San Mateo 20:24 - Nuevo Testamento Tzeltal de Amatenango

²⁴ Te kꞌalal la yaꞌiybeyik sluwar te lajuntul te jnopojeletike, la yilintayik te cheb te jun nax smeꞌ-statike.

Bible in Tzeltal Bachajón

²⁴ C'alal hich la ya'iyic te lajuntuhl xan, la yilintayic te cheb yermano sbahique.

Bible in Tzeltal de Oxchuc y Tenejapa

²⁴ Te c'alal la yaiy stojol te lajuntul jnopojeletique, la yilintayic te chebique.

San Mateo 20:24 Referans Kwoze

1 Pedro 5:5

Jichex euk jaꞌex kermetik, chꞌuunbeyaik me smantal te ansianoetik te tutꞌil ay yaꞌtelike. Ta apisilik ya skꞌan talel baeluk ya achꞌuunbey aba amantalik, sok chꞌunulukex me. Porke Dios skontrainej te machꞌatik lom toybaike. Pero ya skoltay sok slekil yoꞌtan te machꞌatik chꞌunul ayike.

Santiago 3:14

Pero te jaꞌexe nojel ta awoꞌtanik te il-oꞌtantawanej, y te tutik ya apasike jaꞌ nax ya akontrain abaik a. Jich ma xjuꞌ te ya atoy abaike, porke jaꞌ ya asut ta lot te tut batsꞌi jiche.

Filipenses 2:3

Ma me ayuk tuti ya apasik ta skuenta tsalaw sok ta skuenta toybael. Chꞌin me ya skꞌan ya awakꞌ abaik, y ta juju-tul jaꞌ me mukꞌ skꞌoplal awuꞌunik te yanetike te tutꞌil te jaꞌat mismoe.

1 Corintios 13:4

Te xkꞌuxul-oꞌtanile ya snaꞌ tutꞌ ya xkujch yuꞌun. Bayal slekil yoꞌtan sok maꞌyuk il-oꞌtan. Ni makꞌ yakꞌ sba ta akꞌel ta jkuenta, ni makꞌ stoy sba,

San Marcos 10:41

Te kꞌalal la yaꞌiyik te lajuntul jnopojeletike, la yilintayik te Jacoboe sok te Juane.

San Mateo 20:23

Te Jesuse la sjakꞌtalanbe: —Jich te jaꞌexe ya yaꞌbelex euk te wokole sok te ilbajinele jich tutꞌil ya kichꞌ te joꞌone. Pero tutꞌil ya akꞌan xnajkajex ta jbatsꞌil sok ta jkꞌexome, ma joꞌukon ay ta jkuenta. Ja chikan stukel te jTate te machꞌatik xchajpoj te ya yakꞌ najkajuk teꞌae —xchi te Jesuse.

San Mateo 20:25

Te Jesuse la yikꞌtalan tal y la yaltalanbe: —Te jaꞌexe ya anaꞌik tutꞌil ay te machꞌa ya yichꞌ yaꞌtel yuꞌun te slumale, ya yakꞌ sbaik ta akꞌel ta jkuenta yuꞌun te slumale. Sok te machꞌatik ben mukꞌ ya yakꞌ sba sok te yaꞌtelike tulan ya xmantalejik te ba slumalike.

San Marcos 10:14

La yil tsꞌin te Jesuse, ma tsaꞌamuk la yaꞌi, y la yal: —Taluk ta jkuenta te untike. Ma me komik, porke te machꞌa jachik yoꞌtanik tutꞌil untik to, ya xjuꞌ ya xꞌoch te ba ay te Diose.

San Lucas 13:14

Pero te machꞌa yichꞌoj yaꞌtel ta statalil te ba sinagogae ilin yuꞌun, yuꞌun te Jesuse la slekutes ta skꞌaalel kuxo-oꞌtan. La yalbe te genteetike: —Ay wakeꞌ kꞌaal te ya xꞌaꞌtejotike. Jaꞌ ya xtalex a te ya awakꞌ abaik ta lekutesel yuꞌun te achamelike. Ma me jauk a te skꞌaalel kuxo-oꞌtane —xyut.