San Mateo 20:12 - Nuevo Testamento Tzeltal de Amatenango

¹² La yalik: “Te winketik to patilix a laj tal. Jun xanix ora laj aꞌtej. ¿Tuꞌun te pajal atojotik soke? Te joꞌotike juꞌ kuꞌuntik spꞌejel kꞌaal te aꞌtele sok te xkꞌuxul kꞌajkꞌale”, xchiik ta kꞌop.

Bible in Tzeltal Bachajón

¹² Te mach'atic patilix talic, junax ora a'tejic, pero pajal jtojolcotic soc ho'otcotic te cuhch cu'uncotic te a'tel soc te sc'uxul c'ahc'al, xchihic ta c'op.

Bible in Tzeltal de Oxchuc y Tenejapa

¹² La yalic: “Te winiquetic to te talic ta at'el ta slajibal orae, jip nax jun ora te at'ejique. ¿Bistuc te pajal jtojoltic la awac'botic soque? Melel te jo'otique c'ax jwocoltic ta at'el soc la caiybeytic xc'uxul ta lec te c'aale”, xiic ta c'op.

San Mateo 20:12 Referans Kwoze

San Lucas 12:55

Y te kꞌalal ya xtal ikꞌ ta stojil sur, jich ya awalik: “Lom kꞌux kꞌajkꞌal yoꞌtik”, xchaꞌex, y jich ya xkꞌot ta pasel.

Santiago 1:11

Te kꞌalal ya xlokꞌ tal te kꞌajkꞌale te tulan ya xkꞌuxub tale, te wamale ya xtakej te xniche, ya xtꞌuxaj koel, y te stsaꞌamule ya xchꞌay. Jich me euk te jkꞌuleje ya me xchꞌay bael sok spisil te snegosioe.

Efesios 3:6

Te tut mukul aye, jaꞌ to: Jaꞌ ta skuenta te skꞌoplal kolel, te machꞌatik ma juriyouke mismo ya yichꞌik te majtanil te tutꞌ yuꞌun te juriyoetike. Yuꞌun jun nax mismo stiꞌbalulikix, sok yuꞌunik ekꞌa te tut sjapoj Dios ta skuenta te Cristo Jesuse.

1 Corintios 4:11

Asta te ora to ma jilemuk te jwokoltik ta wiꞌnale y sok te takin tiꞌile y te maꞌyuk lek jkꞌuꞌ-jpakꞌtike. Te gentee ya smajotik, sok maꞌyuk ba ay jnajtik.

Romanos 3:30

Yuꞌun jtul nax te Diose, maꞌyuk yan. Te Diose ya yakꞌ ta libre yuꞌun smulik spisilik te machꞌatik ay xchꞌuunel yoꞌtane. Ma jaꞌuk ya yichꞌ jkuenta yuꞌun teme yichꞌoj o ma yichꞌojuk sirkunsisione.

Romanos 3:27

¿Ba me ya sjiles te stoybail winik ta stojol Diose? Ma spasix teꞌae. Yuꞌun ma xkol yuꞌun xchꞌuunel te mantaliletike; jaꞌ nax teme la xchꞌuun te Jesuse.

San Mateo 20:11

Laj ta tojtalanel, lijk yaꞌabiyanik te yajwal pinkae.