San Mateo 20:25 - Nuevo Testamento Tzeltal de Amatenango

²⁵ Te Jesuse la yikꞌtalan tal y la yaltalanbe: —Te jaꞌexe ya anaꞌik tutꞌil ay te machꞌa ya yichꞌ yaꞌtel yuꞌun te slumale, ya yakꞌ sbaik ta akꞌel ta jkuenta yuꞌun te slumale. Sok te machꞌatik ben mukꞌ ya yakꞌ sba sok te yaꞌtelike tulan ya xmantalejik te ba slumalike.

Bible in Tzeltal Bachajón

²⁵ Ha yu'un ic'otic tal yu'un te Jesús, hich halbotic yu'un: Ana'ojic te ajwaliletic yu'un te jyanlumetic ya yac' sbahic ta ich'el ta muc' stuquelic, soc te mach'atic tulan ya'telic ya yac' sbahic ta ch'uhumbeyel smandar yu'un te ay ya'telique.

Bible in Tzeltal de Oxchuc y Tenejapa

²⁵ Te Jesús la yic' tel ta stojol spisilic. Jich la yalbey yaiyic: —Ya ana'ic te ya yac' sbaic ta ich'el ta muc' yu'un slumal te ajwaliletique. Soc te mach'atic cajal ayique, tulan ya xmandalajic ta stojol te lume.

San Mateo 20:25 Referans Kwoze

San Marcos 10:42

Te Jesuse la yikꞌtalan tal sok la yalbe: —Te jaꞌexe anaꞌojik te ya yakꞌ sbaik ta ajwalil yuꞌun slumal te machꞌatik aꞌbilik ta kuenta yuꞌunike. Sok te machꞌatik toyol ayike tulan ya xmantalajik ta skuenta te jtejklume.

San Mateo 11:29

Akꞌa ta anukꞌik te jyukue y nopbikon koꞌtan, joꞌon te lek koꞌtan sok te chꞌin kakꞌoj jbae. Jich me ya xkux te awoꞌtanike.

San Mateo 20:24

Te kꞌalal la yaꞌiybeyik sluwar te lajuntul te jnopojeletike, la yilintayik te cheb te jun nax smeꞌ-statike.

1 Pedro 5:3

Ma me jachikukex te batsꞌi ajwalilex yuꞌun te machꞌatik ay ta akuentaik skanantayele, sino ke jaꞌex ya skꞌan ya awaꞌbeyik yilik te tut lek ta pasele.