San Mateo 23:28 - Nuevo Testamento Tzeltal de Amatenango

²⁸ Jich kꞌoemex te jaꞌexe. Ben lek ta ilel ya yilex te genteetike, pero te yutil awoꞌtanike nojel ta loꞌlawane sok ta skꞌaxintayel mantal.

Bible in Tzeltal Bachajón

²⁸ Ha hichex ta ilel, toj yac awac' abahic ta ilel ta stojol te ants-winiquetic, pero te awo'tanic nojel ta chebal-o'tanil soc ta mulil.

Bible in Tzeltal de Oxchuc y Tenejapa

²⁸ Jichex ta ilel te ja'exe. Ta mero melel tojex nax ta winiquil yilel ta stojol te ants-winiquetique, ja'uc me to, nojel ta awo'tanic te cha'lam-o'tanile soc te mulile.

San Mateo 23:28 Referans Kwoze

San Lucas 16:15

Te Jesuse la yaltalanbe: —Te jaꞌexe jaꞌ nax ya aleik te tut lek ya skuyex a te genteetik. Pero te Diose ya snaꞌ tut ay te awoꞌtanike. Te tut lek ya yaꞌiyik ta yoꞌtan te genteetike, ta sit te Diose pꞌajbilix yuꞌun.

San Mateo 23:5

Spisil te tut ya spasike jaꞌ nax ya yakꞌ sbaik ta akꞌel ta jkuenta a yuꞌun te genteetike. Yuꞌun ya skꞌupinik yichꞌel ta yelawik sok ta skꞌabik te chꞌin yawil Sjun Dios te tsꞌibabile, sok ya skꞌupinik te ben najt stsijtsomal te skꞌuꞌ-spakꞌ ya slapike.

San Mateo 23:27

“Ay pe jal jaꞌex, te maestroex yuꞌun te mantaliletike sok jaꞌex te fariseoexe, jaꞌex te ma tsaꞌamuk awoꞌtanike. Jaꞌexe jich kꞌoemex te tutꞌil majtanubil snaul animaetik te ben tsaꞌam te spate, pero te yutile nojel ta sbakel animaetik sok yilobal te skꞌaꞌemale.

San Mateo 23:29

“Ay pe jal jaꞌex, te maestroex yuꞌun te mantaliletike sok jaꞌex te fariseoexe, jaꞌex te ma tsaꞌamuk awoꞌtanike. Te jaꞌexe ya apasbeyik snaul te anima jꞌalwanejetik yuꞌun te Diose. Sok ya achapbeyik snaul te animaetik te machꞌatik ben lek yoꞌtanik a laj kꞌaxe.

Gálatas 2:13

Y te yan xan hermanoetik juriyoetike jich a lijk snopik te tutꞌil ma tsaꞌamuk snopoj te jPedroe. Y asta te jBernabee jich a kꞌan snopbey euk.