San Mateo 21:25 - Nuevo Testamento Tzeltal de Amatenango

²⁵ Teme ya awalbikone, ya me kalbeyex euk te tut kaꞌtel kichꞌoj ta spasel to —xchi. Jich a lijk yalbe sbaik stukelik: —Teme ya kaltik te Dios la stikon tale, ya me yalbotik: “¿Tuꞌun te ma la achꞌuunik te tuti yale?” ya me yutotik.

Bible in Tzeltal Bachajón

²⁵ Te ich'-ha' yu'un te Juan, ¿banti tal? ¿Talem bal ta ch'ulchan o ta stojol ants-winic? xchi. Hich talel c'axel la yalbe sbahic: Teme ya caltic: Talem ta ch'ulchan, teme xchihotic, ya me yalbotic: ¿Bin yu'unix ma ba la ach'uhunic hiche? ya me yutotic.

Bible in Tzeltal de Oxchuc y Tenejapa

²⁵ ¿Mach'a la yac'bey yat'el ta yaq'uel ich'ja' te Juane? ¿Ja' bal te Diose, o ja' bal te winiquetique? —xi'. Jich jajch' yaanic stuquelic: —Teme ya caltic te ja' ac'bot yat'el yu'un te Diose, ya me yalbotic: “¿Bistuc ma la ach'uunic te bila la yale?”, ya me yutotic.

San Mateo 21:25 Referans Kwoze

1 Juan 3:20

Yuꞌun teme ya yalbotik te koꞌtantike te ay palta kuꞌuntike, te Diose lom mukꞌ ke te koꞌtantike, sok snaꞌoj ta spisil.

San Juan 3:18

Te machꞌa ya xchꞌuun te xNichꞌan Diose maꞌyukix ta chꞌayel. Pero te machꞌa ma xchꞌuune, ayix bael ta chꞌayel ta skꞌaj te ma xchꞌuun te úniko jtul Xnichꞌan Diose.

San Juan 1:15

Te Juane la yakꞌ sba ta testigo yuꞌun. Jich a yal: —Jaꞌ to jaꞌ te machꞌa la kalbe skꞌoplal te ya xtal ta patil kuꞌune, te jaꞌ mas ay ta jkuenta stukel ke te joꞌone. Porke ayix a stukele te kꞌalal ma to ayukon a te joꞌone —xchi te Juane.

San Lucas 20:5

Lijk snopik y lijk sjojkꞌobe sbaik: —Teme ya kaltik te Dios a stikon tale, ya xba yalbotik: “¿Tuꞌun te ma la achꞌuunik te tut a yalte?” ya me yutotik.

San Juan 1:6

Ay jtul winik tikonot yuꞌun te Diose, te Juan sbiile.

San Mateo 16:7

Te jnopojeletike jicha lijk yalbe sbaik yuꞌun: —Jaꞌ yuꞌun te maꞌ jnaꞌtik tal kotike —xchiik.

San Mateo 21:24

La sjakꞌ te Jesuse: —Jichon euk, ay tut ya jojkꞌobeyex: ¿Machꞌa tikonot tal yuꞌun te Juan te la yakꞌ ichꞌjaꞌe? ¿Me jaꞌ te Diose o winketik?

San Mateo 21:26

Sok ma spas ya kaltik te winketik a tikonot tal yuꞌune, yuꞌun ya xiꞌtik te jtejklume, yuꞌun ya xchꞌuunik te jaꞌ jꞌalwanej yuꞌun Dios te Juane —xchiik ta yaꞌabiyanel.

San Lucas 14:4

Pero maꞌ kꞌopojik yuꞌun. Jich te Jesuse la yikꞌ tal te jchamele, la slekutes, y la yalbe te ya xbajte.