San Mateo 20:26 - Nuevo Testamento Tzeltal de Amatenango

²⁶ Ma me ayuk machꞌa jich ay ta awolilik te jaꞌexe. Yan teme ya akꞌan te ya yakꞌelex ta jkuentae, akꞌa me abaik ta abatinel yuꞌun te yane.

Bible in Tzeltal Bachajón

²⁶ Ma hichuc ay ta pasel ta awohlilic te ha'exe, te mach'a ya sc'an te muc' sc'oblal ya xc'oht ta awohlilic, ha me a'bat ya xc'oht ta atojolic,

Bible in Tzeltal de Oxchuc y Tenejapa

²⁶ Yan te ja'exe ma me jichuc xapasic. Teme ya ac'anic te muc' ya xc'oexe, ac'a me abaic ta abatinel.

San Mateo 20:26 Referans Kwoze

San Marcos 10:43

Pero te jaꞌexe ma me apasik jich. Yan teme ya akꞌan te ayat ta kuenta, akꞌa me aba ta abatinel yuꞌun te yanetike.

San Marcos 10:45

Jich te Nichꞌanile ma jaꞌuk talem yuꞌun ay machꞌa ya smantaltes. Jaꞌ talem yuꞌun te ya yakꞌ sba ta mantaltesel sok te ya yakꞌ sba ta lajel skuenta yuꞌun jich ya xwejtꞌ skolelik a ipal genteetike —xchi te Jesuse.

San Marcos 9:35

Te Jesuse la snajkan sba, la yikꞌ tal te lajchaytul jnopojeletik. Jich a yalbe: —Teme ay machꞌa nail nail ya skꞌan ya xkꞌote, último me skꞌan ya yakꞌ sba, sok a me yakꞌ sba ta mantaltesel sok te sjoꞌtake —xchi.

1 Pedro 5:3

Ma me jachikukex te batsꞌi ajwalilex yuꞌun te machꞌatik ay ta akuentaik skanantayele, sino ke jaꞌex ya skꞌan ya awaꞌbeyik yilik te tut lek ta pasele.

San Lucas 18:14

“Ya kalbeyex: Te jkꞌan-tojemale te kꞌalal sujt bael ta snae pasbilix bael perdon yuꞌun a te Diose. Yan te fariseoe ma pasbot perdon stukel. Porke te machꞌa mukꞌ ya yakꞌ sbae, chꞌin me ya xkꞌot. Yan te machꞌa chꞌin ya yakꞌ sba, jaꞌ me mukꞌ ya xkꞌot stukel —xchi te Jesuse.

1 Pedro 4:11

Te machꞌa ay smajtan te ya xkꞌopoje, a me yal te tut yaloj te Diose. Te machꞌa ya snaꞌ mantaltesele, a me yakꞌ sba ta mantaltesel sok te spuersa te ya xꞌaꞌbot yuꞌun te Diose. Spisil te tut ya apasike, pasaik skuenta yuꞌun jich me lek ya xꞌalbot skꞌoplal a te Diose ta skuenta te Jesucristoe. Jaꞌ te machꞌa ay slekilal sok te ay spoder sbajtel kꞌinale. Jichuk.

San Mateo 25:44

“Jich me ya xlijk sjojkꞌoyik: “¿Ba kiltikat te ayat ta wiꞌnal, sok te ayat ta takin-tiꞌile, sok te xoyetate, sok te maꞌyuk akꞌuꞌ-apakꞌe, sok te ayat ta chamele, sok te ayat ta prexoe te maꞌ jkoltaytikate?” ya me yutik.

Hebreos 1:14

Porke spisilik te angeletike abatetik ta spasel yaꞌtel te Diose. Tikonbil ta skoltayel te machꞌatik ya xꞌaꞌbot smajtanin te kolele.

Filemón 1:13

Ya jkꞌan te liyuk ya sjoyinon ae, yuꞌun ya xtuun kuꞌun jich tutꞌil ajelol, te ayon to ta prexo ta skaj te lekil achꞌ kꞌope.

2 Timoteo 1:18

A me kꞌuxutayek yuꞌun Kajwaltik te tut kꞌaalil ya xtal xane. Te jaꞌate anaꞌojix lek te bayal la skoltayotik ta Efesoe.

2 Corintios 1:24

Ma yuꞌunuk jaꞌ ya jkꞌantik te ya sujtikex ta xchꞌuunele, yuꞌun ben jun awoꞌtanik sok ayix xchꞌuunel awoꞌtanike. Te tut ya jkꞌantike jaꞌ te ya xꞌaꞌtejotik ta akuentaik, yuꞌun jich me ben jun awoꞌtanik a.

Hechos 13:5

Te kꞌalal koik ta barko ta jtejklum Salaminae, lijk yalik teꞌa te skꞌop Diose te ba sinagogaetik yuꞌun te juriyoetike. Te Juane sjoyinejik kꞌal euk yuꞌun ya smantaltesik.

San Juan 18:36

Te Jesuse la sjakꞌbe: —Te tutꞌil ajwalilone, ma jaꞌuk ta skuenta te balmilal to. Te yuꞌunuk jaꞌuke la me spasik pleto te abatetik kuꞌun te jichuke, yuꞌun jich ma yakꞌelon entregal ta skꞌab te juriyoetike. Pero ma jaꞌuk ta skuenta te balmilal to te tutꞌil ajwalilone —xchi.

San Mateo 27:55

Ay bayal antstik te jakal to ayik ta skꞌeluyele. Jaꞌ te machꞌatik a stsꞌakliyik te Jesuse kꞌalal ta Galilea te la yakꞌ sbaik ta abatinel yuꞌune.

Apocalipsis 17:6

Te nax a la jnaꞌ te yakubenix te antse. Jaꞌ yakuben yuꞌun te xchꞌichꞌel te machꞌatik yuꞌunik te Diose y sok te xchꞌichꞌel te machꞌatik miltalanot yuꞌun te la yalik ta jamal te skꞌoplal te Jesuse. Te kꞌalal la kile, lom cham a kaꞌiy yuꞌun.

San Mateo 20:27

Teme ay jaꞌex te ya skꞌan awoꞌtan te mukꞌ akꞌoplal ya xkꞌoate, jaꞌ me moso ya awakꞌ aba ta stojol te yanetike.

San Lucas 22:26

Pero te jaꞌexe ma me jichuk xꞌapasik. Te jaꞌexe te machꞌa ay ta jkuenta ta awolilike jich me wakꞌ yakꞌ sba te tutꞌil bikꞌit toe. Y te machꞌa ya xmantalteswane jich me wakꞌ spas te tutꞌil te machꞌa ya xmantaltesote.