San Mateo 23:37 - Nuevo Testamento Tzeltal de Amatenango

³⁷ “Jaꞌex jtejklum Jerusalen te kꞌayemex ta smilel te alwanejetik yuꞌun te Diose sok te kꞌayemex ta swolel ta ton te machꞌatik Dios ya stikombeyex tal ta kꞌop ta atojolike. Bayal buelta te kꞌan jtsobex sok te awuntikilike, jich tutꞌil te mut te ya slutsꞌ ta yanil xikꞌ te xchꞌinik yale, pero ma la akꞌanik.

Bible in Tzeltal Bachajón

³⁷ ¡Jerusalén, Jerusalén te yac amilticlanic te jalwanejetic soc te yac ach'ojticlanic ta ton te mach'atic ticombilic tal ta atojolic! ¡Bayel buelta c'an jtsob te awal-anich'nabic hich te bin ut'il ya stsob yalatac ta ye'tal xic' te me'mut, pero ma la ac'anic!

Bible in Tzeltal de Oxchuc y Tenejapa

³⁷ “¡Jerusalén, Jerusalén! Ya amilic te j'alwanejetic yu'un te Diose, soc ya ach'ojic ta ton te mach'atic ticunbilic ta c'op ta atojolique. Bayal buelta te c'an jtsobeyex te awal-anich'anique jich bit'il ya stsob yalatac ta yanil xic' te me'mute, ja'uc me to, ma la ac'anic.

San Mateo 23:37 Referans Kwoze

San Mateo 23:30

Sok jich ya awalik: “Te jaꞌuk kuxulotik a te kꞌax ta balmilal te antibo jmeꞌ-jtatike, ma kakꞌ jbajtik ta smilel te jꞌalwanejetik yuꞌun Dios te jichuke”, xchaex.

San Mateo 22:3

La stikon bael yaj-mantal te ya xba yikꞌtalan tal te machꞌatik ikꞌtalanbil ta nujpunele. Pero ma skꞌan a laj tal.

San Mateo 5:12

Junuk me awoꞌtanik, kontentoukex me, yuꞌun ya me awichꞌ amajtanik ta chꞌulchan. Jich me a kꞌax swokolik te jꞌalwanejetik yuꞌun Dios te nail a kꞌax ta balmilal awuꞌunike.

1 Tesalonicenses 2:15

Te juriyoetik to jaꞌ a smilik te Kajwaltik Jesuse, jich tutꞌil te nail to te la smilik te jꞌalwanejetike, y la stenotik lokꞌel ekꞌa te joꞌotike. Ma lekuk ya xꞌilot yuꞌun te Diose, y skontrainejik spisil te gentee.

San Mateo 22:6

Te yane la stsakik te jmantaletik yuꞌun te reye, la yilbajinik y la smilik.

Apocalipsis 17:6

Te nax a la jnaꞌ te yakubenix te antse. Jaꞌ yakuben yuꞌun te xchꞌichꞌel te machꞌatik yuꞌunik te Diose y sok te xchꞌichꞌel te machꞌatik miltalanot yuꞌun te la yalik ta jamal te skꞌoplal te Jesuse. Te kꞌalal la kile, lom cham a kaꞌiy yuꞌun.

San Lucas 15:28

“Pero te bankilale ilin yuꞌun. Ma skꞌan te ya xꞌoch bael ta snae. Jich te state puersa lokꞌ tal ta slekil-kꞌopon te xnichꞌane te yauk xꞌoch bael ta snae.

San Mateo 23:31

Jich ya awakꞌik ta naꞌel te tutꞌil jaꞌex stsꞌumbalex te machꞌatik la smilik te jꞌalwanejetik yuꞌun te Diose.