San Mateo 22:17 - Nuevo Testamento Tzeltal de Amatenango

¹⁷ Albotik kaꞌitik te tut kꞌoem ta awoꞌtan yuꞌun te mantaliletike. ¿Me ya xjuꞌ ya jtojtik tojemal yuꞌun te Cesare o ma xjuꞌ? —xchiik.

Bible in Tzeltal Bachajón

¹⁷ Hala ca'iycotic hiche, ¿bin xchihat yu'un, stojil bal teme ya yich' tojel patanil ta stojol César o ma'uc? xchihic.

Bible in Tzeltal de Oxchuc y Tenejapa

¹⁷ Ala caiytic te bit'il c'oem ta awo'tan. ¿Ya bal stac' te ya jtojtic jpatantic yu'un te Cesare o ma stac'? —xiic.

San Mateo 22:17 Referans Kwoze

San Lucas 2:1

Jaꞌ stiempo a te la yal mantal te mukꞌul rey César Agusto te ya yichꞌ pasel senso ta spisil te nasion yuꞌune.

San Mateo 17:25

—Yak, ya stoj —xchi te jPedroe. Te kꞌal och tal ta na te jPedroe, jaꞌ nail a kꞌopoj te Jesuse: —¿Tut xchat yuꞌun, Simon? ¿Machꞌa a te ya xkꞌanbot stojemale sok te skontribusione te ya skꞌan te reyetik ta balmilale? ¿Me jaꞌ ya skꞌanbey te yal-xnichꞌanike, o jaꞌ ya skanbey te yan genteetike? —xchi.

Hechos 28:22

Ya jkꞌan kaꞌibetik sluwar te tutiꞌ anopoje, porke jnaꞌojtik te bayuk nax kontrainbil te achꞌ nopojibal to —xchiik.

Hechos 25:8

Te jPabloe la yal: —Te joꞌone maꞌyuk ba jleoj jmul sok ma jkontrainejuk te mantaliletik yuꞌun te juriyoetike, ni jkontrainejuk te temploe, sok ma jkontrainejuk te César te mukꞌul rey ta Romae —xchi te jPabloe.

Hechos 17:7

Jaꞌ yikꞌoj ta sna te Jasone. Spisilik ya xkꞌaxintaybeyik te smantal te mukꞌul rey César te ay ta Romae, yuꞌun ya yalik te ay yan rey, te jaꞌ te Jesuse —xchiik ta kꞌop.

Hechos 5:37

Patil jich a spas euk ta skꞌaalel senso te Judas te talem ta Galileae. La sloꞌlay bayal ta jtul la sjoyin sba sok, pero jicha milot euk y spisil te machꞌatik stsꞌakliyejike laj pujke bael.

San Lucas 3:1

Ayix kinse jaꞌbil ochem ta mukꞌ rey a te jTiberio Cesare, te Poncio Pilatoe jaꞌ ay ta gobiernoil ta estado Judea a, te jHerodese ay ta gobierno ta estado Galilea a, sok ay ta gobiernoil ta estado Iturea sok ta estado Traconite te Felipe, yitsꞌin te jꞌHerodese. Sok jaꞌ ay ta gobiernoil ta estado Abilinia te Lisaniase.

San Mateo 22:18

Te Jesuse la snaꞌ te tutꞌil ma tsaꞌamuk te yoꞌtanike. Jich a yaltalanbe: —Ma lekuk te awoꞌtanike. ¿Tut yuꞌun te ya awilbikon koꞌtane?

San Lucas 20:22

¿Me lek te ya jtojtik te jtojemaltik yuꞌun te Cesare o ma lekuk? —xchiik.