San Mateo 19:27 - Nuevo Testamento Tzeltal de Amatenango

²⁷ La yal te jPedroe: —Kajwal, te joꞌotike jilemix kuꞌuntik spisil te tutik ay kuꞌuntike y tsꞌakliyejtikatix. ¿Tut ya kichꞌtik yuꞌun? —xchi.

Bible in Tzeltal Bachajón

²⁷ La sjac' te Pedro: Te ho'otcotic quihquitayejcotic hilel spisil soc jt'unojatcotic; ¿bin ya jtahcotic a? xchi.

Bible in Tzeltal de Oxchuc y Tenejapa

²⁷ La yal te Pedroe: —Cajwal, te jo'otique jilemix cu'untic spisil te bitic ay cu'untique, melel jts'aclinejticatix. ¿Bila ya quich'tic yu'un? —xi'.

San Mateo 19:27 Referans Kwoze

Filipenses 3:8

Sok jich maꞌyukix stuunel ta koꞌtan spisil. Jaꞌ nax ben tsaꞌam stukel ta ya jnaꞌbey sba te Kajwal Cristo Jesuse. Ta skuenta te Cristoe la jchꞌayix jilel spisil. Y ta spisil jich ya jkuyix ta kꞌaꞌpal, yuꞌun jich me ay stuunel kuꞌun te Cristoe,

San Lucas 5:11

Jicha lokꞌik tal ta juera sok te sbarkoike, la sjilesik spisil, y bajtik sok te Jesuse.

San Lucas 18:28

Te jPedroe la yal: —Kajwal, te joꞌotike jilemix kuꞌuntik te tutik ay kuꞌuntike y tsꞌakliyejtikatix —xchi.

San Lucas 15:29

Te bankilale la yalbe te state: “Anaꞌoj te ayix bayal jaꞌbil te ya jpasbat awaꞌtele, ni maꞌyuk ba ma jchꞌuun amantal. Pero ni maꞌyuk awakꞌojbon jkojtuk chibo yuꞌun ya jpas kꞌin sok a te joꞌtake.

San Marcos 10:28

Lijk yalbe te Pedroe: —Kajwal, te joꞌotike la jilestik te tutik ay kuꞌuntike, sok la jtsꞌaklitikat —xchi.

San Marcos 2:14

Te kꞌalal yipal ta beel te Jesuse, la yil te Levie, xnichꞌan te Alfeoe, te nakal ba ay xkꞌambot stojemal tutik yuꞌun Roma. Jesus la yalbe: —Laꞌ tsꞌakliyaon —la yut. Jajch te Levie, la stsꞌakli bael.

San Lucas 14:33

Jaꞌ yuꞌun machꞌauk a te jaꞌexe teme ma xꞌajiles ta awoꞌtanik spisil te tut ay awuꞌunike, ma spas te jnopojel kuꞌun ya xkꞌote.

San Mateo 9:9

Te Jesuse lokꞌ bael te ba jtejklume. Teꞌ kꞌo yil jtul winik a te jMateo sbiile. Teꞌ nakal te ba ya xtojot stojemal te tutike. Te Jesuse la skꞌopon: —Laꞌ, tsꞌakliyaon —xyut. Jajch bael te jMateoe. La sjoyin bael.

1 Corintios 4:7

¿Machꞌa ya yakꞌ te jich ya apasike? ¿Me ay tut ay awuꞌunik te ma jaꞌuk yakꞌojbeyex te Diose? Y teme jaꞌ yakꞌojbeyex te Diose, ¿tuꞌun te ya atoy abaik yuꞌune? Ma jaꞌuk la aleik.

1 Corintios 1:29

Yuꞌun jich me ni jtul maꞌyuk machꞌa ya xjuꞌ mukꞌ ya yakꞌ sba ta skuenta te Diose.

San Mateo 19:26

Te Jesuse la skꞌelulanbe sit y la sjakꞌbe: —Te genteetike ma xjuꞌ yuꞌunik spasel to. Yan te Diose spisil ya xjuꞌ yuꞌun spasel stukel —xchi.

San Mateo 19:28

Te Jesuse la yaltalanbe: —Jamal ya kalbeyex, te tut ora ya yichꞌ pasel ta achꞌ spisil te tutik aye, te kꞌalal ya snajkan sba te ba ay jlekil jnaktajib te Nichꞌanile, jich euk te jaꞌexe te atsꞌakliyejikone ya me yaꞌbelex anaktajibinik te lajchayeb naktajibaletik, yuꞌun ya ameltsaanik te lajchaytijk israeletike.