San Mateo 20:23 - Nuevo Testamento Tzeltal de Amatenango

²³ Te Jesuse la sjakꞌtalanbe: —Jich te jaꞌexe ya yaꞌbelex euk te wokole sok te ilbajinele jich tutꞌil ya kichꞌ te joꞌone. Pero tutꞌil ya akꞌan xnajkajex ta jbatsꞌil sok ta jkꞌexome, ma joꞌukon ay ta jkuenta. Ja chikan stukel te jTate te machꞌatik xchajpoj te ya yakꞌ najkajuk teꞌae —xchi te Jesuse.

Bible in Tzeltal Bachajón

²³ Hich halbotic yu'un te Jesús: Melel nix a, ya me x'uch'ex ta vaso cu'un, soc ya me awich'ic te ha' te ya quich' te ho'one, pero ma ba ho'on ay ta jcuenta yaq'uel te mach'a ya shuhcan sba ta jwa'el soc ta jq'uexam, ha nax te mach'atic chapal yu'un te Jtate, xchi.

Bible in Tzeltal de Oxchuc y Tenejapa

²³ La yal te Jesuse: —Melel nix a te ya x'ac'botex uuc te woclajele soc te ya awich'ic uts'inel uuc jich te bit'il ya quich' te jo'one. Yan te bit'il ya ac'anic te ya xnajc'ajex jtul ta jwa'el soc jtul ta jq'uexene, ma ja'uc ay ta jwenta yaq'uel. Ja' ay ta swenta stuquel te Jtate te mach'atic ya yac' najc'ajuc tey a —xi' te Jesuse.

San Mateo 20:23 Referans Kwoze

Apocalipsis 1:9

Joꞌon Juanon, joꞌon awermanoikon te pajal ay ta jkuentatik te wokole sok te pajal ay ta jkuentatik te ya joyintik ta ajwalil te Cristoe, sok te pajal ya yaꞌbotik jpuersatik te ya xkujch kuꞌuntik te wokoletike. Liꞌ aꞌbilon ba chꞌin luwar Patmos sbiil te joybil ta mare, jaꞌ ta skaj te yipalon ta yalel te skꞌop Diose te jamal ya yakꞌ ta naꞌbeyel sluwar te Jesuse.

Hechos 12:2

La yakꞌ mantal ta milel ta puñal te Jacoboe sbankil te Juane,

San Marcos 10:40

Pero te tutꞌil ya akꞌanik te ya xnajkꞌajex ta sbatsꞌil jkꞌab sok ta skꞌexome, ma joꞌukon ay ta jkuenta. Jaꞌ chikan stukel te Jtate te machꞌatik chapalix skꞌoplalike te ya yakꞌ najkꞌajuk teꞌae —xchi te Jesuse.

San Mateo 25:34

“Te ajwalile ya me yalbe te machꞌatik ay ta sbatsꞌil skꞌabe: “Laꞌik te jaꞌexe te ben tsaꞌam alekilik ta stojol te Jtate. Ochanik, ichꞌaik awaꞌtelik ta ajwalil te chapbil ta akuentaik kꞌalal ta slijkibal to tal te balmilal te la spas te Diose.

1 Corintios 2:9

Pero komo jich tsꞌibabil jilel ta Sjun te Diose: “Te Diose xchapoj yuꞌun te machꞌatik kꞌanbil yuꞌune te tut maꞌyuk machꞌa yiloje sok maꞌyuk yaꞌiyeje sok te ma snopojuke”, xchi me.

Romanos 8:17

Y te tutꞌil yal-xnichꞌanotikix te Diose, jich ayix jpartetik te jmajtantik te Dios yaloj jilel te ya yaꞌbotike. Pajal ya kichꞌtik sok Cristo, teme jich ya xkꞌax jwokoltik soke, yuꞌun ta patil jun ayotik sok ta lekilal.

Hebreos 11:16

Pero stukelike la skꞌan yoꞌtanik te ben tsaꞌam slumalike, jaꞌ bi, la skꞌan slumalin te chꞌulchane. Jaꞌ yuꞌun Dios mak xkꞌexaw te jaꞌ Dios yuꞌunike, yuꞌun chapojlanbe jun mukꞌul jtejklum.

Colosenses 1:24

Te ora to ben jun koꞌtan te ayon ta wokol ta akajike. Porke te tutꞌil jich aye jaꞌ ya jtsꞌakutes ta jtiꞌbalul te tutik xan ya skꞌan xkꞌax swokol te Cristoe, yuꞌun te machꞌatik xchꞌuunejikixe, te jich kꞌoemik tutꞌil te stiꞌbalule.

2 Corintios 1:7

Jun koꞌtantik ta akuentaik, yuꞌun jnaꞌojtik sluwar te ya me ataik spuersa awoꞌtanik yuꞌun euk te Diose, yuꞌun ay me awuꞌunik ekꞌa te bayal wokole.

San Mateo 13:11

Te Jesuse la yaltalanbe: —Te jaꞌexe Dios me ya yaꞌbeyex anaꞌik sluwar te tutꞌil ay ta ajwalinel te Diose, te maꞌyuk ta naꞌel ta nail toe. Yan te yanetike ma xꞌaꞌbot snaꞌbeyik sluwaril stukel.

San Mateo 20:24

Te kꞌalal la yaꞌiybeyik sluwar te lajuntul te jnopojeletike, la yilintayik te cheb te jun nax smeꞌ-statike.