San Mateo 24:11 - Nuevo Testamento Tzeltal de Amatenango

¹¹ Sok ya me xchiknaj bayal jlot-alwanejetik y ya me sloꞌlay bayal genteetik.

Bible in Tzeltal Bachajón

¹¹ Ya xchicnaj hahchel tsobol lotil jalwanejetic soc ya slo'loylanic tsobolic.

Bible in Tzeltal de Oxchuc y Tenejapa

¹¹ Soc ya me xchicnaj tsobol lotil j'alwanejetic. Jich me tsobol ta jtul ya xlajic ta lo'layel yu'un.

San Mateo 24:11 Referans Kwoze

San Mateo 24:24

Ay me ya xtal lotil Cristoetik sok lotil jꞌalwanejetik. Ya me yakꞌ ta ilel mukꞌ señaetik sok milagroetik. Ya me sloꞌlayik euk te machꞌatik tꞌujbilik yuꞌun Dios te yauk xjuꞌ yuꞌunike.

San Mateo 7:15

“Ila me abaik yuꞌun te machꞌatik lotil jꞌalwanejetike. Skuyoj sbaik ta karneraetik yilel, pero pajal yoꞌtanik sok te weꞌawal teꞌtikil tsꞌiꞌ.

San Mateo 24:5

Porke ay me bayal machꞌatik ya xtal ya skuy sbaik a te joꞌone. Ya me yalik: “Joꞌon Cristoon” xchiik me. Y bayal me genteetik ya sloꞌlaylan.

1 Timoteo 4:1

Pero jamal ya yal te Espiritue: Ta slajibal kꞌaal ay machꞌa ya sjilesik ta chꞌuunel te Diose. Jaꞌ ya xbajt ta yoꞌtanik te skꞌopik jloꞌlawanejetike y te nojpesel yuꞌun te pukujetike.

San Marcos 13:22

Porke ay me ya xchiknaj lotil-cristoetik y lotil-alwanejetik. Ya me yakꞌ ta ilel señailetik sok milagroetik. Ya me sloꞌlayik ekꞌa te machꞌatik tꞌujtalanbilik yuꞌun te Diose te yauk xjuꞌ yuꞌunike.

Apocalipsis 19:20

Te chanbalam te xiꞌbentik sbae la yichꞌ tsakel, jun nax sok te palso alwanejetik te la yakꞌik ta ilel seña milagroetik ta stojole. Ta skuenta te señailetik abi, te palso jꞌalwanejetik juꞌ yuꞌun sloꞌlayel te machꞌatik la skꞌan a yichꞌbeyik te smarka te chanbalam te xiꞌbentik sbae y te la yichꞌbeyik ta mukꞌ te slokꞌole. Jich te chanbalam te xiꞌbentik sbae y sok te palso alwanejetike kuxul a chꞌojtalanot ochel ta kꞌajkꞌ te yipal ta tilel sok asufree.

2 Pedro 2:1

Ta namey ay palso jꞌalwanejetik te ba ay te jtejklum Israel; y jich me ay palso maestroetik te ba ayex te jaꞌexe. Ya me snojpeswanik ta mukul te tut snopojike te ya xjimawanike. Jaꞌ ya spꞌajik te Kajwaltik te jaꞌ a koltalanot yuꞌune. Jich me ora ya yichꞌik jimel stukelik.

Judas 1:4

Yuꞌun ay mukul la yochintayex jtul cheb genteetik te ya sloꞌlayexe. Jaꞌ te machꞌatik namey ay jilel skꞌoplal ta Sjun Dios yuꞌun te chꞌayel ya xlaj bajte. Jaꞌ genteetik te ma lekikuke. Syanutesejik te tutꞌil ay slekil yoꞌtan te Kajwaltik Dios, yuꞌun ya yalik te jich ay ta pasel spisil te tut ma tsaꞌamuke. Sok ma xyakꞌik ta jkuenta te úniko Ajwalil kuꞌuntik, ja te Kajwaltik Jesucristoe.

1 Juan 4:1

Kermanotak te kꞌuxex ta koꞌtane, ma me achꞌuunik ta spisil te machꞌatik ya yalik te yikꞌojik te Espíritu yuꞌun te Diose. Aꞌiya awaꞌiyik nailuk teme jaꞌ te Espíritu yuꞌun Dios te ay ta stojolike o ma jaꞌuk. Porke nojel te balmilale te jloꞌlawanejetik te ya yalik te jaꞌ ta skuenta Dios te tut ya yalike.

1 Juan 2:18

Kuntikil, jaꞌ to jaꞌ slajibalix kꞌaal. Te jaꞌexe awaꞌiyejikix te ay jtul ya xtal te jaꞌ skontrainej te Cristoe. Te ora to ayix bayal machꞌa skontrainej te Cristoe. Jaꞌ yuꞌun jnaꞌojtik te jaꞌ slajibalix kꞌaale.

1 Juan 2:26

Jaꞌ a jtsꞌibabeyex te tutꞌil ay skꞌoplal te machꞌatik snopoj te ya sloꞌlayexe.

Hechos 20:30

Y ta awolilik ya xlijk te machꞌatik ya yakꞌik ta nopel lotil kꞌop yuꞌun jich me ya stsꞌakliyot bael yuꞌun te hermanoetike.

San Mateo 24:12

Sok ay me bayal ta jtul ya xlaj slekil yoꞌtanik ta skaj te bayalix te tut ma tsaꞌamuk ta pasele.