San Mateo 24:14 - Nuevo Testamento Tzeltal de Amatenango

¹⁴ Sok ya me yichꞌ alel ta spisil balmilal te tutꞌil ay ta ajwalinel te Diose, yuꞌun jich me ya yaꞌibe sluwar spisil te genteetik te tutꞌil ay kꞌuxutayel yuꞌun te Diose. Jaꞌ to me ya xtal te slajibal kꞌaale.

Bible in Tzeltal Bachajón

¹⁴ Ya me xpuhc ta halel ta swohlol bahlumilal sc'oblal te lec yach'il c'op yu'un te cuentahinel yu'un Dios, scuenta testigo-c'op ta stojol spisil nacionetic, ha to me ya xtal a te slajibal c'ahc'ale.

Bible in Tzeltal de Oxchuc y Tenejapa

¹⁴ Soc ya me yich' puquel te lec yach'il c'op ta spamal balumilal te bit'il ay ta ajwalinel te Dios ta ch'ulchane, swenta testigo ya xc'ot ta stojol spisil nacionetic. Ja' to teme nup' ta puquele, jich me ya xtal te slajibal c'aale.

San Mateo 24:14 Referans Kwoze

Apocalipsis 14:6

La kil jtul xan ángel te ya xwil ta yolil te chꞌulchane, y te yichꞌoj te skꞌoplal kolel sbajtel kꞌinal yuꞌun ya yaltalanbe te machꞌatik kuxajtik ta balmilale. Sok ta spisil te nasionetike, skajalkaj stsꞌumbal, y skꞌopik y jtejklumetik.

Romanos 10:18

Pero te joꞌone ya jojkꞌoy: “¿Me yuꞌun wan maꞌ yaꞌiybeyik sluwar te skꞌop Diose?” xchion. Puersa ay a yaꞌiyik, porke te Sjun Diose jich ya yal: “Ta spisil te balmilale pujkix bael ta alel yuꞌunik, y asta ta último srinkonal te balmilale kꞌotix te skꞌopike”, xchi me.

San Lucas 24:47

Sok te joꞌon ta jkuenta te ya xlijk ta alel kꞌalal ta Jerusalen sok ta spisil nasionetik te ya sujtes yoꞌtanik ta stojol Diose, yuꞌun jich me ya spasbot perdon yuꞌun a te smulike.

Colosenses 1:23

Pero yuꞌun te jich aye ya skꞌan te jmel nax jun awoꞌtanik sok te xchꞌuunel awoꞌtanike. Ma me xtal xbajtukex ta smaliyel te tut ya awichꞌik yuꞌun te skꞌoplal kolel te la awaꞌiyike. Jaꞌ to jaꞌ skꞌoplal te la yichꞌix alel ta bayuk nax ta balmilale, jaꞌ te ay kaꞌtel ta yalel ekꞌae, joꞌon te jPabloone.

San Mateo 10:7

Baanik, alaik bael: “Nopol ya xlijkix ta mantal te jTatik Diose”, xchaex me.

San Mateo 9:35

Te Jesuse la yokliy spisil te mukꞌul jtejklumetike sok te chꞌin kolonyaetike. Nojpeswan ta sinagogaetik ta jujun jtejklum. La yaltalanbe te lek achꞌ kꞌop yuꞌun te ya xlijkix ta mantal te Diose. Sok la slekuteslanbe tutikuk nax chamelil te ay ta stiꞌbalulike sok spisil te tutik kꞌux ta aꞌiyele.

Colosenses 1:6

Jaꞌ te kꞌop to te la awaꞌiyikixe, yipalix ta mukꞌubel y yipal ta sitinel ta bayuk ta spisil balmilal. Jaꞌ pajal sok te kꞌotix ta pasel ta akuentaik te kꞌalal la awaꞌiyik te ya xꞌalot te skꞌuxul yoꞌtan Dios, y la anaꞌikix te batsꞌi jich te skꞌuxul yoꞌtane.

San Mateo 24:6

Te jaꞌexe ya me awaꞌiyik sluwar te ay guerra liꞌto y lum to. Pero ma me xiꞌanik yuꞌun, porke puersa me jich ya xꞌkot ta pasel. Pero ma to me jaꞌuk te slajibal kꞌaale.

San Mateo 4:23

Been ta spꞌejel estado yuꞌun Galilea te Jesuse. La spꞌijuteslan ta sinagogaetik te ba xkꞌax kꞌael ta beel. La yaltalanbey yaꞌiy te lekil achꞌ kꞌop yuꞌun te mukꞌ Dios te ay ta chꞌulchane. Sok la slekuteslan spisil te tutikuk chamelil te ay ta stiꞌbalul te genteetike sok tutik a te kꞌux ta aꞌiyele.

