole sok te ikꞌtinele, ya xꞌijkꞌub te kꞌajkꞌale, sok te ue makꞌ xtilix a. Sok ya me xtꞌuxaj ta koel te ekꞌetik ta chꞌulchane, sok ya me xtijtalanot te tutik ay ta yolil te chꞌulchane.

San Marcos 13:9

“Ila me abaik te jaꞌexe. Ya me yakꞌelex ta skꞌab te juꞌeletike, y ya me awichꞌik majel ta chꞌulnaetik. Ya me stejkꞌanelex ta sit juꞌeletik sok ta sit gobierno ta skaj te achꞌuunejikone. Jich me kaj-testigoex ya xkꞌoex kuꞌun ta yolilik.

San Mateo 24:20

Kꞌanbeyaik te Diose te manchuk yorailuk sik a, sok te manchuk skꞌaaleluk kuxo-oꞌtan aye.

Apocalipsis 7:14

La kalbe: —Jaꞌat anaꞌoj, kajwal —xkut. Y jich a yalbon: —Jaꞌlan to te machꞌatik te kꞌaxemik tal ta tulan wokole. Jaꞌlan te machꞌatik sakꞌojik te skꞌuꞌ-spakꞌike y jaꞌ sakutesojik a te xchꞌichꞌel te Chꞌin Karnerae.

Apocalipsis 16:18

Jich xlemlajan lijkel sansewal, xixixet y xpumumet. Y te balmilale nijk ta skaj te tulan jikichabe, te kꞌax ta mas ke ta spisil te tulan jikichabetik te la yakꞌ desde ke ay gente ta balmilale.