San Mateo 18:10 - Nuevo Testamento Tzeltal de Amatenango

¹⁰ “Ila me abaik, ma me ayuk jtuluk te maꞌyuk ta jkuenta awuꞌunik te machꞌatik chꞌin ayike. Ya kalbeyex te sil tiempo tekꞌatik te chꞌul angeletik yuꞌunik ta stojol te jTat te ay ta chꞌulchane.

Bible in Tzeltal Bachajón

¹⁰ Tsahtaya me abahic te ma ba yac ap'ajic jtuhluc ha'i alaletic ini; como ya calbeyex, te ch'ul a'batetic yu'unic ta ch'ulchan spisil ora yac yilbelic sit te Jtat ay ta ch'ulchan;

Bible in Tzeltal de Oxchuc y Tenejapa

¹⁰ “Tsajtaya me abaic. Ma me ayuc jtuluc te ma'yuc sc'oplal ta awo'tanic te mach'atic peq'uel ayique. Ya calbeyex te spisil ora ayic ta canantayel yu'un ch'ul abatetic yu'un te Jtat te ay ta ch'ulchane. [

San Mateo 18:10 Referans Kwoze

Hebreos 1:14

Porke spisilik te angeletike abatetik ta spasel yaꞌtel te Diose. Tikonbil ta skoltayel te machꞌatik ya xꞌaꞌbot smajtanin te kolele.

San Lucas 16:22

“Ta patil te winik te lom oꞌol sbae cham. Y te chꞌul angeletike la yikꞌ bael, ba yaꞌbe sjoyin te jAbrahame. Y te jkꞌulele cham euk y ba mukek te stiꞌbalule.

San Mateo 24:31

Te kꞌalal ya xꞌokꞌ tulan te kornetae, ya me stikon bael te chꞌul angeletik yuꞌune, ya me xba stsobik ta xchanmejchel balmilal te machꞌatik tꞌujbil yuꞌune.

San Lucas 1:19

Te chꞌul ángele la sjakꞌ: —Joꞌon Gabrielon te ayon ta abatinel yuꞌun te Diose. Stukel a stikonon tal ta atojol yuꞌun tal kalbeyat te tut lek ya xꞌkot ta pasel ta atojole.

San Mateo 18:14

Jich euk te aTatik te ay ta chꞌulchane ma skꞌan teme ya xchꞌay jtuluk te machꞌa chꞌin ayike.

San Mateo 18:6

“Machꞌauk a te ya yakꞌ yaluk ta mulil jtuluk te machꞌatik chꞌin ayik te xchꞌuunejikone, jaꞌ lek te yauk yichꞌ chukel mukꞌul chaꞌton ta snukꞌ te ya xchꞌojot ochel ta stoylejal te mare.

San Mateo 2:19

Te kꞌalal chamix a te Herodese, ay jtul chꞌul ángel yuꞌun te Kajwaltike la yil ta xwayuch te Josee te kꞌalal ay to ta Egipto ae. Jich a yalbe:

San Mateo 2:13

Te kꞌalal sujtikix bael a te pꞌijil winketike, te Josee la yil ta xwayuch jtul chꞌul ángel yuꞌun te Kajwaltike. Jich a albot yuꞌun: —Jajchan, ikꞌa bael te alale sok te smeꞌe. Anan bael ta Egipto. Teꞌ me xꞌanat a jaꞌto teme la kalbeyat xane, yuꞌun te Herodese ya xba sle yuꞌun ya smil te alale —xchi.

San Mateo 1:20

Te kꞌalal jich snopoj spasix ae, ta xwayuch la yil jtul chꞌul ángel yuꞌun te Kajwaltike. Jich a albot yuꞌun: —Jose, te stsꞌumbalat te jDavide, ma me xiꞌan te ya awikꞌ awinamin te xMariae. Yuꞌun te xchꞌin yal te yikꞌoje jaꞌ ta skuenta te Chꞌul Espiritue.

1 Tesalonicenses 4:8

Jich yuꞌun, te machꞌa ya spꞌaj te nojpesel to, ma jaꞌuk ya spꞌaj jtul winik, sino ke jaꞌ ya spꞌaj te Diose, te jaꞌ la yaꞌbeyex te Chꞌul Espíritu yuꞌune.

1 Corintios 11:22

¿Meꞌn maꞌyuk anaꞌik te jaꞌexe te ba ya xweꞌex-xꞌuchꞌaexe? ¿Tuꞌun te ya apꞌajik te machꞌatik xchꞌuunejikix Diose? ¿Y tuꞌun te ya awakꞌik ta kꞌexlal te machꞌatik maꞌyuk tut ay yuunike? ¿Tut a te ya kalbeyexe? ¿Me ya kal te ben tsaꞌam te tut ya apasike? Maꞌuk.

1 Corintios 16:11

Jich yuꞌun ma me ayuk jtulukex te ya apꞌajike. Ma me jichuk nax, koltayaik me te tutꞌil jun yoꞌtan ya xbeene, yuꞌun jich me ya xtal yilon. Porke yipalon ta smaliyel sok te yan xan hermanoetike.

Romanos 14:10

Pero te jaꞌate, ¿Tuꞌun te ya awichꞌ jkuenta te awermanoe? ¿Tuꞌun te ya apꞌaje? Porke jpisiltik ya xkꞌootik ta sit Dios yuꞌun jaꞌ ya yichꞌotik jkuenta.

