San Mateo 2:15 - Nuevo Testamento Tzeltal de Amatenango

¹⁵ Teꞌ ayik a jaꞌ to te cham te Herodese. Jicha kꞌot ta pasel te tut yaloj te Kajwaltike ta skuenta te jꞌalwanej yuꞌune: “Ta Egipto la kikꞌ tal te jnichꞌane”, te xchie.

Bible in Tzeltal Bachajón

¹⁵ Tey ayinic a ha to c'alal cham te Herodes, yu'un hich ya xc'oht ta pasel a te bin la yal te Cajwaltic ta scuenta te jalwanej, te hich la yal: Ta Egipto la jquic' loq'uel te Jnich'an, te xchihe.

Bible in Tzeltal de Oxchuc y Tenejapa

¹⁵ Tey ainic a ja' to c'alal laj te Herodese. Ja' in to, ja' c'ot ta pasel te bila yaloj Cajwaltic ta swenta te j'alwanej yu'une: “Ta Egipto la quic' loq'uel tel te jnich'ane”, te xie.

San Mateo 2:15 Referans Kwoze

San Lucas 24:44

Te nax a la yaltalanbe: —Te tuti kꞌot ta pasel ta jkuentae, jaꞌ te la kalbeyex ta kꞌalal joyinejex to ae. Te puersa jich ya xkꞌot ta pasel spisil te tut tsꞌibabil jilel ta mantaliletik yuꞌun te jMoisese sok ta sjun te jꞌalwanejetik yuꞌun te Diose sok ta salmoetik —xchi.

San Mateo 1:22

Spisil ito kꞌot ta pasel yuꞌun jich me ya xkꞌot te tut yaloj te Kajwaltik ta skuenta te jꞌalwanej yuꞌune:

San Mateo 26:54

¿Pero tutꞌil kꞌan kꞌotuk ta pasel te tut tsꞌibabil ta Sjun Dios te ya yal te puersa jich ya xkꞌot ta jkuenta? —xchi te Jesuse.

San Mateo 21:4

Jich ya xkꞌot ta pasel te tut yaloj jilel te jꞌalwanej yuꞌun te Diose te la stsꞌiba jile:

San Mateo 8:17

Jicha kꞌot ta pasel te tut tsꞌibabil jilel yuꞌun te jꞌalwanej yuꞌun Dios te jꞌIsaias sbiil, te jich a yale: “Stukel a yichꞌbotik bael te jchameltike, sok la xchꞌaybotik spisil te tut kꞌux ya kaꞌitike”, xchi me.

San Mateo 2:23

Teꞌ kꞌo kuxuyinuk a te ba jtejklum Nazaret. Jich a kꞌot ta pasel te tut yalojlan te jꞌalwanej yuꞌun Dios te jaꞌ Jesus Nazaret ya xkꞌot te sbiile.

San Mateo 2:19

Te kꞌalal chamix a te Herodese, ay jtul chꞌul ángel yuꞌun te Kajwaltike la yil ta xwayuch te Josee te kꞌalal ay to ta Egipto ae. Jich a yalbe:

San Mateo 2:17

Jich a kꞌot ta pasel te tut tsꞌibabil jilel yuꞌun te jꞌalwanej yuꞌun Dios te Jeremias sbiile:

San Juan 19:36

Porke spisil te tuti kꞌot ta pasele, yuꞌun me jich tsꞌakal a spas kumplir a te tut tsꞌibabil jilel ta Sjun te Diose te jich ya yale: “Ni jchꞌixuk sbakel ya yichꞌ kꞌajel stukel”, xchi me.

San Juan 19:28

Te Jesuse snaꞌoj te spisil a juꞌix yuꞌun ta pasele. Yuꞌun jich ya xkꞌot ta pasel a te tut tsꞌibabil jile, la yal: —Takin koꞌtan —xchi.

San Mateo 26:56

Pero jaꞌ ya xkꞌot ta pasel spisil te tut tsꞌibabil jilel yuꞌun te jꞌalwanejetik yuꞌun te Diose —xchi te Jesuse. Mismo tiempo a, spisil te jnopojeletik la xchꞌojik jilel te Jesuse y lokꞌik bael ta anel.

Hechos 1:16

—Kermanotak, puersa me ya xkꞌot ta pasel te tut tsꞌibabil jilel ta skuenta te Chꞌul Espíritu te tut la yal te jDavide. Jaꞌ te la yalbe skꞌoplal te Judas te la yikꞌ tal te machꞌatik a xchuk bael te Jesuse.

San Mateo 27:35

Te kꞌalal jokꞌolix ta krus yuꞌunik ae, te soltaroetike lijk stsal sbaik ta tajmal yuꞌun ya yilik machꞌa ya xkꞌot ta suerte te skꞌuꞌ-spakꞌ te Jesuse.

San Mateo 2:14

Jich a jajch te Josee, la yikꞌ bael te alale sok te smeꞌe. Ta ajkꞌubal a beenik bael ta Egipto.