San Mateo 22:21 - Nuevo Testamento Tzeltal de Amatenango

²¹ La yalik: —Jaꞌ te mukꞌul rey Cesare —xchiik. Te Jesuse la yaltalanbe: —Teme jaꞌ yuꞌun te Cesare, aꞌbeyaik me abi. Sok teme jaꞌ yuꞌun te Diose, aꞌbeyaik me euk —xchi te Jesuse.

Bible in Tzeltal Bachajón

²¹ Yu'un César, xchihic. Halbotic yu'un te Jesús: A'beya César te bin yu'un César, soc a'beya Dios te bin yu'un Dios, xchi.

Bible in Tzeltal de Oxchuc y Tenejapa

²¹ La yalic: —Ja' te Cesare —xiic. Jesús la yalbey yaiyic: —Te bila ja' yu'un te Cesare, ac'beyaic me jiche, soc te bila ja' yu'un te Diose, ac'beyaic me uuc —xi' te Jesuse.

San Mateo 22:21 Referans Kwoze

Romanos 13:7

Akꞌaik me ta juju-tul te tut ay ta akuentaik yakꞌele. Te machꞌa ay ta skuenta skꞌanel kontribusione, tojbeyaik te kontribusione. Te machꞌa ay ta skuenta skꞌanel tojemale, tojbeyaik me te tojemale. Te machꞌa ya skꞌan xiꞌele, xiꞌaik me. Te machꞌa ya skꞌan akꞌel ta jkuentae, akꞌaik me ta jkuenta.

Hechos 4:19

Pero te jPedro sok te Juane la sjakꞌtalanbe: —Nopaik ta lek awaꞌiy te jaꞌexe: ¿me jaꞌ lek ya jchꞌuuntik te tut ya awalike, o jaꞌ lek ta stojol Dios ya jchꞌuuntik te tut yal te Diose?

San Mateo 22:37

La yal te Jesuse: —Jaꞌ i to: “Kꞌux me xꞌawaꞌiy ta awoꞌtan te Kajwaltik Diose sok spꞌejel awoꞌtan sok spisil akuxlejal sok spisil apꞌijil”, xchi me.

San Lucas 23:2

Teꞌ kꞌo slebeyik smul a. La yalik: —Te winik to ya slijkes kꞌop yuꞌun te jlumaltike. Ya yal te ma xjuꞌ ya jtojtik jtojemaltik yuꞌun te mukꞌul rey Cesare. Y ya yal te jaꞌ Cristo te rey stukele —xchiik.

Hechos 5:29

Te jPedroe y sok te yan xan apostoletike la sjakꞌik: —Puersa jaꞌ ya jchꞌuunbetik smantal te Diose; ma jaꞌuk ya jchuunbetik smantal te winketike.

San Mateo 4:10

La yal te Jesuse: —Baan, kꞌeja aba Satanas. Jich tsꞌibabil: “Jaꞌ nax me ya akejan aba ta stojol te Kajwaltik Dios awuꞌune sok jaꞌ nax me ya awakꞌ aba ta abatinel ta skuenta stukel”, xchi me —xchi.

San Mateo 22:20

Te Jesuse la sjojkꞌolanbey: —¿Machꞌa slokꞌol ya awilik te liꞌ aye sok machꞌa sbiil te liꞌ tsꞌibabile? —xchi.

San Marcos 12:17

Te Jesuse la yalbe yaꞌiyik: —Teme jaꞌ yuꞌun te Cesare, aꞌbeyaik me abi, sok teme jaꞌ yuꞌun te Diose, aꞌbeyaik me euk —xchi. Cham a yaꞌiyik yuꞌun te tut la yale.

San Lucas 20:25

Te Jesuse la yaltalanbe: —Te tut yuꞌun te Cesare, aꞌbeyaik; y te tut yuꞌun te Diose, aꞌbeyaik euk —xchi te Jesuse.