Hechos 17:6

Pero maꞌ staik teꞌa. Jaꞌ a xjochik lokꞌel te Jasone sok chaꞌoxtul te hermanoetike, yuꞌun ba yakꞌik entregal ta stojol te juꞌeletik yuꞌun te jtejklume. Xꞌawlajanik: —Te winketik to yipalik ta slijkesel kꞌop ta spisil balmilal, y laj julix ekꞌa liꞌye.

Apocalipsis 3:10

“Apasoj kumplir te mantaliletik kuꞌune te jun awoꞌtan ya atsꞌik awokole, y jaꞌ yuꞌun joꞌon ya jkꞌejat a te tut ora ya xtal te prewa ta stojol ta spisil te balmilale, yuꞌun te ya spasot ta prewa a ta spisil te machꞌatik kuxajtik ta balmilale.

Hechos 20:25

“Te ora to jnaꞌojix te ni jaymel ya awilbikon xan sit jaꞌex ta apisilik te la kalbeyex te tutꞌil ay ta ajwalinel te Diose.

San Mateo 24:3

Laj abi, bajtik ta wits Olivailtik. Teꞌ kꞌo snajkan sba a te Jesuse. Te jnopojeletik yuꞌune tal skꞌoponik ta parte. Jich a yalik: —Ya jkꞌantik ya awalbotik te tut ora ya xkꞌot ta pasel te tut la awalbotike. ¿Tut señail ya xchiknaj ta ilel te tut ora ya xchaꞌtalate sok teme jaꞌix te slajibal kꞌaale? —xchiik.

Apocalipsis 16:14

Jaꞌ espirituetik yuꞌun te pukujetike te ya spasik señailetik sok milagroetik. Y lijkik bael ta stsobel ta spisil te reyetik ta balmilale yuꞌun ya yaꞌbe guerra te jun kꞌaal te lom tulan skꞌoplal yuꞌun te Dios te spisil ya xjuꞌ yuꞌune.

San Lucas 4:5

Ikꞌot xan bael ta jol wits yuꞌun te pukuje. Tsꞌina ba aꞌbek yil spisil te stsaꞌamul te balmilale.

Hechos 1:2

jaꞌ to te kꞌalal ikꞌot moel ta chꞌulchane. Te kꞌalal ma to xbajt ta chꞌulchan ae, la stꞌuj te apostoletike. Ta skuenta te Chꞌul Espiritue la spas jilel ta mantal te tut ya skꞌan spasike.

Hechos 11:28

Ay jtul te Agabo sbiile, la stejkꞌan sba ta skuenta te Chꞌul Espíritu, sok la yal te ya xtal bayal wiꞌnal ta spisil te balmilale. Jaꞌ kꞌot ta pasel a te kꞌalal ochem ta mukꞌul rey a te jClaudioe.

San Mateo 18:19

“Sok ya kalbeyex: teme ay chaꞌtulex tem ya achap akꞌopik liꞌ ba balmilale tem ay tut ya akꞌanbeyik te Diose, te jTat te ay ta chꞌulchane ya me yaꞌbeyex.

San Lucas 2:1

Jaꞌ stiempo a te la yal mantal te mukꞌul rey César Agusto te ya yichꞌ pasel senso ta spisil te nasion yuꞌune.

San Marcos 13:10

Ma to me xtal te slajibal kꞌaale, puersa nail me ya yichꞌ alel te skꞌoplal kolele ta skuenta spisil ta tsojb genteetik ta spꞌejel balmilal.

Hechos 17:31

Yuꞌun snaꞌojix te Diose te tut kꞌaalil ya yichꞌbe jkuenta yaꞌtel te gentee, ta skuenta te jtul winik te la stꞌuje, jaꞌ te Jesuse. Jamal a akꞌtalanbot yil spisil te kꞌalal la xchaꞌkuses tal te ba ay animaetike —xchi te jPabloe.

Hechos 19:27

Ma me lekuk, porke te jchonbajeletike ya me xchꞌaybotik. Sok jich euk te chꞌulna yuꞌun te kaj-santutik xDianae ya me xchꞌay skꞌoplal te bayuk nax ya xꞌalote. Jich me ya xpꞌajot te tutꞌ ay smukꞌul te kaj-santutik xDianae te jaꞌ chꞌuunbil yuꞌun spisil te estado Asiae sok ta spisil te balmilale —xchi te jDemetrioe.

Hebreos 1:6

Pero te kꞌalal la yakꞌ ta ilel ta balmilal te sba nichꞌane, la yal: “A me skejan sbaik ta skuenta spisil te angeletik yuꞌun Dios”, xchi me.

Hebreos 2:5

Dios maꞌ yakꞌix ta kuentainel yuꞌun angeletik te yachꞌil balmilal ya xchiknaj ta patil te jaꞌ yipalotik ta yalele.