San Mateo 18:24 - Nuevo Testamento Tzeltal de Amatenango

²⁴ Kꞌalal lijk yichꞌbe jkuenta sbet ta jujutule, ikꞌot ochel jtul winik te bayal ta miyon te sbete.

Bible in Tzeltal Bachajón

²⁴ C'alal hahch yich' cuenta te betiletic, ay jtuhl mach'a ay jpic soc ho'bahc' (10,000) talento te sbete.

Bible in Tzeltal de Oxchuc y Tenejapa

²⁴ C'alal jajch' yich'bey ta wenta sbet te juju-jtule, ic'ot ochel tel ta stojol jtul winic te ay lajunmil talento te sbete.

San Mateo 18:24 Referans Kwoze

San Lucas 16:5

Jich a yikꞌ tal ta jujutul te machꞌa ay sbetik yuꞌun te yajwale. Te primeroe la sjojkꞌobey: “¿Jayeb abet yuꞌun te kajwale?” xchi.

San Lucas 13:4

¿Akuyojik wan te mas ay smulik te machꞌatik ayik ta Jerusalen te ay diesiocho ta jtul chamik ta tentalanel te kꞌalal jimta koel te torre yuꞌun te Siloee?

San Lucas 16:7

Ta patil la sjojkꞌobe xan te yane: “¿Jal jaꞌate, jayeb te abete?” xchi. Te winik to la sjakꞌ: “Ay sien ta jpꞌix triwu te jbete”, xchi. Te jkanane la yalbe: “Ilbe awil sjunal te abete. Pasbeya yan sjunal. Ochenta nax xꞌawakꞌ tal ta jun”, xyut.

San Mateo 18:23

“Jaꞌ yuꞌun te ba ay ta mantal te Diose, jachik kꞌoem te tutꞌil ay jtul ajwalil te la skꞌan yichꞌbe jkuenta sbet te aꞌteletik yuꞌune.

San Mateo 18:25

Te tutꞌil maꞌyuk tut ya stoj a te sbete, la yakꞌ mantal te ajwalile te ya xchonot bael ta mosoile sok yinam sok xnichꞌnab, y spisil te tutik ay yuꞌune, jich me ya xtoj a te sbete.

San Mateo 25:15

Te jtule la yaꞌbey jilel joꞌeb talento-takꞌin, te yane la yaꞌbe cheb talento-takꞌin, sok te yane la yaꞌbe jun talento-takꞌin. Jaꞌ chikan te tut yilel ya xjuꞌ yuꞌun skanantayel te jujutule. Bajt tsꞌiin.

San Mateo 25:16

“Jich te jꞌaꞌtel te la yichꞌ joꞌeb talento-takꞌine la spas xchonbajel a, y jolin xan joꞌeb talento yuꞌun stukel.

San Mateo 25:20

Jaꞌ nail a kꞌot te machꞌa stsakoj joꞌeb talento-takꞌine, y la yaꞌbe te yajwale joꞌeb talento-takꞌin te jolin yuꞌune. Jich a yal: “Kajwal, jaꞌat la awaꞌbon joꞌeb talento-takꞌin. Liꞌ me ay te joꞌeb xan talento te jolin kuꞌune”, xchi.

San Mateo 25:22

“Ta patil kꞌot euk te machꞌa stsakoj cheb talento takꞌine. Jich a yal: “Kajwal, jaꞌat la awaꞌbon te cheb talento takꞌine. Liꞌ me ay te cheb xan talento-takꞌin te jolin kuꞌune”, xchi.

San Mateo 25:24

“Kꞌalal kꞌot euk te jꞌatel te aꞌbot jun talento-takꞌine, jich a yal: “Kajwal, jnaꞌoj te tulan winikate. Yuꞌun jaꞌat ya akꞌaj te ba ma jaꞌukat atsꞌunoje. Sok ya atsob te ba ma jaꞌukat la awawe.