San Mateo 21:41 - Nuevo Testamento Tzeltal de Amatenango

⁴¹ La sjakꞌik: —Ya me xtal smil jilel te jꞌaꞌteletike te ma tsaꞌamuk yoꞌtanik, sok ay me yan jꞌaꞌteletik te ya yaꞌbey smajan te slume te jaꞌ ya snaꞌik yaꞌbeyel slojkꞌil te jujun kosecha te jayeb ya xlokꞌ te yubae —xchiik.

Bible in Tzeltal Bachajón

⁴¹ La sjaq'uic: Mayuc sc'uxul yo'tan ya me slajin te mach'atic chopolic, ya me yac' ta majanel yu'un yantic j'a'teletic te ya ya'beyic stuquel te sit sts'usubil te c'alal ya sta yorahil, xchihic.

Bible in Tzeltal de Oxchuc y Tenejapa

⁴¹ La yalic: —Ya me xtal slajin ta jc'axel te mach'atic amenique, ya me yac'bey ta swenta yan j'at'eletic te ts'usubiltic yu'une, ja' te ya sna'ic yaq'uel jujun buelta te jayeb ya sitin te ts'usube —xiic.

San Mateo 21:41 Referans Kwoze

Hechos 18:6

Pero te juriyoetike lijk skontrainik te jPabloe y la stoyba-kꞌoptayik. Jich te jPabloe la slilin skꞌuꞌ-spakꞌ yuꞌun jaꞌ seña ta stojolik te ya xchꞌoj jilele, y la yaltalanbe: —Jaꞌex ay ta akuentaik teme chꞌayel ya xbaexe. Te joꞌone maꞌyuk ta jkuenta ya xkꞌot. Liꞌ nax kꞌalal to ya xboon te ba ay te machꞌatik ma juriyouke —xyut jilel.

San Mateo 21:43

Jaꞌ yuꞌun ya kalbeyex te jaꞌexe, ya me spojbelex awaꞌtelik te ba ay ta mantal te Diose. Jaꞌ me ya xkꞌot ta skuenta te machꞌatik ya snaꞌik spasel te tut ya skꞌan yoꞌtan te Diose.

Hechos 28:28

“Jaꞌ yuꞌun, naꞌbeyaik me sluwar: Te ora to sok pajel chabe baele te kolel yuꞌun te Diose jaꞌ me ya xkꞌot ta skuenta te machꞌa ma juriyouke. Jaꞌ ya yaꞌibe sluwar stukelik —xchi te Pabloe.

Hebreos 12:25

Jaꞌ yuꞌun, kuidado me xꞌanex, ma me apꞌajik te machꞌa ya xkꞌopoj ta jtojoltike. Yuꞌun ma ba kolik te machꞌatik la spꞌajik te Dios te kꞌalal a yikꞌtalan ta kꞌop liꞌ ba balmilale. ¿Y tutꞌil kꞌan kolukotik euk te joꞌotike, teme ya kakꞌtik ta jpatik te machꞌa ya yikꞌotik ta kꞌop kꞌalal ta chꞌulchane?

Hebreos 2:3

¿Jaꞌ xan tutꞌil kꞌan kolukotik te joꞌotike, teme ixtaꞌ nax kuꞌuntik te kolel te lom mukꞌe? Yuꞌun jaꞌ mismo te Kajwaltik te stukel nail a yal skꞌoplal te kolel to. Ta patil te machꞌatik la yaꞌiyike la yalbelotik euk te joꞌotike te tutꞌil batsꞌi jich te skꞌoplale.

1 Tesalonicenses 2:16

Yuꞌun te kꞌalal kꞌan kalbetik te machꞌatik ma juriyouk yuꞌun jich me ya xkolik ekꞌa, maꞌ yaꞌbotik jpastik. Jich yanyan yipal ta bayalejel te smulike. Pero te ora to julix ta stojolik te tulan kastigo yuꞌun Dios.

Hechos 28:8

Te stat jPublioe tabil ta chamel. Wayal ta swayib, yuꞌun yichꞌoj kꞌajkꞌ sok chꞌich tsaꞌanel. Jicha ba yulutay tal te jPablo, y patil te laj skꞌoponbe Diose, la skajanbe skꞌab ta sjol y lekub.

Hechos 15:7

Te jalajikix ta kꞌop ae, te jPedroe la stejkꞌan sba jajchel, y la yaltalanbe: —Hermanoetik, te jaꞌexe anaꞌojik te ayix kꞌaal stꞌujojon Dios ta awolilike te ya kalbey te lek achꞌ kꞌop yuꞌun te kolel te machꞌatik ma juriyouke, yuꞌun jich me ya xchꞌuunik euk.

San Mateo 3:12

Te machꞌa xtale yichꞌoj spala teꞌ ta skꞌab yuꞌun ya sajpꞌubey lokꞌel skꞌapalel te triwue. Patil ya me skꞌej ochel ta yawil te striwue. Yan te skꞌapalele ya me xchikꞌ ta kꞌakꞌ te ma xtupꞌ sbajtel kꞌinale —xchi te Juane.

San Mateo 21:34

“Kꞌalal la staix yora ta tulel sit te yubae, la stikon yaj-mantal ta skꞌanel ta stojolik te jayeb slojkꞌil te slume.

San Mateo 21:40

¿Tut xchaex te jaꞌexe? ¿Tut ya spasbe ya awaꞌi te aꞌteletik te yajwal-lume te tut ora ya xtale? —xchi te Jesuse.

San Lucas 20:16

Ya me xtal smil jilel te jꞌaꞌteletike, y ya me yakꞌ ta kanantayel ta yan te ubailtik yuꞌune —xchi te Jesuse. Te machꞌatik la yaꞌiyike la yalik: —Ma wan jichuk ya skꞌan te Diose —xchiik.