San Mateo 19:10 - Nuevo Testamento Tzeltal de Amatenango

¹⁰ Te jnopojeletik yuꞌune la yalik: —Teme yuꞌun jich ay skꞌoplal te winik sok te yiname, jaꞌ lek te makꞌ xnujpunotik abi —xchiik.

Bible in Tzeltal Bachajón

¹⁰ Hich halbot yu'un te jnopojeletic yu'une: Teme hich ay sc'oblal te yihnam soc te winique, ha lec te ma ba ya xnuhpunic, xchihic.

Bible in Tzeltal de Oxchuc y Tenejapa

¹⁰ Te jnopojeletic yu'un jich la yalic: —Teme yu'un jich ay sc'oplal te winic soc te yiname, ja' lec ma xnujbinotic abi —xiic.

San Mateo 19:10 Referans Kwoze

1 Timoteo 4:3

Jaꞌik ya xkomawanik ta nujpunel sok ay weꞌelil te ya xkomawanik ta tuuntesel te pasbil yuꞌun Dios sok te ya yalbeyik kola yal Dios yuꞌun te machꞌatik ya sweꞌik, jaꞌ bi jaꞌ te machꞌatik xchꞌuunejik Dios sok te ya snaꞌik te tut batsꞌi jiche.

1 Corintios 7:8

Te solteroetike y sok te biudaetike ya kaltalanbe te jaꞌ lek te jichuk makꞌ xnujpun jich tutꞌilone.

San Mateo 19:9

Joꞌon ya kalbeyex te machꞌa ya xchꞌoj sba sok te yiname, teme ma ta skajuk skreme, teme ya yikꞌ yan antse, yipalix ta antsiwejel abi. Sok te machꞌa ya yikꞌ te ants te chꞌojbile yipal ta antsiwejel abi —xchi te Jesuse.

San Mateo 19:11

La sjakꞌ te Jesuse: —Ma spisiluk ya xkꞌot ta yoꞌtanik, jaꞌ to teme Dios ya xꞌalbot ta yoꞌtanik yuꞌune.