San Mateo 23:8 - Nuevo Testamento Tzeltal de Amatenango

⁸ “Yan te jaꞌexe ma me akꞌanik te “maestro” ya yalbeyex te genteetike, yuꞌun awermano abaik ta apisilik sok jun nax maestro ay awuꞌunik ta apisilik, jaꞌ bi joꞌon te Cristoone.

Bible in Tzeltal Bachajón

⁸ Yan te ha'exe ma me xawac' abahic ta cuyel ta rabí, como jtuhl nax te Maestro awu'unic, soc awermano abahic ta apisilic.

Bible in Tzeltal de Oxchuc y Tenejapa

⁸ “Yan te ja'exe, ma me x'ac'anic te “maestro” xi' ac'oplalique. Melel awermano abaic ta apisilic soc jtul nax maestro ay awu'unic.

San Mateo 23:8 Referans Kwoze

Santiago 3:1

Kermanotak, jaꞌ lek teme maꞌyuk bayalex te ya xꞌochex ta maestro. Yuꞌun anaꞌojikix te machꞌatik ya jnojpestike, anaꞌojik te ya xꞌilbot yaꞌtel yuꞌun Dios.

1 Pedro 5:3

Ma me jachikukex te batsꞌi ajwalilex yuꞌun te machꞌatik ay ta akuentaik skanantayele, sino ke jaꞌex ya skꞌan ya awaꞌbeyik yilik te tut lek ta pasele.

San Lucas 22:32

Pero la jkꞌambeyix te Diose yuꞌun te manchuk ya xchꞌay te xchꞌuunel awoꞌtan ta jtojol te jaꞌate. Te jaꞌate te kꞌalal ya achaꞌsujtes awoꞌtan ta jtojole, koltaya me te awermanotake, aꞌbeya me smukꞌul yoꞌtanik —xchi.

San Mateo 23:10

Ma me akꞌanik te “ajwalil” te ya yalbeyex te genteetike, yuꞌun jtul nax te Ajwalil awuꞌunike, jaꞌ bi, joꞌon te Cristoone.

San Mateo 17:5

Te kꞌalal yipal to ta kꞌop a te jPedroe ora mukot ta tokal te xlemet nax xojobile. Ta yolil te tokale ay machꞌa kꞌopoj teꞌa, jich a yal: —Jaꞌ to jaꞌ te jNichꞌan te ben kꞌux ta koꞌtane. Ben jun koꞌtan yuꞌun. Aꞌiybeyaik sluwar te skꞌope —xchi.

Apocalipsis 1:9

Joꞌon Juanon, joꞌon awermanoikon te pajal ay ta jkuentatik te wokole sok te pajal ay ta jkuentatik te ya joyintik ta ajwalil te Cristoe, sok te pajal ya yaꞌbotik jpuersatik te ya xkujch kuꞌuntik te wokoletike. Liꞌ aꞌbilon ba chꞌin luwar Patmos sbiil te joybil ta mare, jaꞌ ta skaj te yipalon ta yalel te skꞌop Diose te jamal ya yakꞌ ta naꞌbeyel sluwar te Jesuse.

Apocalipsis 22:9

Pero stukel a yalbon: —Ma me apas jich. Yuꞌun joꞌon jꞌaꞌtelon yuꞌun euk te Dios, jich mismo tutꞌ jaꞌate, y sok te awermanotak te jꞌalwanejetike, y ta spisil te machꞌatik ya yakꞌ ta jkuenta te tut tsꞌibabil liꞌ ba libro to. Jaꞌ me ya awichꞌ ta mukꞌ te Diose —xchi.

Apocalipsis 19:10

La jkejan jba ta yok te ángele, yuꞌun ya kichꞌ ta mukꞌ. Pero te ángele la yalbon: —Ma xꞌapas jich. Yuꞌun te joꞌone yaj-aꞌtelon euk te Diose, jich mismo te tutꞌil jaꞌate y sok te awermanotak te sigue jun yoꞌtanik ta yalel ta jamal te skꞌoplal Jesuse. Jaꞌ me xꞌawichꞌ ta mukꞌ te Diose —xchi. Yuꞌun te skꞌoplal te Jesuse jaꞌ ya xꞌalbot ta yoꞌtanik te machꞌatik jꞌalwanejetik yuꞌun te Diose.

Efesios 3:15

Spisil yichꞌoj sbiil yuꞌun te jayeb ta jkaj te tutik ay ta chꞌulchan sok ta balmilale.

2 Corintios 4:5

Ma joꞌukotik mismo ya kaltik jkꞌoplaltik. Jaꞌ ya kaltik skꞌoplal te Jesucristo, te jaꞌ Kajwaltik stukele. Te joꞌotike jaꞌ nax jꞌaꞌtelotik awuꞌunik ta slekil nax yoꞌtan te Jesuse.

2 Corintios 1:24

Ma yuꞌunuk jaꞌ ya jkꞌantik te ya sujtikex ta xchꞌuunele, yuꞌun ben jun awoꞌtanik sok ayix xchꞌuunel awoꞌtanike. Te tut ya jkꞌantike jaꞌ te ya xꞌaꞌtejotik ta akuentaik, yuꞌun jich me ben jun awoꞌtanik a.

