San Mateo 18:15 - Nuevo Testamento Tzeltal de Amatenango

¹⁵ “Sok teme ay tut ma tsaꞌamuk a spasbeyat te awermanoe, baan kꞌopona aba sok ta stukel nax. Aꞌbeya snaꞌ te tut ma tsaꞌamuk spasoje. Teme la yaꞌibe sluwar te akꞌope, lek ayatix sok a te awermano abi.

Bible in Tzeltal Bachajón

¹⁵ Ha yu'un teme ay la sta smul ta atojol te awermano, bahan, a'beya sna' te smul ta stuquel. Teme lec la ya'iybat te ac'ope, lec ayat soc a te awermanohe.

Bible in Tzeltal de Oxchuc y Tenejapa

¹⁵ “Soc teme ay bila amen la spasbat te awermanoe, baan, chapa soc. Ac'beya sna' te bila amen spasoje. Teme la yaiybat stojol te ac'ope, jich lec ayatix soc awermano abi.

San Mateo 18:15 Referans Kwoze

Colosenses 3:13

Yauk me xkujch awuꞌunik ta juju-tul, y aꞌbeya abaik perdon teme ay tut ma lekuk la apasbe abaik. Jich tutꞌil te Kajwaltike la yaꞌbeyex perdon, aꞌbeya abaik perdon euk te jaꞌexe.

Gálatas 6:1

Kermanotak, teme ya awilik te ay machꞌa yalem ta mulile, te jaꞌex te ayex ta skuenta Espiritue, ya skꞌan ya akoltayik ta sujtesel xan yoꞌtan a. Pero pasaik ta slekil awoꞌtanik. Sok naꞌa me tutꞌil ayex euk, ila me abaik, ma me jichuk ya xkꞌoex te ya ataik sujel ta mulil ekꞌae.

2 Tesalonicenses 3:15

Pero ma me akontrainik, sino ke tsitsaik me jich tutꞌil awermano.

San Mateo 18:35

“Jaꞌ jich euk te jTat te ay ta chꞌulchane, jich me ya spasbeyex teme makꞌ ya apasbe abaik perdon jujutul ta awoꞌtanik sok te awermanoe —xchi te Jesuse.

Romanos 12:21

Ma me awakꞌ stsalex te tut ma tsaꞌamuke. Jaꞌ lek tsalaik me te tut ma tsaꞌamuke ta skuenta te tut leke.

1 Pedro 3:1

Jich te jaꞌexe antstik, chꞌuunbeyaik me smantal te amamlalike, yuꞌun teme ay amamlalik te ma xchꞌuunik te skꞌop Diose, tikꞌ ya me xchꞌuunik a teme ya yilik te spisil te tut ya apasike. Ma puersauk ya yichꞌ albeyel te skꞌop Diose,

1 Corintios 8:12

Te tutꞌil ya awakꞌ ejchꞌenajuk yoꞌtanik te hermanoetik te maꞌ to ayuk spuersa yoꞌtanik ta xchꞌuunel te Diose, jich mismo la ata amulik ta stojol te Cristoe.

2 Corintios 7:12

Jich yuꞌun te kꞌalal la jtsꞌibabeyex te kartae, ma jaꞌuk nax a jnaꞌ te machꞌa staoj smule, sok ni ma jaꞌuk te machꞌa kꞌax swokol yuꞌune. Yuꞌun jaꞌ mas lek yauk xchiknaj ta stojol Dios te ay yajtal awoꞌtanik yuꞌun te joꞌotike.

1 Tesalonicenses 4:6

Ma me ayuk machꞌa ay tut ya spasbe te ya sloꞌlay a te yermanoe. Porke te Kajwaltike tulan me ya yaꞌbe kastigo yuꞌun spisil to, jich tutꞌil la kalbeyexix.

San Mateo 18:14

Jich euk te aTatik te ay ta chꞌulchane ma skꞌan teme ya xchꞌay jtuluk te machꞌa chꞌin ayike.

San Mateo 18:21

Te jPedroe tal sjojkꞌobe te Jesuse: —¿Kajwal, jayeb buelta ya skꞌan ya jpasbe perdon teme ay tut ma tsaꞌamuk ya spasbon te kermanoe? ¿Me tey a te jukeb bueltae? —xchi.

Tito 3:10

Teme ay machꞌa ya yakꞌ dibision te ba ay hermanoetike, koma jmel o chaꞌmeluk. Pero teme ma xyakꞌat ta jkuentae, chꞌoja lokꞌel.