San Mateo 20:22 - Nuevo Testamento Tzeltal de Amatenango

²² La sjakꞌbe te Jesuse: —Ma xꞌanaꞌbe sluwar te tut ya akꞌanike. ¿Meꞌn ya wan xjuꞌ awuꞌunik te wokol te ya yaꞌbelone sok te ilbajinel te ya kichꞌ te joꞌone? —xchi. La yalik: —Yak. Ya xjuꞌ kuꞌuntik —xchiik.

Bible in Tzeltal Bachajón

²² La sjac' te Jesús: Ma xana'ic bin yac ac'ambelic. ¿Ya bal xhu' awu'unic yuch'el te vaso te ho'on ya xbaht cuch', soc ya bal xcuhch awu'unic teme hich ya xc'oht ta acuentahic te bin ya xc'oht ta jcuenta te ho'one? xchi sc'oblalic. Yac, ya xhu' cu'uncotic, xchihic.

Bible in Tzeltal de Oxchuc y Tenejapa

²² Te Jesús la yalbey: —Ma x'ana'bey swentail te bila ya ac'ane. ¿Ya bal xju' awu'unic uuc te woclajel ya x'ac'botone? ¿Soc ya bal xju' awu'unic uuc te uts'inel ya quich' te jo'one? —xi'. La yalic: —Yac, ya xju' cu'untic uuc —xiic.

San Mateo 20:22 Referans Kwoze

San Lucas 22:42

La yal: —Jtat, teme jich ya skꞌan awoꞌtane, ya xjuꞌ ya akꞌej bael te wokol to. Pero ma me jaꞌuk ya jpas te tut ya skꞌan koꞌtane. Ja me aꞌ pasuk te tut ya skꞌan awoꞌtane —xchi.

San Mateo 26:42

Jicha bajt xan ta xchaꞌmelal ta skꞌoponel te Diose. Jich a yal xan: —Tat, teme puersa ya xkꞌax jwokole, a me pasuk te tut ya skꞌan awoꞌtane —xchi.

San Juan 18:11

Te Jesuse la yalbe te jPedroe: —Sujtesa ochel ta sna te a puñale. ¿Me yuꞌun wan ma puersauk ya xkꞌax jwokol jich te tutꞌil ya skꞌan te jTate te ya yakꞌ kꞌotuk ta jkuenta? —xyut.

San Marcos 14:36

Jich a yal ta skꞌoponel Dios: —Jtat, te spisil ya xjuꞌ awuꞌune, te yakuk akꞌejbon bael te wokol to. Pero ma me jaꞌuk ya xkꞌot ta pasel te tut skꞌan koꞌtane, jaꞌ akꞌa pasuk te tut skꞌan awoꞌtan atukele —xchi.

San Mateo 26:39

Been xan bael chꞌinuk te Jesuse. La skejan sba y la stsꞌinan sba koel ta lum sok la skꞌopon Dios. Jich a yal: —Tat, te yauk xjuꞌ te makꞌ xkꞌot ta jkuenta te wokol to, pero ma me jaꞌuk ya xkꞌot te tut ya skꞌan koꞌtane. Jaꞌ me a kꞌotuk te tut ya skꞌan awoꞌtan atukele —xchi.

Romanos 8:26

Jaꞌ ya skoltayotik te Espíritu te tutꞌil maꞌyuk puersatike. Porke ma jnaꞌtik tutꞌil ya skꞌan ya jkꞌopontik te Diose. Pero te Espiritue stukel mismo ya skꞌoponbotik Dios ta jtojoltik. Meꞌbaꞌtik nax yoꞌtan ta kꞌop te ma chikanuk tut ya yale.

Santiago 4:3

Ya akꞌanik pero ma xꞌataik, porke ma sluwariluk ya akꞌanik, yuꞌun ya akꞌanik ta slajinel nax te tut skꞌan skꞌupin te atiꞌbalulike.

San Lucas 12:50

Pero puersa me ya xkꞌax bayal jwokol nailuk. Beno yajtal koꞌtan yuꞌun. Koꞌtanuk te kꞌaxemukixe.

San Mateo 26:56

Pero jaꞌ ya xkꞌot ta pasel spisil te tut tsꞌibabil jilel yuꞌun te jꞌalwanejetik yuꞌun te Diose —xchi te Jesuse. Mismo tiempo a, spisil te jnopojeletik la xchꞌojik jilel te Jesuse y lokꞌik bael ta anel.

San Mateo 26:35

Te jPedroe la yal: —Makꞌ jmukat ta koꞌtan. Ya xjuꞌ ya joyinat ta milel —xchi. Y jich a yalik ta spisilik euk te yane.