San Mateo 23:13 - Nuevo Testamento Tzeltal de Amatenango

¹³ “Ay pe jal jaꞌex, te maestroex yuꞌun te mantaliletike sok jaꞌex te fariseoexe, jaꞌex te ma tsaꞌamuk awoꞌtanike. Yuꞌun te jaꞌexe atsꞌusojikix ta yawe kꞌoem ta stojol te genteetik te spuertaul te ba ay ta mantal te Diose. Ni makꞌ xꞌochex teꞌa te jaꞌexe, sok ma xꞌawakꞌik te ay machꞌa ya skꞌan ya xꞌochik teꞌae.

Bible in Tzeltal Bachajón

¹³ Pero ¡ay me awocolic, escribanohetic, fariseohetic, jchebal-o'tanex! como yac amacbelic ta stojol ants-winiquetic te cuentahinel yu'un te ch'ulchane. Ma ba ya x'ochex ha'ex, soc ma ba yac awaq'uic ochel te mach'atic ya sc'an ya x'ochic.

Bible in Tzeltal de Oxchuc y Tenejapa

¹³ ¡Ya me awil awocolic jts'ibojometic, fariseoetic te cha'lam awo'tanique! Melel amacojiquix ta llave c'oem te sti'il ta banti ay ta ajwalinel te Dios te ay ta ch'ulchane. Ma ba ya x'ochex tey a te ja'exe, soc ma xawaq'uic ochel te mach'atic ya sc'an ya x'ochic tey a. [

San Mateo 23:13 Referans Kwoze

San Lucas 11:52

Oꞌol me abaik maestroetik yꞌun te mantaliletike, porke la alokꞌesbeyikix te syaweil tiꞌpuerta yuꞌun te pꞌijil-oꞌtanile. Makꞌ xꞌochex teꞌa te jaꞌexe y kombil awuꞌunik te machꞌatik ya skꞌan xꞌochik teꞌae —xchi te Jesuse.

San Mateo 23:29

“Ay pe jal jaꞌex, te maestroex yuꞌun te mantaliletike sok jaꞌex te fariseoexe, jaꞌex te ma tsaꞌamuk awoꞌtanike. Te jaꞌexe ya apasbeyik snaul te anima jꞌalwanejetik yuꞌun te Diose. Sok ya achapbeyik snaul te animaetik te machꞌatik ben lek yoꞌtanik a laj kꞌaxe.

San Mateo 23:27

“Ay pe jal jaꞌex, te maestroex yuꞌun te mantaliletike sok jaꞌex te fariseoexe, jaꞌex te ma tsaꞌamuk awoꞌtanike. Jaꞌexe jich kꞌoemex te tutꞌil majtanubil snaul animaetik te ben tsaꞌam te spate, pero te yutile nojel ta sbakel animaetik sok yilobal te skꞌaꞌemale.

San Mateo 23:23

“Ay pe jal jaꞌex, te maestroex yuꞌun te mantaliletike sok jaꞌex te fariseoexe, jaꞌex te ma tsaꞌamuk awoꞌtanike. Jich te jaꞌexe ya awaꞌbeyik smajtanin Dios jun ta slajunebal te atulpimil sok te ajoꞌoxe sok te akulantue. Yan te tut tulan skꞌoplal ta pasel te ya yal te mantaliletike, jaꞌ ma tulanuk skꞌoplal ta awoꞌtanik stukel. Jich tutꞌil ya skꞌan pasel te tut leke sok te ya xkꞌuxutaywanotike. Sok te ben jun koꞌtantik ya jchꞌuuntik te Diose. Jaꞌ to jaꞌ ya skꞌan ya apasik sok euk te yan te yipalex ta spasele.

Hechos 8:1

Te Sauloe teꞌey ekꞌa, la yakꞌ sba ekꞌa te milot te jꞌEstebane. Te kꞌaal abi lijk ta jun gran tenel te hermanoetik te ayik ta Jerusalene. Spisilik a pujkejik bael te hermanoetik ta estadoetik yuꞌun Judea sok ta Samaria. Ja xanix a laj jil ta Jerusalen te apostoletike.

