San Mateo 17:27 - Nuevo Testamento Tzeltal de Amatenango

²⁷ Pero yuꞌun ma me machꞌa ma lekuk ya yaꞌiy, baan ta tiꞌmar, chꞌoja ochel te awansueloe. Nita lokꞌel te chay te nail ya atsake. Jachꞌbeya te stiꞌe. Teꞌ me ya ata a te sejp takꞌin te ya xlokꞌ a te kuꞌune sok te awuꞌune. Ichꞌa bael, baan toja jilel —xchi te Jesuse.

Bible in Tzeltal Bachajón

²⁷ Pero, scuenta yu'un ma ba ya xbohlob yo'tanic ta jtojoltic a, bahan ta mar, ch'oja ochel te alucbal-taq'uin, te jcoht chay yac atsac loq'uel, hawbeya ye, tey yac ata a jun estatero-taq'uin. Ich'a bahel, a'beya, cheb cu'un, cheb awu'un, xchi.

Bible in Tzeltal de Oxchuc y Tenejapa

²⁷ Ja'uc me to, swenta yu'un ma me mach'a amen yo'tan ya xc'ot yu'un, baan ta ti'mar. Ch'oja ochel te anzuelo. Nita loq'uel te chay te neel ya stsacbate. Jachbeya ye. Tey me ya ata a te jun estatero-taq'uin te ya awac'bon te cu'une soc uuc te awu'une. Ich'a bael. Baan, ac'a jilel —xi' te Jesuse.

San Mateo 17:27 Referans Kwoze

2 Corintios 6:3

Ma me ayuk tut ma tsaꞌamuk ya kakꞌtik ta ilel ta skuenta te yane, yuꞌun ma me ayuk machꞌa ya yal te ma tsaꞌamuk te kaꞌteltike.

2 Corintios 8:9

Porke ya anaꞌikix te jaꞌexe, te Kajwaltik Jesucristoe ta slekil yoꞌtan, aunke kꞌulej stukel, la yakꞌ sba ta meꞌbaꞌ ta akajik te jaꞌexe. Yuꞌun te tutꞌil meꞌbaꞌ a yakꞌ sbae, jaꞌex akulejibex a.

1 Corintios 8:9

Pero koma me abaik te tutꞌil ayex ta libree yuꞌun te tutꞌ ya xweꞌexe. Ma me teyuk ya sta smul a te machꞌatik ma to ayuk spuersa sok te xchꞌuunel yoꞌtane.

1 Corintios 8:13

Jaꞌ yuꞌun, teme ta skaj jweꞌel te ya kakꞌ yaluk ta mulil te kermanoe, jaꞌ lek te makꞌ jweꞌ te weꞌele, yuꞌun jich makꞌ xyal ta mulil ta jkuenta a.

Romanos 14:21

Jaꞌ lek makꞌ ya jweꞌtik tiꞌbal sok ni makꞌ kuchꞌtik bino, ni maꞌyuk tut ya jpastik chꞌinuk, teme yuꞌun jaꞌ ta skaj te ya syalesot ta mulil te awermanoe.

Santiago 2:5

Kermanotak, te kꞌuxex ta koꞌtane, aꞌiya awaꞌiyik to: Te Dios la stsa te machꞌatik meꞌbaik liꞌ ba balmilale, yuꞌun jaꞌ me skꞌulejalik ya xkꞌot te xchꞌuunejik Diose sok te ya xba yichꞌik smajtanik te ba ay ta ajwalinel te Diose, te stukel yaloj ta skuenta te machꞌatik lek skꞌanojik te Diose.

1 Tesalonicenses 5:22

Pita me abaik yuꞌun spisil ta jkaj te tut ma lekuke.

San Juan 6:61

Te Jesuse la snaꞌ te tut mukul yipalik ta yalele. Jaꞌ yuꞌun la sjojkꞌolanbe: —¿Meꞌn ma tsaꞌamuk a kꞌot ta awoꞌtanik te tuti kale?

San Mateo 5:29

“Jich yuꞌun teme jaꞌ ya syalesat ta mulil te sbatsil asite, lokꞌesa, chꞌoja bael. Jaꞌ lek te ya xchꞌay pꞌejuk asite. Ja ma lek teme skojtol atiꞌbalul te ya xchꞌojat ochel ta kꞌakꞌ te ma xtupꞌ sbajtel kꞌinale.

San Mateo 5:30

Sok teme jaꞌ ya syalesat ta mulil te sbatsꞌil akꞌabe, boja lokꞌel, chꞌoja bael. Jaꞌ lek te ya xchꞌay jchꞌixuk te akꞌabe. Jaꞌ ma lekuk teme skꞌojtol atiꞌbalul ya xchꞌojot ochel ta kꞌakꞌ te ma xtupꞌ sbajtel kꞌinale.

San Mateo 17:26

La yal te jPedroe: —Jaꞌ te yan genteetike —xchi. Te Jesuse la yalbe: —Jaꞌ yuꞌun te yal-xnichꞌanike libre ay teme jich abi.

San Mateo 18:6

“Machꞌauk a te ya yakꞌ yaluk ta mulil jtuluk te machꞌatik chꞌin ayik te xchꞌuunejikone, jaꞌ lek te yauk yichꞌ chukel mukꞌul chaꞌton ta snukꞌ te ya xchꞌojot ochel ta stoylejal te mare.

San Mateo 18:8

“Jaꞌ yuꞌun teme jaꞌ ya syalesat ta mulil te akꞌabe o jaꞌ te awoke, boja lokꞌel sok chꞌoja bael. Jaꞌ lek te yauk xꞌochat ta kuxlejal manchuk me koxoat manchuk me mokol akꞌab. Jaꞌ ma lekuk teme xchebal akꞌab sok teme xchebal awok te ya xchꞌojelat ochel ta kꞌakꞌ te ma xtup sbajtel kꞌinale.

San Marcos 9:42

Jich a yal xan te Jesuse: —Machꞌauk a te ya yakꞌ yaluk ta mulil tuluk te machꞌa pekꞌ ayik te xchꞌuunejikone, jaꞌ lek yauk yichꞌ chꞌojel ta mar sok junuk mukꞌul chaꞌ ton chukul ta snukꞌ.

San Marcos 9:43

Teme akꞌab ya yakꞌat ta mulile, boja lokꞌel. Jaꞌ mas lek te mokol akꞌab te ya xkꞌo ata te akuxlejale. Jaꞌ mas ma lekuk teme xchebal akꞌab te ya xbaat sok ta kꞌajkꞌ te ma xtupꞌ sbajtel kꞌinale,

San Lucas 17:2

Te machꞌa ya syales ta mulil jtuluk te machꞌatik chꞌin yakꞌoj sbaike, jaꞌ lek te yauk yichꞌ chukel ta snukꞌ junuk chaꞌ, ya xchꞌojot ochel ta mar.