San Mateo 21:26 - Nuevo Testamento Tzeltal de Amatenango

²⁶ Sok ma spas ya kaltik te winketik a tikonot tal yuꞌune, yuꞌun ya xiꞌtik te jtejklume, yuꞌun ya xchꞌuunik te jaꞌ jꞌalwanej yuꞌun Dios te Juane —xchiik ta yaꞌabiyanel.

Bible in Tzeltal Bachajón

²⁶ Teme ya caltic: Talem ta stojol ants-winic, teme xchihotic, ya jxi'tic te jlumaltic, como spisil sch'uhunejic te ha jalwanej te Juan, xchihic.

Bible in Tzeltal de Oxchuc y Tenejapa

²⁶ Soc teme ya caltic te ja' ac'bot yat'el yu'un winiquetic, ya me jxi'tic te lume, yu'un ay ta yo'tanic te ja' j'alwanej yu'un Dios te Juane —xiic ta yaanel.

San Mateo 21:26 Referans Kwoze

San Marcos 6:20

Yuꞌun te Herodese la xiꞌ te Juane. La snaꞌ te toj ta winikil sok te maꞌyuk smul. Yo la yakꞌ ta kanantayel tsꞌin. Te Herodese la skꞌupin te ya yaꞌi te tutik ya yal te Juane, pero ay bayal tut ma kꞌot ta yoꞌtan.

San Juan 5:35

Te Juane jich a kꞌot tutꞌil lampara te ya xtil y ya sakutes kꞌinale; y te jaꞌexe kꞌan junubuk awoꞌtanik jun chebuk kꞌaal yuꞌun te sakil kꞌinal yuꞌune.

San Mateo 21:46

Yoꞌtanuk kꞌan stsakik te Jesuse, pero ya xchiik yuꞌun te genteetike, yuꞌun kꞌoem ta yoꞌtanik te jaꞌ jꞌalwanej yuꞌun Dios te Jesuse.

San Mateo 14:5

Jich te Herodese yoꞌtanuk kꞌan smil te Juane, pero ya xiꞌ yuꞌun te genteetike, yuꞌun te genteetike yakꞌojik ta jkuenta te Juane, yuꞌun xchꞌuunejik te jaꞌ jꞌalwanej yuꞌun te Diose.

San Mateo 11:9

¿Tut a te xkꞌo awilik tal? ¿Meꞌn jaꞌ wan xkꞌo awilik tul jꞌalwanej yuꞌun Dios? Jicha nix a. Sok ya kalbeyex te mas tulan yaꞌtel te tutꞌil jꞌalwanej yuꞌun te Diose.

Hechos 5:26

Te statal jkanane sok te jkananetike laj bajt ta sleel. Pero ma yilbajinik, yuꞌun ya xiꞌ yuꞌun teme wolotal ta ton yuꞌun te gentee.

San Juan 9:22

Te smeꞌ-state jich a yalik yuꞌun xiꞌik yuꞌun te juriyoetike. Jaꞌ yuꞌun te juriyoetik snopojikix te ya xchꞌojik lokꞌel ta sinagoga machꞌauk a teme ya yal te jaꞌ Cristo te Jesuse.

San Lucas 22:2

Te statal saserdoteetike sok te maestroetik yuꞌun te mantaliletike yipalik ta sleel tut ya yut ya smilik te Jesuse, yuꞌun a xiꞌik yuꞌun te genteetike.

San Lucas 20:19

Te statal saserdoteetike sok te maestroetik yuꞌun te mantaliletike ora nax kꞌan stsakik te Jesuse, yuꞌun la snaꞌik te jaꞌ skꞌoplalik te seña-kꞌop te la yal te Jesuse. Pero ya xiꞌik yuꞌun te genteetike.

San Lucas 20:6

Y ma spas ya kalbetik teme jaꞌ winketik a stikon tale, porke te genteetike ya me smilotik ta chꞌojel ta ton, yuꞌun spisilik jich xchꞌuunejik te jaꞌ jꞌalwanej yuꞌun Dios te Juane —xchiik ta yaꞌbiyanel.

San Marcos 12:12

Jich kꞌan stsakik te Jesuse, yuꞌun kꞌot ta yoꞌtanik te jaꞌ skꞌoplalik te seña kꞌop la yale. Pero la xiꞌik te genteetike. Jaꞌ yuꞌun la sjilesik y bajtik.

San Marcos 11:32

¿Y tut ya xba kaltik te jaꞌ winketik a tikonot tal yuꞌunik? —xchiik ta snopel. Ayik ta xiꞌel yuꞌun te genteetike, yuꞌun spisil xchꞌuunejik ta jaꞌ jꞌalwanej yuꞌun Dios te Juane.

San Mateo 21:11

Te genteetike la yalik: —Jaꞌ te jꞌalwanej yuꞌun Dios te Jesus sbiile te talem ta jtejklum Nazaret ta estado yuꞌun Galilea —xchiik.

San Mateo 21:25

Teme ya awalbikone, ya me kalbeyex euk te tut kaꞌtel kichꞌoj ta spasel to —xchi. Jich a lijk yalbe sbaik stukelik: —Teme ya kaltik te Dios la stikon tale, ya me yalbotik: “¿Tuꞌun te ma la achꞌuunik te tuti yale?” ya me yutotik.

San Mateo 21:27

La yalbeyik tsꞌin te Jesuse: —Ma jnaꞌtik —xchiik. La sjakꞌ euk te Jesuse: —Jichon euk ma xkalbeyex te tut kaꞌtel kichꞌoj ta spasel to —xchi.