2 Timoteo 4:15

Te jaꞌate, ila me aba yuꞌun, porke lom skontrainej te tut ya kalbetik skꞌoplale.

2 Timoteo 3:8

Y jich tutꞌil te Janes y Jambres te la spaj sba sok te jMoisese, jich ekꞌa te genteetik abi skontrainejik te tut batsꞌi jiche. Jaꞌ te winketik te ma tsaꞌamuk spensarike te ma snaꞌik tutꞌil ay ta chꞌuunel te Diose.

Hechos 13:8

Pero te jꞌakꞌchamele, te jꞌElimas sbiil ta griego-kꞌope, la skontrain te jBernabe sok te Sauloe. La xchebal-kꞌoptay te gobiernoe te manchuk ya xchꞌuune.

Hechos 5:40

Spisil te machꞌatik ay yaꞌtele la xchꞌuunik. Jicha yikꞌik ta ochel te apostoletike. La yaꞌbeyik aresial y la skomik te makꞌ yalikix a te skꞌoplal Jesuse. Patil la skolesik bael.

Hechos 5:28

—Te joꞌotike jkomojtikix te ma xjuꞌix te ya snojpeswanex tutꞌil ay skꞌoplal te winik abi. ¿Y tut a te ya apasike? Pujkejix awuꞌunik ta spisil ta Jerusalen te tut ya awakꞌik ta nopele. Y ya akꞌan ya awaꞌbotik jkuchtik te tutꞌil a cham te winik abi —xchi.

San Juan 9:34

Jich a altalanbot yuꞌunik: —Te jaꞌate nojel ta mulil a ayinat. ¿Me yuꞌun ya akꞌan ya apꞌijutesotik? —xyutik. Y jich a stenik lokꞌel ta sinagoga.

San Juan 9:24

Te juriyoetike la yikꞌik xan tal te winik te machꞌa chok nail toe, y la yalbeyik: —Albotik jamal ta stojol Dios te machꞌa la sjambeyat te asite. Te joꞌotike jnaꞌojtik te jmulawil te winik ya awale —xchiik.

San Juan 9:22

Te smeꞌ-state jich a yalik yuꞌun xiꞌik yuꞌun te juriyoetike. Jaꞌ yuꞌun te juriyoetik snopojikix te ya xchꞌojik lokꞌel ta sinagoga machꞌauk a teme ya yal te jaꞌ Cristo te Jesuse.

San Mateo 23:25

“Ay pe jal jaꞌex, te maestroex yuꞌun te mantaliletike sok jaꞌex te fariseoexe, jaꞌex te ma tsaꞌamuk awoꞌtanike. Te jaꞌexe jaꞌ nax ya apokbeyik te spat te posiyoetike sok te platoetike, pero te yutile teꞌ nojel a te elekꞌe sok te sbikꞌtal awoꞌtanike.

San Mateo 3:7

Te Juane la yil te bayal fariseoetik sok saduseoetik te talik yuꞌun ya skꞌan yichꞌik jaꞌ. La yaltalanbe: —Te jaꞌexe jaꞌ stsꞌumbalex kꞌoem te tiꞌawal chanetike. ¿Machꞌa kꞌa yalbeyex awaꞌiyik te ya xjuꞌ ya akoltay abaik lokꞌel a te tulan kastigo te nopol xtale?

San Mateo 23:16

“Ay pe jal jaꞌex, te chok jtsobawexe te tutꞌil te jich ya awalike: “Teme ay tut ya kaltik te ya jpastike teme jaꞌ a kakꞌtik ta testigo te temploe, ma puersauk te ya jpastike. Yan teme jaꞌ a kakꞌtik ta testigo te oro yuꞌun te temploe, puersa me ya jpastik stukel te tuti kaltike”, xchaex.