San Mateo 20:19 - Nuevo Testamento Tzeltal de Amatenango

¹⁹ Ya me xꞌakꞌot ta skꞌab te jyanlumetike y ya me xꞌikꞌtinot. Sok ya me yichꞌ aresial ta nujkul sok ya me xꞌakꞌot ta milel ta krus. Pero ta yoxebal kꞌaal ya me kichꞌ chaꞌkusesel —xchi te Jesuse.

Bible in Tzeltal Bachajón

¹⁹ Ya ya'beyic ta sc'ab jyanlumetic yu'un ya slabanic, ya smajic soc ya smilic ta cruz; pero ta yoxebal c'ahc'al, ya me xcha'cuxaj, xchi.

Bible in Tzeltal de Oxchuc y Tenejapa

¹⁹ Ya me yaq'uic ta sc'ab te jyanlumetique, swenta yu'un ya me yich' labanel yu'unic, soc ya me yich' castigo ta majel ta nujc'ul, soc ya me yaq'uic ta milel ta cruz, ja'uc me to, ta yoxebal c'aal ya me xcha'cux tel —xi' te Jesuse.

San Mateo 20:19 Referans Kwoze

San Mateo 16:21

Jaꞌ yorail a te Jesuse lijk yalbe te jnopojeletik yuꞌune te ya xbajt ta Jerusalene, y te moletik sok te statal-saserdoteetik sok te maestroetik yuꞌun te mantaliletike ya me yaꞌbeyik xkꞌax bayal swokol. Sok la yal te tutꞌil ya xba mileke, pero ta yoxebal kꞌaal ya xchaꞌkusesot tal.

Hechos 2:23

Pero te kꞌalal akꞌot entregal ta akꞌabik te Jesuse, te tutꞌil jich snopoj ta primero te Diose, te jaꞌexe la atsakik y la amilik, yuꞌun la awaꞌbey ta skꞌabik te machꞌatik ma snaꞌbeyik sba te Diose te la sjojkꞌanik ta krus.

Hechos 21:11

Kꞌot te ba ayotike. La yichꞌbe te sinturon jPabloe, la xchuk yokꞌ skꞌab a, y la yal: —Te Chꞌul Espiritue ya yal: “Te yajwal sinturon to jich ya xkꞌo chukek yuꞌun te juriyoetik te ba Jerusalene. Sok ya xꞌakꞌot entregal ta skꞌab jyanlumetik”, xchi me —xchi te jꞌAgaboe.

Hechos 4:27

Jichix a spas te Herodese sok te Poncio Pilatoe. La stsob sbaik liꞌ ba jtejklum to sok te jyanlumetik y sok te israeletike, la skontrainik te achꞌul awaj-aꞌtel Jesus te jaꞌ Cristo te tsabil awuꞌune.

San Lucas 24:46

Y la yaltalanbe: —Jich tsꞌibabil jilel te puersa ya xkꞌax jwokol joꞌon te Cristoone, y ya xchaꞌkuxon tal ta yoxebal kꞌaal.

San Lucas 23:11

Jich te jHerodese sok te soltaroetik yuꞌune la stseꞌlayik y la spꞌajik te Jesuse. Yuꞌun ya stseꞌlayik a te Jesuse, la slapbeyik kꞌuꞌul-pakꞌal te ben tsaꞌam ta ilel, jich tutꞌil te reye. Te nax a te jHerodese la stikon sujtel ta stojol te jPilatoe.

San Marcos 15:1

Sakubix tal kꞌinal a tal stsob sbaik ta xchapel skꞌopik te statal-saserdoteetike sok te moletike sok te maestroetik yuꞌun te mantaliletike sok taspisil te machꞌatik yichꞌojik yaꞌtelike. Jich la xchukik bael te Jesuse. Ba yaꞌbeyik ta skꞌab te Pilatoe.

San Marcos 14:65

Ay lijkik ta stubutayel, sok la smakbeyik sit ta pakꞌ, sok lijkik ta smajel. Jich a yalbeyik: —Ala kaꞌiytik te machꞌa la smajate —xchiik. Sok euk te jkanan-temploe la smajbeyik sit.

San Mateo 12:40

Jich te Jonase anin ta xchꞌujt mukꞌul chay oxeꞌ kꞌaal sok oxeꞌ ajkꞌubal. Jaꞌ jich euk te Nichꞌanile ya me xmujk oxeꞌ kꞌaal sok oxeꞌ ajkꞌubal.

San Mateo 17:23

Ya me xmilot, pero ta yoxebal kꞌaal ya me xchaꞌkux tal —xchi. Te jnopojeletike lom triste sujtik yuꞌun te tuti yaꞌiyike.

San Mateo 27:26

Jich te jPilatoe la skoles bael te Barrabase. Pero la yakꞌ ta majel te Jesuse y la yakꞌ ta entregal te ya xba milek ta kruse.

San Mateo 27:63

Jich a yalbeyik: —Ajwalil, ya to jnaꞌtik te la yal te jloꞌlawaneje: “Ya xchaꞌkuxon tal ta yoxebal kꞌaal” xchi te kꞌalal kuxul to aye.

San Marcos 15:15

Jaꞌ yuꞌun te Pilatoe la skoles bael te Barrabase, yuꞌun ya xpajt yoꞌtan te lekuk yoꞌtanik te genteetik yuꞌune. Sok la yal mantal te ya xlijk ta majel ta nujkul te Jesuse sok te ya xba milek ta krus.

San Lucas 18:32

Yuꞌun ya me xkꞌo akꞌek entregal yuꞌun te jyanlumetike. Ya me yikꞌtinik, sok ya me sbolkꞌoptayik, sok ya me stubutayik.