Hechos 27:23

Yuꞌun ta ajkꞌubal la kil jtul ángel, tikonbil tal yuꞌun Dios, te jaꞌ ayon ta skuentae sok te ya xtuunon yuꞌune.

Hechos 12:23

Ora nax a tal jtul chꞌul ángel yuꞌun te Kajwaltike te ya yakꞌ taek ta chamel te jHerodese, ta skaj te ma jaꞌuk a yakꞌ ta akꞌel ta jkuenta te Diose. Y cham, yuꞌun weꞌot ta lukum te xchꞌujte.

Hechos 12:15

La yalbeyik te achꞌixe: —Yuꞌun xjowiyat —xyutik. Pero te achꞌixe la yal te batsꞌi jiche. La yalik spisilik: —Ma stukeluk. Jaꞌ wan te chꞌul ángel te joyinbil yuꞌune —xchiik.

Hechos 10:3

Jun kꞌaal, las tres mal kꞌaal wan a, aꞌbot yil ta stekꞌlejal yilel jtul chꞌul ángel yuꞌun Dios te tal te ba aye, y albot yuꞌun: —Cornelio —xchi a yaꞌiy.

Hechos 5:19

Pero jtul chꞌul ángel yuꞌun te Kajwaltike ta ajkꞌubal a tal sjeꞌ te puerta yuꞌun prexoe, y la yiktalan lokꞌel, y la yaltalanbe:

1 Timoteo 4:12

Ma me wakꞌ spꞌajelat yuꞌun te chꞌielat toe. Jaꞌ ya skꞌan ya awakꞌ ta ilel yuꞌun te kermanoetik te tutꞌil lek ya xkꞌopojate y sok te tutꞌil lek ya xꞌaꞌtejate. Sok ayuk me slekil awoꞌtan, sok xchꞌuunel awoꞌtan sok lekuk me te akuxlejale.

1 Corintios 9:22

Te kꞌalal ayon te ba ay te machꞌatik maꞌyuk spuersa xchꞌuunel yoꞌtanike, jich ya kakꞌ jba euk te tutꞌil maꞌyuk jpuersa, yuꞌun jich ya jpasbe ganar ekꞌa. Jich pajal nax a kakꞌ jba ta spisil yuꞌun jich me ya xjuꞌ te ay machꞌa ya xkol a.

Romanos 15:1

Te joꞌotik te tulanotik sok te xchꞌuunel koꞌtantike jichukotik me te ya jnaꞌbetik yoꞌolil sbaik te machꞌatik ma tulanuk xchꞌuunel yoꞌtanike. Y ma jaꞌuk ya jletik te joꞌotik nax lek ya kaꞌiy jbajtike.

Romanos 14:21

Jaꞌ lek makꞌ ya jweꞌtik tiꞌbal sok ni makꞌ kuchꞌtik bino, ni maꞌyuk tut ya jpastik chꞌinuk, teme yuꞌun jaꞌ ta skaj te ya syalesot ta mulil te awermanoe.

Apocalipsis 8:2

Teꞌ nax a la kil jukeb angeletik te tekꞌajtik ta sit te Diose. Akꞌtalanbot jukeb kornetaetik.

Gálatas 6:1

Kermanotak, teme ya awilik te ay machꞌa yalem ta mulile, te jaꞌex te ayex ta skuenta Espiritue, ya skꞌan ya akoltayik ta sujtesel xan yoꞌtan a. Pero pasaik ta slekil awoꞌtanik. Sok naꞌa me tutꞌil ayex euk, ila me abaik, ma me jichuk ya xkꞌoex te ya ataik sujel ta mulil ekꞌae.

2 Corintios 10:10

Ay ya yalik: “Te skartaetike lom kꞌux y lom tulan, pero teme jul tal stukele, maꞌyuk ta jkuenta sok maꞌyuk ta jkuenta te tut ya xjul yale”, xchi.

2 Corintios 10:1

Joꞌon jPabloon, ya kalbeyex awokolikuk ta skuenta slekil yoꞌtan sok skꞌuxul yoꞌtan te Cristoe. Yuꞌun ya awalik te kꞌalal ayon ta awolilike lom mansoo kakꞌoj jba. Y te kꞌalal jakal ayone ya awalik: “Ya stoy sba ta kꞌop”, xchaex.

San Lucas 10:16

“Te machꞌatik ya yaꞌibe sluwar te akꞌopike, jaꞌ a yaꞌibeyix sluwar jkꞌop abi. Te machꞌatik ya spꞌajexe, joꞌon a spꞌajikonix abi. Te machꞌa ya spꞌajone, jaꞌ a spꞌajix euk te machꞌa stikonejon tale —xchi te Jesuse.

San Mateo 12:20

Makꞌ slajin skꞌasel te jalal te kꞌasbilixe. Sok ma slajin stupꞌel te xmechail kꞌakꞌ te kꞌun nax yipal ta tilele. Max laj yoꞌtan jaꞌ to teme la yakꞌix ta pasel te tut toj ta pasele,

Hebreos 9:24

Porke te Cristoe ma och bael te ba templo te pasbil nax yuꞌun te genteetike, te jaꞌ nax slokꞌol te batsꞌi temploe, sino ke mismo ta chꞌulchan a och bael. Te ora to teꞌ ba yakꞌ sba ta ilel ta stojol Dios yuꞌun ya skꞌanbotik tal koltayel te joꞌotike.