San Mateo 26:49

Te Judase tijilaj tal te ba ay te Jesuse. Jicha yal: —Chꞌul ajkꞌubal, maestro —xchi, y la yujtsꞌiy.

San Mateo 10:25

Jich te eskueleroe teyuk me ya yaꞌiy a teme pajal ya xkꞌot sok te yaj-maestroe. Sok te aj-aꞌtelile teyuk me ya yaꞌiy a teme pajal ya xkꞌot sok te yajwale. Teme “Beelzebu” xchi jkꞌoplal te joꞌon te Ajwalilon awuꞌunike, jich me ya yalbeyex akꞌoplalik euk te jaꞌexe.

San Mateo 23:7

Sok ya skꞌupinik te ya xꞌujtsꞌibot skꞌab ta sitil komon te ba kayae. Sok ya skꞌupinik te “maestro” ya xꞌalbot yuꞌun te genteetike.

San Mateo 26:25

Kꞌopoj euk te Judase, te machꞌa ya xꞌakꞌawan ta entregale y la sjojkꞌoy: —Maestro, ¿Meꞌn joꞌon ya kakꞌat entregal? —xchi. La yal te Jesuse: —Jaꞌat a nix a —xyut.

San Marcos 9:5

Te Pedro la yalbe tsꞌin te Jesuse: —Maestro, ben snix kaꞌiytik te liꞌ ayotike. Ya me jpastik oxwol yax-na, jun awuꞌun, jun yuꞌun Moises y jun yuꞌun Elias —xchi.

San Marcos 10:51

Te Jesuse la sjojkꞌobey: —¿Tut ya akꞌan te ya jpasbeyate? —xchi. La yal te chok winike: —Maestro, ya jkꞌan te ya ajambon te jsite —xchi.

San Marcos 11:21

Te Pedroe la snaꞌ te tut albot te teꞌe. Jich a yalbe: —Maestro, ilawil te ikux-teꞌe te la awut jilel. Takejix —xchi.

San Marcos 14:45

Te kꞌalal kꞌot te Judase, la sta sba sok te Jesuse, sok la yalbe: —Talon, Maestro —xchi. Sok la yujtsꞌi.

San Juan 1:38

Te Jesuse la skꞌelu sujtel y la yil te stsꞌaklajan tal ta spat te chaꞌtule. La sjojkꞌolanbe: —¿Tut ya aleik? —xchi. La yalik: —Maestro, ¿ba talemat? —xchiik.

San Juan 1:49

Te jNatanaele la yalbe: —Maestro, jaꞌat te xNichꞌanat te Diose, sok jaꞌat Reyat yuꞌun te Israele —xchi.

San Juan 3:2

tal skꞌopon ta ajkꞌubal te Jesuse. La yalbe: —Maestro, jnaꞌojtik te jaꞌ stikonejat tal ta pꞌijuteswanej te Diose, porke maꞌyuk machꞌa ya xjuꞌ yuꞌun spasel te milagroetik te yipalat ta spasele te jichuk ma soyinejuk te Diose —xchi.

San Juan 3:26

Ba yalbeyik te Juane: —Maestro, ila awil te machꞌa ajoyinej aba sok tal ta stojil ba xlokꞌ tal kꞌajkꞌal ta jejch Jordane, te machꞌa la awalbotik skꞌoplale. Te ora to yipalix ta yakꞌel ichꞌjaꞌ, y spisil te genteetike ya stsꞌakliyik bael —xchiik.

San Juan 4:31

Mientras baem tal ta jtejlum a te antse, te jnopojeletike la yalbeyik te Jesuse: —Maestro, ¿me makꞌ xweꞌat chꞌinuk? —xyutik.

San Juan 6:25

Te kꞌalal laj kꞌot te baꞌ jejch mare, teꞌ kꞌo staik a te Jesuse. La sjojkꞌobeyik: —Maestro, ¿tut ora julat liye? —xchiik.

San Juan 9:2

Te jnopojeletik yuꞌune la sjojkꞌobeyik: —Maestro, ¿tut yuꞌun te chok a ayin te winik to? ¿Me jaꞌ smul te state o stukel ta smul? —xchiik.

San Juan 11:8

Te jnopojeletike la yalbeyik: —Maestro, ma to nax ayuk kꞌaal te juriyoetike kꞌan smilat ta wolel ta ton teꞌa. ¿Tut yuꞌun ya akꞌan sujtat bael teꞌa? —xchiik.

San Juan 20:16

La yal te Jesuse: —Maria —xyut. Te antse sujt skꞌelu y la yalbe ta hebreo-kꞌop: —¡Raboni! —xchi. “Maestro”, xchi kꞌoem abi.

Filemón 1:16

Ma me jichukix tutꞌil amoso, yuꞌun kꞌax lek ayix tutꞌil jtul mosoe: jichix tutꞌil awijtsꞌin te ben kꞌux ta awoꞌtane. Te joꞌone ben jkꞌanoj, pero te jaꞌate ya skꞌan te mas ben lek ya akꞌane, ma me jaꞌuk nax jich tutꞌil jtul gente, sino ke jich tutꞌil awijtsꞌin ta skuenta te Kajwaltike.