San Mateo 21:31 - Nuevo Testamento Tzeltal de Amatenango

³¹ “¿Machꞌa ta xchebalik ya awaꞌi te la spasbe te tut la skꞌan yoꞌtan te state? —xchi te Jesuse. La sjakꞌik: —Jaꞌ te naile —xchiik. Te Jesuse la yal: —Jamal ya kalbeyex, te jkꞌan-tojemaletike sok te jmulawil-antstike ya me xnalajik ochel awuꞌunik te ba ay ta mantal te Diose.

Bible in Tzeltal Bachajón

³¹ Ta schebalic, ¿mach'a la spas te bin la sc'an yo'tan te state? xchi. La yalic: Ha te mach'a nahil la yalbe, xchihic. Halbotic yu'un te Jesús: Jamal ya calbeyex, te jc'an-patanetic soc te j'antsineletic ha nahil yacalic ta ochel awu'unic ta banti ay te cuentahinel yu'un te Diose;

Bible in Tzeltal de Oxchuc y Tenejapa

³¹ ¿Mach'a ta xchebalic awaiy te la spasbey te bila la sc'an yo'tan te state? —xi' te Jesuse. La yalic: —Ja' te sbabiale —xiic. Te Jesús jich la yal: —Jamal ya calbeyex, te jc'an-patanetic soc te jmulawil-antsetique, ya me xneelajic ochel awu'unic tey a ta banti ay ta ajwalinel te Diose.

San Mateo 21:31 Referans Kwoze

San Lucas 7:29

Spisil te genteetike te la yaꞌibeyik skꞌop te Juane, sok te jkꞌan-tojemaletik yuꞌun te Roma te akꞌtalanbot yichꞌik jaꞌ yuꞌun te Juane, la yalik te tutꞌil lek yaꞌtel stukel te Diose.

San Mateo 7:21

“Te machꞌatik “Kajwal, Kajwal”, ya yutikone, ma spisiluk ya xꞌochik te ba ay ta mantal te jTatik Diose. Jaꞌ nax ya xꞌochik teꞌa te machꞌatik ya spasbey te tut ya skꞌan yoꞌtan te jTat te ay ta chꞌulchane.

2 Pedro 3:9

Ma yuꞌunuk yokelaluk ya yakꞌ kꞌouk ta pasel te Kajwaltik te tut yaloje, jich tutꞌil te ay machꞌatik jich skuyojike, sino ke jun yoꞌtan ya smaliyex te jaꞌexe. Yuꞌun ma skꞌan teme ay machꞌa chꞌayel ya xbajte, sino ke jaꞌ ya skꞌan te spisil ya sujtes yoꞌtanik ta stojol Diose.

Romanos 5:20

Tal te mantaliletik yuꞌun la sbayaltes te mulile. Pero te kꞌalal bayale te mulile, Dios a yakꞌ xan ta ilel ta mas te slekil yoꞌtane.

Romanos 3:19

Jnaꞌojtik spisil te tut ya yal te sjunal mandaliletike jaꞌ ya yalbe te machꞌatik ayix ta skuentae, yuꞌun ma xjuꞌ ya smak sbaik ta kꞌop a spisil te genteetik te ayik ta balmilal te ya yichꞌ kastigo yuꞌun te Diose.

San Mateo 20:16

“Jaꞌ yuꞌun te machꞌatik patil a laj tale, nail ya xlaj kꞌot stukel. Yan te machꞌatik nail a laj tale, patil me ya xlaj kꞌot stukel. Porke bayal machꞌatik ya xꞌikꞌtalanot. Pero ma bayaluk te machꞌa tsajtalanbile —xchi te Jesuse.

Hechos 17:30

Te Diose maꞌyuk tuti yal yuꞌun te jich yipal kꞌaal ayikix tal ta spasel te gente te ma snaꞌbe sluware. Yan te ora to ya spasix ta mantal spisil genteetik ta bayuk te ya sujtes yoꞌtanik ta stojole.

San Lucas 19:22

“Jich te reye la yal: “Ma lekil jꞌaꞌtelukat. Ta akꞌop nax chikan te ya xbaat ta kastigoe. Teme anaꞌoj te tulan winikone, te ya jtam te ma joꞌukon kakꞌoje, sok te ya jkꞌaj te ma joꞌukon jtsꞌunoje,

San Lucas 15:10

Ya kalbeyex, jich me ben jun yoꞌtan yuꞌun te chꞌul angeletik yuꞌun Dios ta chꞌulchane teme ya sujtes yoꞌtan yuꞌun smul te jtul jmulawile —xchi te Jesuse.

San Mateo 18:3

La yal: —Jamal ya kalbeyex. Teme ma xjelonexe sok teme ma jichuk chꞌin ya awakꞌ abaik jich tutꞌil te chꞌin untike, ma xjuꞌ ya awajwalinik te Diose.

San Mateo 12:50

Porke machꞌauk a te ya spas te tut ya skꞌan yoꞌtan te jTat te ay ta chꞌulchane, jaꞌ kitsꞌinab sok jaꞌ jmeꞌ kꞌoem —xchi te Jesuse.

San Mateo 9:9

Te Jesuse lokꞌ bael te ba jtejklume. Teꞌ kꞌo yil jtul winik a te jMateo sbiile. Teꞌ nakal te ba ya xtojot stojemal te tutike. Te Jesuse la skꞌopon: —Laꞌ, tsꞌakliyaon —xyut. Jajch bael te jMateoe. La sjoyin bael.

San Mateo 6:5

“Te kꞌalal tut ora ya akꞌoponik Dios te jaꞌexe, ma me jichuk xꞌapasik te tutꞌil ya spasik te machꞌa chaꞌlam yoꞌtanike. Ya skꞌupinik te ya stejkan sbaik ta skꞌoponel Dios ta sinagogaetik sok ta eskinyailtik yuꞌun te plasae, yuꞌun ya skꞌanik kꞌupinel yuꞌun genteetike. Jamal ya kalbeyex, jip me smajtan la staik abi.

San Mateo 5:18

Jamal ya kalbeyex: Te jayeb xan kꞌaal te mato xlaj te chꞌulchan sok te balmilale, ni junuk chꞌin letra ni junuk punto ya xchꞌay skꞌoplal yuꞌun te mantaliletike, jaꞌ to teme kꞌot ta pasel spisile.

San Mateo 5:46

Jich te jaꞌexe, teme jip nax kꞌux ya awaꞌiyik te machꞌa kꞌux ya yilexe, ¿tut ya ataik tsꞌin a? Asta te jkꞌan-tojemaletik yuꞌun Roma jich ya spasbe sbaik euk.

San Mateo 21:30

“Te tatile ba yalbe xan te jtul xan xnichꞌane. La sjakꞌ te skereme: “Jichuk, tat, ya xboon”, xchi. Pero maꞌ bajt.

San Juan 3:3

Te Jesuse la yalbe: —Jamal ya kalbeyat, te machꞌa ma xchaꞌayin ta achꞌe ma xjuꞌ ya yajwalin te Diose —xchi.

San Juan 3:5

Te Jesuse la sjakꞌbe: —Jamal ya kalbeyat: Te machꞌa ma xchaꞌayin ta jaꞌe y sok ta skuenta te Espiritue ma spas ya xꞌoch te ba ay ta ajwalil te Diose.