San Mateo 23:7 - Nuevo Testamento Tzeltal de Amatenango

⁷ Sok ya skꞌupinik te ya xꞌujtsꞌibot skꞌab ta sitil komon te ba kayae. Sok ya skꞌupinik te “maestro” ya xꞌalbot yuꞌun te genteetike.

Bible in Tzeltal Bachajón

⁷ ya smulanic te pat-o'tan ta plazahetic soc te hich ya xhalbotic yu'un ants-winiquetic: Rabí, te xchi sc'oblalique.

Bible in Tzeltal de Oxchuc y Tenejapa

⁷ Soc ya smulanic te ya xpatbot yo'tanic ta comonsitil ta bay yolil ch'iwich, soc ya smulanic te “maestro” ya x'utotic yu'un te ants-winiquetique.

San Mateo 23:7 Referans Kwoze

San Juan 1:38

Te Jesuse la skꞌelu sujtel y la yil te stsꞌaklajan tal ta spat te chaꞌtule. La sjojkꞌolanbe: —¿Tut ya aleik? —xchi. La yalik: —Maestro, ¿ba talemat? —xchiik.

San Juan 1:49

Te jNatanaele la yalbe: —Maestro, jaꞌat te xNichꞌanat te Diose, sok jaꞌat Reyat yuꞌun te Israele —xchi.

San Juan 20:16

La yal te Jesuse: —Maria —xyut. Te antse sujt skꞌelu y la yalbe ta hebreo-kꞌop: —¡Raboni! —xchi. “Maestro”, xchi kꞌoem abi.

San Juan 6:25

Te kꞌalal laj kꞌot te baꞌ jejch mare, teꞌ kꞌo staik a te Jesuse. La sjojkꞌobeyik: —Maestro, ¿tut ora julat liye? —xchiik.

San Juan 3:26

Ba yalbeyik te Juane: —Maestro, ila awil te machꞌa ajoyinej aba sok tal ta stojil ba xlokꞌ tal kꞌajkꞌal ta jejch Jordane, te machꞌa la awalbotik skꞌoplale. Te ora to yipalix ta yakꞌel ichꞌjaꞌ, y spisil te genteetike ya stsꞌakliyik bael —xchiik.

San Juan 3:2

tal skꞌopon ta ajkꞌubal te Jesuse. La yalbe: —Maestro, jnaꞌojtik te jaꞌ stikonejat tal ta pꞌijuteswanej te Diose, porke maꞌyuk machꞌa ya xjuꞌ yuꞌun spasel te milagroetik te yipalat ta spasele te jichuk ma soyinejuk te Diose —xchi.

San Marcos 10:51

Te Jesuse la sjojkꞌobey: —¿Tut ya akꞌan te ya jpasbeyate? —xchi. La yal te chok winike: —Maestro, ya jkꞌan te ya ajambon te jsite —xchi.

San Marcos 9:5

Te Pedro la yalbe tsꞌin te Jesuse: —Maestro, ben snix kaꞌiytik te liꞌ ayotike. Ya me jpastik oxwol yax-na, jun awuꞌun, jun yuꞌun Moises y jun yuꞌun Elias —xchi.

San Mateo 23:8

“Yan te jaꞌexe ma me akꞌanik te “maestro” ya yalbeyex te genteetike, yuꞌun awermano abaik ta apisilik sok jun nax maestro ay awuꞌunik ta apisilik, jaꞌ bi joꞌon te Cristoone.

San Mateo 11:16

“¿Tut ya jpajtik a te genteetik te kuxulik ta ora to? Jaꞌ pajalik sok te untik te ya snajkan sbaik ta tajmal ta parke. Jich ya yawutayik te sjoꞌtake:

San Mateo 26:25

Kꞌopoj euk te Judase, te machꞌa ya xꞌakꞌawan ta entregale y la sjojkꞌoy: —Maestro, ¿Meꞌn joꞌon ya kakꞌat entregal? —xchi. La yal te Jesuse: —Jaꞌat a nix a —xyut.

San Mateo 26:49

Te Judase tijilaj tal te ba ay te Jesuse. Jicha yal: —Chꞌul ajkꞌubal, maestro —xchi, y la yujtsꞌiy.

San Marcos 11:21

Te Pedroe la snaꞌ te tut albot te teꞌe. Jich a yalbe: —Maestro, ilawil te ikux-teꞌe te la awut jilel. Takejix —xchi.

San Marcos 12:38

Te kꞌalal yipal ta pꞌijuteswanej te Jesuse la yal: —Ila me abaik sok te maestroetik yuꞌun te mantaliletike. Ya skꞌupin yoꞌtanik yuꞌun te ya slapik ta beel te snajtꞌil skꞌuꞌ-spakꞌike sok ya skꞌupin yoꞌtanik yuꞌun te ya xpatbot yoꞌtanik ta komonsitil te ba yolil jtejklum.

San Marcos 14:45

Te kꞌalal kꞌot te Judase, la sta sba sok te Jesuse, sok la yalbe: —Talon, Maestro —xchi. Sok la yujtsꞌi.

San Lucas 11:43

Te jaꞌex fariseoexe, oꞌol me abaik, porke jaꞌ ben anujtsojik te primero naktajibale yuꞌun te sinagogaetike, yuꞌun jaꞌ ya akꞌanik te ya yakꞌelex ta jkuenta ae. Sok ben sniꞌ xꞌawaꞌiyik te ya yujtsꞌibelex akꞌabik ta sitil komon te ba parkee.

San Juan 4:31

Mientras baem tal ta jtejlum a te antse, te jnopojeletike la yalbeyik te Jesuse: —Maestro, ¿me makꞌ xweꞌat chꞌinuk? —xyutik.

San Juan 9:2

Te jnopojeletik yuꞌune la sjojkꞌobeyik: —Maestro, ¿tut yuꞌun te chok a ayin te winik to? ¿Me jaꞌ smul te state o stukel ta smul? —xchiik.

San Juan 11:8

Te jnopojeletike la yalbeyik: —Maestro, ma to nax ayuk kꞌaal te juriyoetike kꞌan smilat ta wolel ta ton teꞌa. ¿Tut yuꞌun ya akꞌan sujtat bael teꞌa? —xchiik.