San Mateo 18:35 - Nuevo Testamento Tzeltal de Amatenango

³⁵ “Jaꞌ jich euk te jTat te ay ta chꞌulchane, jich me ya spasbeyex teme makꞌ ya apasbe abaik perdon jujutul ta awoꞌtanik sok te awermanoe —xchi te Jesuse.

Bible in Tzeltal Bachajón

³⁵ Ha nix hich ya spasbeyex te Jtat ay ta ch'ulchan teme ma spisiluc awo'tan yac apasbe abahic perdón ta tuhlutuhl soc awermanotac, xchi te Jesús.

Bible in Tzeltal de Oxchuc y Tenejapa

³⁵ “Ja' nanix jich uuc te Jtat te ay ta ch'ulchane. Jich me ya spasbeyex teme ma ba ya apasbey abaic perdón juju-jtul soc te awermanoe —xi' te Jesuse.

San Mateo 18:35 Referans Kwoze

Santiago 2:13

Yuꞌun te machꞌatik te maꞌyuk slekil yoꞌtan yuꞌun te yanetike, jich me maꞌyuk slekil-oꞌtanil yuꞌun Dios ya xꞌichꞌot jkuenta euk. Yan te machꞌatik ay slekil yoꞌtane, lek me ya xlaj lokꞌ kꞌoel te tut ora ya xꞌichꞌot jkuentae.

San Marcos 11:25

Te tut ora ya akꞌoponik te Diose, pasbeyaik perdon nailuk te machꞌa ay sla awoꞌtanik soke. Yuꞌun jich me ya spasbeyex perdon yuꞌun amulik euk te jTatik te ay ta chꞌulchane.

San Mateo 6:12

Aꞌbotik me perdon yuꞌun te jmultike, jachik tutꞌil te ya jpastik perdon yuꞌun te machꞌa ya sta smul kuꞌuntike.

San Lucas 16:15

Te Jesuse la yaltalanbe: —Te jaꞌexe jaꞌ nax ya aleik te tut lek ya skuyex a te genteetik. Pero te Diose ya snaꞌ tut ay te awoꞌtanike. Te tut lek ya yaꞌiyik ta yoꞌtan te genteetike, ta sit te Diose pꞌajbilix yuꞌun.

Apocalipsis 2:23

Y ya me kakꞌ lajuk te yuntikile. Jich me ya snaꞌik spisil te juju-tijkꞌ hermanoetik te joꞌon jnaꞌoj asta ta yutil pensar y ta oꞌtanil. Y ta juju-tul te jaꞌexe ya kaꞌbeyex chikan te tutiꞌ apasojike.

Santiago 3:14

Pero te jaꞌexe nojel ta awoꞌtanik te il-oꞌtantawanej, y te tutik ya apasike jaꞌ nax ya akontrain abaik a. Jich ma xjuꞌ te ya atoy abaike, porke jaꞌ ya asut ta lot te tut batsꞌi jiche.

Santiago 4:8

Tijilajanik ta stojol Dios, y ya me xtijilaj tal ta atojolik. Sakutesa te akꞌabike, jmulawiletik. Lekutesa te awoꞌtanike, jaꞌex te lom xchebet awoꞌtanike.

San Mateo 18:34

Te ajwalile ilin yuꞌun. La yakꞌ mantal te ya yichꞌ kastigo jaꞌ to teme la stoj spisil te sbete.

San Marcos 11:26

Yan teme ma xꞌapasik perdon te jaꞌexe, jich ekꞌa te aTatik te ay ta chꞌulchane makꞌ me spasbeyex perdon ekꞌa yuꞌun te amulike —xchi te Jesuse.