San Mateo 19:25 - Nuevo Testamento Tzeltal de Amatenango

²⁵ Te kꞌalal ya yaꞌibeyik sluwar te jnopojeletik yuꞌune, cham a yaꞌiyik yuꞌun, y lijk yalbe sbaik: —¿Machꞌa wan xkol tem jichte? —xchiik yuꞌun.

Bible in Tzeltal Bachajón

²⁵ C'alal hich la ya'iyic te jnopojeletic, xcham yo'tanic yu'un, hich la yalic: ¿Mach'a ya xhu' ya xcol hiche? xchihic yu'un.

Bible in Tzeltal de Oxchuc y Tenejapa

²⁵ Te c'alal la yaiyic stojol te jnopojeletic yu'une, jchajp nax q'uinal la yaiyic yu'un. Jich la yalbey sbaic: —¿Mach'a me c'an coluc jiche? —xiic yu'un.

San Mateo 19:25 Referans Kwoze

Romanos 10:13

Jich ya yal te Sjun Diose: “Spisil te machꞌatik ya xlok ta stiꞌ te sbiil Kajwaltike, ya me staik skolelik”, xchi me.

San Mateo 24:22

Te jichuk makꞌ xatꞌbe skꞌaalel te Diose, maꞌyuk machꞌa ya xkol te jichuke. Pero chapalix yuꞌun te ya yichꞌ komel ta skaj te machꞌatik tꞌujbil yuꞌune.

San Marcos 13:20

Te manchuk skomobey skꞌaalel te Kajwaltike, ni tuluk machꞌa ya xkuxuyin a. Pero chapalix yuꞌun te ya skombey skꞌaalel ta skuenta yuꞌun te machꞌatik tꞌujtalanbil yuꞌune.

San Mateo 19:24

Sok ya kalbeyex xan: Jich tutꞌil ma xjuꞌ ta kꞌasesel ta yit tsꞌisonajib jkojtuk te kameyoe, jaꞌ jich euk te jkꞌulejetike ma xjuꞌ yuꞌunik te ya yajwalinik te Diose —xchi.

San Mateo 19:26

Te Jesuse la skꞌelulanbe sit y la sjakꞌbe: —Te genteetike ma xjuꞌ yuꞌunik spasel to. Yan te Diose spisil ya xjuꞌ yuꞌun spasel stukel —xchi.