San Mateo 23:34 - Nuevo Testamento Tzeltal de Amatenango

³⁴ Ja sluwaril te ya jtikonbeyex tal te jꞌalwanejetik sok te machꞌatik ay spꞌijil yoꞌtanike sok te jpꞌijuteswanejetike. Ay ya amilik sok ay ya ajipanik ta krus. Sok ay ya amajik ta sinagogaetik sok ay tojtoj tenel lokꞌel awuꞌunik ta jujun jtejklume.

Bible in Tzeltal Bachajón

³⁴ Ha yu'un ya jticombeyex jalwanejetic, p'ijil winiquetic soc jp'ijubteswanejetic; ay me yac amilic, ay me yac ajihpanic ta cruz, ay me yac amajic ta sinagogahetic awu'unic soc ay me yac anutsic bahel ta jujun pueblo.

Bible in Tzeltal de Oxchuc y Tenejapa

³⁴ Jich yu'un ya me jticunbeyex tel te j'alwanejetic soc te mach'atic ay sp'ijilique soc te jp'ijubteswanejetique. Ja'uc me to, ay jtul te ya amilic ta cruz, soc ay yan ya amajic ta sinagogaetic, soc te ya anutsic loq'uel ta alumalique.

San Mateo 23:34 Referans Kwoze

San Mateo 13:52

La yal te Jesuse: —Te maestroetik yuꞌun te mantaliletike te snaꞌojbe sluwaril te tutꞌil ay ta ajwalinel te Diose jaꞌ pajal kꞌoem sok te tutꞌil ay te jtul yajwal nae. Te tutik skꞌejoje ya snaꞌ slokꞌesel tal te achꞌ toe sok te tuuntesbilixe —xchi.

Colosenses 1:28

Te joꞌotike ya kalbetik skꞌoplal te Cristoe, ya jtsitstik y ya jnojpestik ta spisilik ta spꞌejel pꞌijilil, yuꞌun jich me tojobenikix ya xlaj kꞌot ta skuenta a te Cristoe.

Hechos 13:1

Te hermanoetik te ayik ta jtejklum Antioquiae ay jꞌalwanejetik sok maestroetik yuꞌun te skꞌop Diose, jaꞌ te jBernabe, sok Simon te jNegro te jun xan sbiile, sok te jLucio te talem ta jtejklum Cirenee, sok jManaen te pajal a chꞌi sok te jHerodes te och ta gobierno ta Galileae, sok te Sauloe.

San Mateo 10:23

Te tut ora ya xlijk yilbajinex te jtejklume, ananik bael ta yan jtejklum. Jamal ya kalbeyex, ma to ba ya xjoypꞌe ta ilel awuꞌunik a te mukꞌul jtejklumetik ta Israel te ya xtal te Nichꞌanile.

Apocalipsis 11:10

Te machꞌatik kuxajtik ta balmilale lom kontentoik yuꞌun te chamike. Batsꞌi lom kontentoik, talel bael ya yaꞌbe sbaik smajtanik yuꞌun. Porke lom bayal a kꞌax swokolik yuꞌun te chꞌatul jꞌalwanejetike.

Hebreos 11:37

Y ay yan te laj chamik ta chꞌojel ta ton, ta tuyel ta olil ta seruch, sok ay a lajik ta puñal. Bayuk nax a bajtik, smakoj sbaik ta snujkulel karnera y ta snujkulel chibo. Ayik ta meꞌbaal, wokolajik, y ilbajinlanot.

1 Corintios 3:10

Te joꞌone jich kꞌoemon yuꞌun Dios tutꞌil statal alwanil te la yaꞌbon ta jkuenta te ya jlijkes te yiptajib nae, y yan machꞌa ya stsꞌak moel. Pero ta juju-tul a me yil tut yilel ya stsꞌak moel.

1 Corintios 2:6

Pero, te ba ay te machꞌatik xchꞌuunejix lek te Diose, jich ya xtuun kuꞌuntik te pꞌijil kꞌope. Pero ma jaꞌuk ya kaltik te pꞌijil kꞌop skuenta te balmilal to, ni ma jaꞌuk te machꞌatik sjapuyejike te nopol ya xlaj chꞌayik baele.

Hechos 15:32

Te Judas sok te Silase ay smajtanik yuꞌun yalel skꞌop Dios. Jich a sjunutesbe yoꞌtanik y la yaꞌbe spuersa yoꞌtan te hermanoetik yuꞌun te tutiꞌ yalike.

Hechos 14:19

Ay juriyoetik a laj kꞌot te lijkemik tal ta Antioquia sok ta Iconio, yuꞌun tal xchebal-kꞌoptay te genteetike. Jich a swolik ta ton te jPabloe. La skuyik te chamix jil yuꞌunike, y la xjochik lokꞌel ta tiꞌ jtejklum.

Hechos 12:2

La yakꞌ mantal ta milel ta puñal te Jacoboe sbankil te Juane,

Hechos 11:27

Te tiempo abi ay jꞌalwanejetik yuꞌun Dios lijkik tal ta Jerusalen y laj bajt ta Antioquia.

Hechos 5:40

Spisil te machꞌatik ay yaꞌtele la xchꞌuunik. Jicha yikꞌik ta ochel te apostoletike. La yaꞌbeyik aresial y la skomik te makꞌ yalikix a te skꞌoplal Jesuse. Patil la skolesik bael.

Hechos 1:8

Pero te kꞌalal ya xtal te Chꞌul Espíritu te ya xjul ta akuentaike ya me awichꞌik apoderik. Jich me testigo ya xkꞌoex kuꞌun ta Jerusalen, sok spisil ta estado yuꞌun Judea, sok ta estado yuꞌun Samaria, y sok ta spisil te balmilale —xchi.

San Juan 20:21

Te nax a te Jesuse la yaltalanbe xan: —Junuk me awoꞌtanik. Jich te tutꞌil la stikonon tal te jTate, jich ya jtikonex euk te jaꞌexe —xchi.

San Juan 16:2

Ya me stenelex lokꞌel ta sinagoga, y ya me sta yorail te machꞌauk ya smilexe, yuꞌun skuyojik te jaꞌ yaꞌtel Dios te ya spasike.

San Lucas 24:47

Sok te joꞌon ta jkuenta te ya xlijk ta alel kꞌalal ta Jerusalen sok ta spisil nasionetik te ya sujtes yoꞌtanik ta stojol Diose, yuꞌun jich me ya spasbot perdon yuꞌun a te smulike.

1 Tesalonicenses 2:16

Yuꞌun te kꞌalal kꞌan kalbetik te machꞌatik ma juriyouk yuꞌun jich me ya xkolik ekꞌa, maꞌ yaꞌbotik jpastik. Jich yanyan yipal ta bayalejel te smulike. Pero te ora to julix ta stojolik te tulan kastigo yuꞌun Dios.

San Mateo 23:31

Jich ya awakꞌik ta naꞌel te tutꞌil jaꞌex stsꞌumbalex te machꞌatik la smilik te jꞌalwanejetik yuꞌun te Diose.