San Mateo 22:13 - Nuevo Testamento Tzeltal de Amatenango

¹³ “Te reye la yalbe te machꞌatik ya xchapik te mexae: “Chukbeyaik yok skꞌab, chꞌojaik lokꞌel ta ijkꞌal kꞌinal te ba jwerae. Teꞌ ya xkꞌo yokꞌetay sba a sok teꞌ ya xkꞌo skꞌuxilan ye a”, xyut.

Bible in Tzeltal Bachajón

¹³ Ha yu'un te ajwalil la yalbe te a'batetic yu'une: Chucbeyahic yoc sc'ab, ch'ojahic bahel ta fuera ta yihc'al q'uinal, tey ya xc'oht yoq'uetay sba a soc tey ya xc'oht sc'uxuxan ye a, xchi.

Bible in Tzeltal de Oxchuc y Tenejapa

¹³ “Te muc' ajwalile la yalbey te abatetique: “Chucbeya sc'ab yacan. Ch'oja bael ta q'uejel ta ijc' q'uinal ta banti ya xc'o yoq'uetay sba soc tey ya xc'o sjets'ulay ye a”, la yut.

San Mateo 22:13 Referans Kwoze

San Mateo 8:12

Pero te machꞌatik skꞌoplal ya xꞌochik te ba ay ta mantal te Diose, jaꞌ me ya yichꞌik chꞌojel bael ta ijkꞌal kꞌinal. Teꞌ me ya xkꞌo yokꞌetay sbaik a, sok teꞌ me ya xkꞌo skꞌuxilan yeꞌik a —xchi te Jesuse.

San Mateo 25:30

Te jꞌatꞌel to te maꞌ tuune chꞌojaik lokꞌel ta ijkꞌal kꞌinal. Teꞌ me ya xkꞌo yokꞌetay sba a sok teꞌ me ya xkꞌo xkꞌuxilan ye a”, xchi te yajwalike.

2 Pedro 2:17

Te machꞌatik jich ya spasike, jachik kꞌoemik te tutꞌil slokꞌib jaꞌ te maꞌyuk yaꞌlele. Jachik kꞌoem tutꞌil tokaletik te ya xꞌikꞌayot bael yuꞌun te ikꞌe. Chapal skꞌoplalik te ya xkꞌot te ba mas lom ijkꞌ te kꞌinal ta sbajtel kꞌinale.

2 Pedro 2:4

Dios maꞌ spasbe perdon te angeletik te mulawike, sino ke chꞌojtalanot ochel ta kastigo. Teꞌ la yakꞌtalan jilel ta ijkꞌal kꞌinal, chukajtik ta kadena y kꞌejtalanbil jilel yuꞌun te tut ora ya sta skꞌaalel te chapele.

2 Tesalonicenses 1:9

Jaꞌ me kastigo ya yichꞌik te lajel sbajtel kꞌinale. Y ya me yichꞌik chꞌojel lokꞌel ta jakal ta sit te Kajwaltike sok te ba ay te slekilal sok te podere.

San Lucas 13:28

Teꞌ me ya awokꞌetay abaik a, y teꞌ me ya akꞌuxilan aweik a te tutꞌil ya awilik te jꞌAbrahame te jꞌIsaake, te Jacobe sok spisil te antibo jꞌalwanejetik te teꞌ ayik te ba ay ta ajwalil te Diose. Yan te jaꞌexe chꞌojbilex lokꞌel ta jwera.

San Mateo 24:51

Ya me yaꞌbe stoj ta kastigo. Teꞌ me ya xbajt a te ba ya xbajt te machꞌatik ma tsaꞌamuk yoꞌtanike. Teꞌ me ya xkꞌo yokꞌetay sba a sok teꞌ me xkꞌo xkꞌuxilan ye a —xchi te Jesuse.

San Mateo 13:50

Te machꞌatik ma lekuke ya me xchꞌojot ochel ta yawil kꞌakꞌ te tileme. Teꞌ me xkꞌo yokꞌetay sbaik a sok teꞌ me ya skꞌuxilan yeꞌik a —xchi te Jesuse.

San Mateo 13:42

Ya me xchꞌojik ochel te ba yawil kꞌakꞌ te tileme. Teꞌ me ya xkꞌo yokꞌetay sbaik a sok teꞌ me ya xkꞌo skꞌuxilan yeꞌik a.

Apocalipsis 21:27

Pero ma xjuꞌ ya xꞌoch teꞌa te tut ma lekuke, ni ma xjuꞌ ya xꞌoch teꞌa te machꞌatik ya spasik te tut ma tsaꞌamuke sok te jloꞌlawanejetike. Jaꞌ nax ya xꞌoch teꞌa te machꞌatik ay tsꞌibabil sbiilik te ba libro yuꞌun kuxlejal yuꞌun te Chin Karnerae.

Judas 1:13

Pajal sok yaꞌlel mar, te xwilawet ya xtal te kapal sok sbul te ya xchꞌojot tal lokꞌele. Pajal sok ekꞌetik te chꞌayem te ba ya xbajte y ya xchꞌayik bael ta jmel nax te ba ay ta mas to ijk te kꞌinale.

Judas 1:6

Y sok te angeletik te ma yakꞌik ta jkuenta te yaꞌtel aꞌbilike, sino ke la sjilesik te sluwarik ba ayike, jmel nax chuktalanbil ta ijkꞌal kꞌinal yuꞌun te tut ora ya sta skꞌaalel te ichꞌel ta jkuenta yuꞌun te Diose.

Hechos 7:54

Kꞌalal la yaꞌiyik te tuti yal te jꞌEstebane, lijk slaꞌ-yoꞌtanik yuꞌun, y la xkꞌuxuxan yeik ta skontrainel te jꞌEstebane.

San Mateo 13:30

Teꞌ yijubuk a jaꞌ to teme la sta yorail te ya xtuy lokꞌele. Te kꞌalal ya sta skꞌaalele, ya me kalbe te jꞌaꞌteletike te jaꞌ nail ya stsob lokꞌel te ak te ma tsaꞌamuke, aꞌ xchukik ta jujuyom, aꞌ ba xchikꞌik ta kꞌakꞌ. Yan te triwue, ya me stsobikon ochel ta yawil kuꞌun”, xchi me —xchi te Jesuse.

San Mateo 12:29

“Jich teme ay machꞌa yoꞌtanuk ya skꞌan yochintaybe sna te kꞌakꞌal winike teme ya skꞌan yichꞌbe bael te tut ay yuꞌune, jaꞌ nail ya xchukbe te yok-skꞌabe. Jich me ya xjuꞌ ya yelkꞌan bael te stutik yuꞌune.

Hechos 21:11

Kꞌot te ba ayotike. La yichꞌbe te sinturon jPabloe, la xchuk yokꞌ skꞌab a, y la yal: —Te Chꞌul Espiritue ya yal: “Te yajwal sinturon to jich ya xkꞌo chukek yuꞌun te juriyoetik te ba Jerusalene. Sok ya xꞌakꞌot entregal ta skꞌab jyanlumetik”, xchi me —xchi te jꞌAgaboe.

San Juan 21:18

Jamal me ya kalbeyat te kꞌalal bikꞌit winikat to ae, jaꞌat ya alap te akꞌuꞌ-apakꞌe yuꞌun ya xbaat te ba ya akꞌan ya xbaate. Pero te kꞌalal ya xmamalubate, jaꞌ xanix ya awakꞌ te akꞌabe, yan machꞌa ya slapbeyatix a te akꞌuꞌ-apakꞌe y ya yikꞌat bael te ba ma xꞌakꞌan ya xbaate —xyut.