San Mateo 19:22 - Nuevo Testamento Tzeltal de Amatenango

²² Te kꞌalal la yaꞌi te soltero kereme, ben triste bajt yuꞌun, yuꞌun ben jkꞌulej.

Bible in Tzeltal Bachajón

²² Te querem, c'alal la ya'iy te c'op ini, ay ta mel-o'tan a loc' bahel, como bayel sc'uhlejal.

Bible in Tzeltal de Oxchuc y Tenejapa

²² Te c'alal la yaiy stojol te jch'iel winique, bayal la smel bael yo'tan yu'un, melel bayal te sc'ulejale.

San Mateo 19:22 Referans Kwoze

San Mateo 6:24

“Ni jtul maꞌyuk machꞌa ya xjuꞌ yuꞌun ya yakꞌ sba ta abatinel yuꞌun te cheb ajwaliletike. Tem jiche, jaꞌ ya spꞌaj te jtule, yan te jtul xane kꞌux ta yoꞌtan stukel. Te jtule jun yoꞌtan ta stojol, pero ya spꞌaj te yane. Jich te jaꞌexe ma xjuꞌ awuꞌunik te ya awakꞌ abaik ta abatinel yuꞌun Dios teme jaꞌ snitojex te akꞌulejalike.

San Mateo 13:22

Te tsꞌunubil te kꞌot ta yolil chꞌixetik pajal kꞌoem sok te machꞌatik ya yaꞌiyik te skꞌop Diose, pero te tutik skuenta balmilal jaꞌ ya smak sbaik a. Te slekil te kꞌulejalile jaꞌ ya xloꞌlaylanot yuꞌun. Spisil to ya xkꞌot ta skuentaik ya smuk te skꞌop Diose, jich ma xyakꞌ sitinuk.

Colosenses 3:5

Lajinbeyaik skꞌoplal spisil te tutik skuenta te balmilal te ay ta atojolike. Ma me xꞌapasik antsiwejel ni ma me xꞌapasik te tut ma lekuke. Ni ma me xꞌapasik te tut ma tsaꞌamuk ya skꞌan atiꞌbalulike, ni jaꞌuk te ay tut ya skꞌupin awoꞌtanike, sok ma me yuꞌuninbeyex awoꞌtanik te kꞌulejalile, te jaꞌ pajal sok te xchꞌuunel lotil diose.

Efesios 5:5

Yuꞌun anaꞌojikix te machꞌa ya spas te antsiwejele o ya spas te tutik skuenta balmilale, o te tut ya skꞌupin-oꞌtanile, te jaꞌ pajal sok te xchꞌuunel te lotil diosetike, ma xjuꞌ ya xkꞌot te ba ay ta ajwalil te Cristoe y sok te Diose.

San Marcos 10:22

Te winike kꞌal ta yoꞌtan te kꞌalal la yaꞌiy, y toj triste a bajt porke beno skꞌulejal.

San Mateo 16:26

¿Tut ya xlokꞌ awuꞌun teme ya awuꞌunin spisil te balmilale teme ya xchꞌay te akuxlejale? ¿Jayeb ya xjuꞌ ya atoj a yuꞌun te akuxlejale?

San Lucas 18:23

Pero te kꞌalal la yaꞌibe sluwar te winike, lijk yakꞌ yajtal yoꞌtan yuꞌun, skaj te ben jkꞌuleje.

San Mateo 14:9

Te Herodese lom triste kꞌajtaj yuꞌun. Pero komo yalojix ta jamal ta stojol Dios ta sit te smajanabe, la yal mantal te ya xꞌaꞌbot te tut ya skꞌane.

San Marcos 6:26

Te reye bayal a och te pensar. Pe komo yalojix ta stojol Dios a, sok la yaꞌiyik ekꞌ te sjoꞌtak ta weꞌele, jich maꞌ kom yuꞌun te tut kꞌanbote.

San Mateo 19:21

La sjakꞌ te Jesuse: —Teme ya akꞌan te lek ya xkꞌoate, baan, chona spisil te tutik ay awuꞌune. Kꞌebenbeya te meꞌbaꞌetike. Jich me ay akꞌulejal ta chꞌulchan ya xkꞌoat. Y laꞌ me, tsꞌakliyaon tsꞌiin —xchi te Jesuse.

San Mateo 19:23

Te Jesuse lijk yalbe te jnopojeletik yuꞌune: —Jamal ya kalbeyex: Te jkꞌulejetike lom wokol ya yajwalinik te Diose.

San Juan 16:20

Jamal ya kalbeyex: Te jaꞌexe ya me xꞌokꞌex sok bayal me yajtal-awoꞌtanik. Yan te genteetik te ayik ta skuenta balmilale ben sniꞌ xyaꞌiyik yuꞌun. Pero te yajtal-awoꞌtanike ya me sujt ta bujtsꞌan kꞌinal.