San Mateo 18:1 - Nuevo Testamento Tzeltal de Amatenango

¹ Jaꞌ mismo a tijilaj tal ta stojol Jesus te jnopojeletike. La sjojkꞌobeyik: —¿Machꞌa a te mas mukꞌ te ba ay ta mantal te Diose? —xchiik.

Bible in Tzeltal Bachajón

¹ Ta hich ora te jnopojeletic tal ta stojol Jesús, hich la sjoc'obeyic: ¿Mach'a a te c'ax hich muc' sc'oblal a te bin ut'il yantic ta banti ay te cuentahinel yu'un te ch'ulchane? xchihic.

Bible in Tzeltal de Oxchuc y Tenejapa

¹ Jich yorail te noptsajic tel ta stojol Jesús te jnopojeletique. La sjojc'obey yaiyic: —¿Mach'a a te muc' sc'oplal ya xc'ot ta banti ay ta ajwalinel te Dios te ay ta ch'ulchane? —xiic.

San Mateo 18:1 Referans Kwoze

Filipenses 2:3

Ma me ayuk tuti ya apasik ta skuenta tsalaw sok ta skuenta toybael. Chꞌin me ya skꞌan ya awakꞌ abaik, y ta juju-tul jaꞌ me mukꞌ skꞌoplal awuꞌunik te yanetike te tutꞌil te jaꞌat mismoe.

San Mateo 23:11

Te machꞌa mukꞌ ay ta awolilike jaꞌ te machꞌa ya yakꞌ sba ta abatinel yuꞌun te yanetike.

Romanos 12:10

Kꞌux me xꞌawaꞌiy abaik jich tutꞌil te machꞌatik jun nax smeꞌ-statike. Talel bael akꞌa abaik me ta jkuenta, y chꞌuunbeya abaik amantalik.

San Mateo 7:21

“Te machꞌatik “Kajwal, Kajwal”, ya yutikone, ma spisiluk ya xꞌochik te ba ay ta mantal te jTatik Diose. Jaꞌ nax ya xꞌochik teꞌa te machꞌatik ya spasbey te tut ya skꞌan yoꞌtan te jTat te ay ta chꞌulchane.

San Mateo 3:2

Teꞌ lijk yaltalanbe a te genteetike: —Sujtesa me awoꞌtanik yuꞌun te amulike yuꞌun ya me xlijkix ta pasaw ta mantal te Diose —xchi.

San Mateo 18:2

Te Jesuse la yikꞌ tal jtul chꞌin alal, sok la stejkꞌanbe ta yolilik.