San Mateo 21:15 - Nuevo Testamento Tzeltal de Amatenango

¹⁵ Te statal-saserdoteetike sok te maestroetik yuꞌun te mantaliletike la yilik te milagroetik te ya spas te Jesuse. Sok ilinik kꞌalal la yaꞌiyik te xꞌawlajan ta templo te chꞌin untike. Jich a yalik ta stojol te Jesuse: “¡Bayal slekilal te stsꞌumbal jDavide!” xchiik.

Bible in Tzeltal Bachajón

¹⁵ Pero te principal sacerdotehetic soc te escribanohetic ilinic yu'un te c'alal la yilic te jchahp a'teliletic yac spasbel soc te hich yacalic ta aw ta Templo te alaletic: ¡Hosana ta stojol te Snich'an David! te xchihique.

Bible in Tzeltal de Oxchuc y Tenejapa

¹⁵ Te jwolwanej-sacerdoteetic soc te jts'ibojometique, ilin yo'tanic yu'un te c'alal la yilic te jchajp at'elil te la spas te Jesuse soc te la yaiyic stojol te jich yacalic ta aw ta stojol Jesús ta bay templo te alaletique: “¡Jelawen awutsil te sts'umbalat David!”, te xiique.

San Mateo 21:15 Referans Kwoze

San Mateo 21:9

Te machꞌatik nailajemik baele sok te machꞌatik patilajemike la yawutayik: —¡Bayal slekilal! ¡Ben tsaꞌam slekil te machꞌa talem ta skuenta te Kajwaletike! ¡Bayal slekilal te chꞌul Dios te ay ta chꞌulchane! —xchiik ta yawutayel.

San Juan 12:19

Pero te fariseoetike lijk yalbe sbaik: —Ila awilik, ma xjuꞌix kuꞌuntik skomel. Yuꞌun spisil a bajtikix sok te Jesuse —xchiik.

San Juan 11:57

Te fariseoetike sok te stataletik yuꞌun te saserdoteetike yalojik mantal teme ay machꞌa ya yil ba ay te Jesuse, a me ba yal, yuꞌun jich me ya stsakik a.

San Juan 7:42

Te Sjun Diose ya yal te Cristoe puersa ta stsꞌumbal te rey jDavid ya xtal, y ta jtejklum Belen ya xtal, te jaꞌ slumal te jDavide —xchiik yuꞌun.

San Juan 4:1

Te fariseoetike la yaꞌiybeyik sluwar te bayalix machꞌa tsꞌaklibil yuꞌun te Jesuse y mas yipalix ta yakꞌel ichꞌjaꞌ ke te Juane.

San Lucas 22:66

Te kꞌalal sakubix tal a te kꞌinale, la stsob sbaik tal te moletik yuꞌun te juriyoetike sok te statal saserdoteetike sok te maestroetik yuꞌun te mantaliletike. La yikꞌik bael te Jesuse te ba stsobo sbaik, y la sjojkꞌobeyik:

San Lucas 22:2

Te statal saserdoteetike sok te maestroetik yuꞌun te mantaliletike yipalik ta sleel tut ya yut ya smilik te Jesuse, yuꞌun a xiꞌik yuꞌun te genteetike.

San Lucas 20:1

Ay jun kꞌaal te Jesuse yipal ta spꞌijutesel genteetik ta templo, y jaꞌ yipal ta yalbeyel sluwar te lek achꞌ kꞌop yuꞌun te kolele. Laj kꞌot te statal saserdoteetike y sok te maestroetik yuꞌun te mantaliletike sok euk te moletik yuꞌun te jtejklume,

San Marcos 11:18

Te statal-saserdoteetik sok te maestroetik yuꞌun te mantaliletike la yaꞌiyik sluwaril te tut la yale. Jich lijkik ta sleel te tutꞌil ya smilik te Jesuse, yuꞌun la xiꞌik te Jesuse, yuꞌun spisil te gente ben tsaꞌam ya yaꞌiyik te pꞌijutesel yuꞌune.

San Mateo 27:20

Pero te statal-saserdoteetik sok te moletik la yakꞌ kꞌotuk ta yoꞌtanik te genteetike te jaꞌ ya skꞌanik te ya xkol te Barrabase sok te jaꞌuk ta xlaj ta milel te Jesuse.

San Mateo 27:1

Sakubix kꞌinal a te statal saserdoteetik sok te moletik yuꞌun te juriyoetike ba snop skꞌopik te ya yakꞌik ta milel te Jesuse.

San Mateo 26:59

Te statal-saserdoteetik sok te moletik sok spisil te juriyoetik te yichꞌoj yaꞌtelik la sleik palso testigoetik yuꞌun jich ya xjuꞌ ya yakꞌik ta milel a te Jesuse.

San Mateo 26:3

Jaꞌ stiempoil a te la stsob sbaik te statal-saserdoteetike sok te maestroetik yuꞌun te mantaliletike sok te moletik yuꞌun te juriyoetike. Teꞌ stsob sbaik a te ba yamakꞌul sna te statal-saserdote Caifase.

San Mateo 22:42

—¿Tut xchaex yuꞌun te Cristoe? ¿Machꞌa stsꞌumbal ya akuyik a? —xchi. La sjakꞌtalanik: —Jaꞌ stsꞌumbal te rey Davide —xchiik.

San Mateo 21:23

Och bael ta templo te Jesuse. Yipal ta pꞌijuteswanej a, tal ta kꞌoponel yuꞌun te statal-saserdoteetike sok te moletik yuꞌun te jtejklume. La sjojkꞌobeyik: —¿Tuti awaꞌtel awichꞌoj ta spasel spisil to? ¿Machꞌa yaꞌbeyat awaꞌtel? —xchiik.

San Mateo 9:27

Te kꞌalal lokꞌ bael teꞌa te Jesuse, ay cheb choketik te la stsꞌakliyik bael. Lijk yawutayik: —Kꞌuxutayaotik, jaꞌat te stsꞌumbalat te jDavide —xchiik.

San Mateo 20:24

Te kꞌalal la yaꞌiybeyik sluwar te lajuntul te jnopojeletike, la yilintayik te cheb te jun nax smeꞌ-statike.