San Mateo 18:20 - Nuevo Testamento Tzeltal de Amatenango

²⁰ Jich te ba ya atsob abaik ta cheb-oxeb teme joꞌon ta jkuentae, ayon me ta awolilik —xchi te Jesuse.

Bible in Tzeltal Bachajón

²⁰ como te banti ay stsoboj sbahic cha'oxtuhl ta scuenta jbihil, tey ayon ta yohlilic a, xchi te Jesús.

Bible in Tzeltal de Oxchuc y Tenejapa

²⁰ Melel te banti stsoboj sbaic cha'oxtul ta swenta te jbiile, tey ayon a ta bay yolilic —xi' te Jesuse.

San Mateo 18:20 Referans Kwoze

1 Corintios 5:4

Kꞌalal ya atsob abaik te jaꞌexe, teꞌ ayon sok koꞌtan a te ba ayexe. Y jich te spoder te Kajwaltik Jesuse teꞌ ay ekꞌa te ba ayexe.

Apocalipsis 21:3

Y la kaꞌiy jun tulan kꞌop te teꞌ tal ba ay te mukꞌul naktajibale, te jich a yale: “Dios nainemix ta yolil te genteetike. Ayix sna ta yolilik. Y te stukelike jtejklum yuꞌun Dios ya xkꞌotik, sok mismo te Diose te ay ta yolilike, jaꞌ Dios ya xkꞌot yuꞌunik.

San Mateo 28:20

Sok aꞌbeyaik snopik xchꞌuunel spisil te jmantal te kalojbeyexe. Ma me xchꞌay ta awoꞌtanik te sil tiempo joyinejex ta jujun kꞌaale jaꞌto teme laj te balmilale —xchi te Jesuse. Jichuk.

San Juan 20:26

Waxkeꞌ kꞌaal ta patil te jnopojeletike la stsob sbaik xan ta jpꞌej na, y teꞌeyix ekꞌa te jTomase. Lek tsꞌusajtik yuꞌunik te tiꞌ puertaetike, pero te Jesuse och bael xtekꞌlo kꞌoel ta yolilik. La spatalanbe yoꞌtan y la yaltalanbe: —Junuk me awoꞌtanik —xchi.

San Juan 20:19

Xꞌijkꞌubix kꞌinal a, mismo primero kꞌaal yuꞌun a te semanae, te jnopojeletike stsꞌusoj sbaik ta na yuꞌun ya xiꞌik te statal juriyoetike. Te Jesuse och kꞌoel y xtekꞌlo kꞌoel ta yolil te jnopojeletike. La spatalanbe yoꞌtanik y jich a yal: —Junuk me awoꞌtanik —xchi.

Apocalipsis 2:1

Sok la yalbon: —Tsꞌibabeya ta sjun te ángel te ba ay jtijkꞌ hermanoetik te aylan ta Efesoe: “Jaꞌ to jaꞌ a yal te Machꞌa ay jukeb ekꞌetik ta sbatsꞌil kꞌabe, y sok te yipal ta beel ta yolil te jukchꞌix yawil kꞌajkꞌ te puro oroe.

Filemón 1:2

Sok albeya xkoltanuk te hermanoetik te ya stsob sbaik ta anae, jich tutꞌil te kermanatik xꞌApia y sok te kermanotik Arquipo te joy jbajtik sok ta stsalel te pukuje.

1 Tesalonicenses 1:1

Joꞌon jPabloon, joy jba sok te Silvano y sok jTimoteo la jtsꞌibayex te karta to, jaꞌex te hermanoetik te ayex ta mukꞌul jtejklum Tesalónicae, te jun nax ayex ta skuenta te Jtatik Diose y sok te Kajwaltik Jesucristoe. Te Jtatik Dios aꞌ yaꞌbeyex te slekil yoꞌtane y sok te bujtsꞌan kꞌinal ta akuentaike.

San Juan 8:58

Te Jesuse la sjakꞌtalanbe: —Jamal ya kalbeyex, te kꞌalal ma to ayuk a te jꞌAbrahame, jtalel ayonix a te joꞌone —xchi.

San Mateo 18:21

Te jPedroe tal sjojkꞌobe te Jesuse: —¿Kajwal, jayeb buelta ya skꞌan ya jpasbe perdon teme ay tut ma tsaꞌamuk ya spasbon te kermanoe? ¿Me tey a te jukeb bueltae? —xchi.