San Mateo 18:17 - Nuevo Testamento Tzeltal de Amatenango

¹⁷ Teme ma skꞌan a yaꞌibe sluwar skꞌopik euk te jtul-chebe, albeya yaꞌiy spisil te hermanoetike. Teme ma skꞌan a yaꞌibe sluwar skꞌopik euk te hermanoetike, jich me aꞌ kꞌotuk awuꞌunik te tutꞌil machꞌa ma xchꞌuunejuk te Diose, sok jich tutꞌil te jkꞌan-tojemale.

Bible in Tzeltal Bachajón

¹⁷ Teme ma ba ya ya'iybe te sc'opique, halbeya te iglesia; teme ma ba ya ya'iybe sc'op te iglesia, hich me ya xc'ohtix awu'un a te bin ut'il jyanlum o jc'an-patan.

Bible in Tzeltal de Oxchuc y Tenejapa

¹⁷ Teme ma la sc'an yaiybey stojol sc'opic uuc, albeya yaiyic stsojbol te jch'uunjeletique. Teme ma la sc'an yaiybey stojol sc'opic uuc te jch'uunjeletique, jich me ac'a c'otuc awu'unic te bit'il mach'a ma ba xch'uunej te Diose soc jich te bit'il jc'an-patane.

San Mateo 18:17 Referans Kwoze

2 Tesalonicenses 3:6

Kermanotak, ya kalbeytikex ta skuenta te Kajwaltik Jesucristoe: Ma me ajoyinik te machꞌauk hermanoil te ma skꞌan xꞌaꞌteje y te ma jichuk ya spas te tutꞌil la jnojpestikexe.

1 Corintios 5:9

Te jun xan jkartae, la kalbeyex te ma spas ya awakꞌ abaik sok te machꞌa ya spas mulile.

1 Timoteo 6:5

Ya sjajchesik te pleto te maꞌyuk slajibal sok te gente te ma tsaꞌamuk spensarik y ma snaꞌojuk te tut batsꞌi jiche. Ya skuyik ta snegosioik te tut xchꞌuunejike. Ma me ajoyin aba sok te machꞌatik jich ayike.

San Lucas 15:1

Spisil a stsob sbaik tal te jkꞌan tojemaletike sok te yan gente jmulawiletike, tijilajik tal te ba ay te Jesuse, yuꞌun tal yaꞌiybeyik sluwar te skꞌope.

San Mateo 11:19

Teꞌ nax a tal te Nichꞌanile te ya xweꞌ-xꞌuchꞌae. Jich ya awalik te toj ip xweꞌ-xꞌuchꞌa, sok te ya sjoyin jmulawiletik sok jkꞌan-tojemaletik. Yan te spꞌijil yoꞌtan te Diose jaꞌ ya xchiknaj ta skuenta te tut ya yakꞌ kꞌotuk ta pasele —xchi te Jesuse.

San Lucas 18:11

Te fariseoe tekꞌel a skꞌopon te Diose. Jich a yal ta skꞌoponel te Diose: “Dios kuꞌun, ya kalbeyat kola awal te ma pajalukon sok te yan genteetike, te kꞌayemik ta elekꞌe, sok te ma tsaꞌamuk yoꞌtanike, sok te kꞌayemik ta antsiwejele. Sok ma jichukon te tutꞌil te jkꞌan-tojemal to.

San Mateo 5:46

Jich te jaꞌexe, teme jip nax kꞌux ya awaꞌiyik te machꞌa kꞌux ya yilexe, ¿tut ya ataik tsꞌin a? Asta te jkꞌan-tojemaletik yuꞌun Roma jich ya spasbe sbaik euk.

San Mateo 6:7

“Te kꞌalal ya akꞌoponik te Diose ma me jkajuk nax xꞌawalulanbeyik, jich tutꞌil ya spasulanik te machꞌa ma snaꞌbeyik sba te Diose. Yuꞌun ya skuyik te jich ya stsakbot skꞌopik te bayal buelta ya yalulanike.

San Mateo 10:3

sok Felipe, sok jBartolome, sok jTomas, sok jMateo te jkꞌan-tojemale, sok Jacobo te xnichꞌan Alfeoe, sok jLebeo te jTadeo a kꞌot sbiile,

1 Corintios 6:1

Teme ay akontrainej abaik sok teme ay jtulukex ya akꞌanik parte, ¿tuꞌun te ya xba akꞌanik meltsaanel ta stojol alkal te ma xchꞌuunejuk Diose? ¿Tuꞌun te ma teyuk xba akꞌanik meltsaanel te ba ay te pajal achꞌuunej sok Diose?