San Mateo 17:20 - Nuevo Testamento Tzeltal de Amatenango

²⁰ La yal te Jesuse: —Yuꞌun maꞌyuk lek xchꞌuunel awoꞌtanik. Jamal ya kalbeyex te ayuk xchꞌuunel awoꞌtanik chꞌinuk jich tutꞌil te sbakꞌ mostesiae te lom chꞌine, ya xjuꞌ ya awalbeyik te wits to: “Lokꞌan ba liye, baan ta yan luwar”, tem ya awute, jich ya xlokꞌ bael te witse. Maꞌyuk tut a te ma xjuꞌ awuꞌunik spasel te jichuke.

Bible in Tzeltal Bachajón

²⁰ Halbotic yu'un te Jesús: Ta scaj te mayuc lec sch'uhunel awo'tanic. Jamal ya calbeyex te hichuc smuc'ul sch'uhunel awo'tanic te bin ut'il jp'ij sbac' mostaza, ya xhu' yac awalbeyic ha'i wits ini: Jeltaya awawil, lum xbahate, teme yac awute, ya sjeltay yawil. Mayuc bin ma xhu' awu'unic spasel te hichuque, xchi.

Bible in Tzeltal de Oxchuc y Tenejapa

²⁰ La yal te Jesuse: —Yu'un ma'yuc xch'uunjel awo'tanic ta lec. Jamal ya calbeyex, te ayuc jich xch'uunjel awo'tanic jtebuc te bit'il sbac' mostaza te biq'uit naxe, ya me xju' ya awalbey in wits to: “Loc'an bael li'to, baan ta yan q'uinal”, teme ya awute, jich nix ya xc'ot ta pasel awu'unic. Ma'yuc bila ma xju' awu'unic spasel te jichuque. [

San Mateo 17:20 Referans Kwoze

San Lucas 17:6

Te Kajwaltike la sjakꞌtalanbe: —Teme jich ay xchꞌuunel awoꞌtanik chꞌinuk jich tutꞌil te xchꞌin bakꞌ mostesia, ya me xjuꞌ ya awalbeyik te sikomoro-teꞌ to: “Bula aba lokꞌel liye, ban tsꞌuna aba ta mar”, teme ya awute, y te teꞌe jich me ya xchꞌuunbeyat amantal.

San Marcos 11:23

Jamal ya kalbeyex, teme ya awalbeyik te wits to: “Lokꞌan teꞌa me to, chꞌoja aba ochel ta mar”, teme ya awute, jich me ya xkꞌot ta pasel, teme makꞌ ya awal ta awoꞌtan te ma jichuk ya xkꞌote sok teme jich xchꞌuunej awoꞌtane.

San Lucas 18:27

Te Jesuse la sjakꞌtalanbe: —Te tut ma xjuꞌ yuꞌun spasel te genteetike, jaꞌ ya xjuꞌ yuꞌun spasel stukel te Diose —xchi.

San Lucas 1:37

Te Diose maꞌyuk tut ma xjuꞌ yuꞌun stukel —xchi te chꞌul ángele.

San Mateo 21:21

Te Jesuse la sjakꞌtalanbe: —Jamal ya kalbeyex, teme ay xchꞌuunel awoꞌtanik te jich ya xkꞌot ta pasele sok teme makꞌ ya awal ta awoꞌtanik te ma jichuk ya xkꞌote, ya xkꞌot ta pasel awuꞌunik te tutꞌil la jpasbe te ikuxe. Sok jich ya xkꞌot ta pasel awuꞌunik euk teme ya awalbeyik te wits to: “Lokꞌan bael liye, chꞌoja aba ochel ta mar”, teme ya awute.

San Marcos 9:23

La yal te Jesuse: —¿Tut a te ma xjuꞌ kuꞌune? Te machꞌa ya xchꞌuune spisil ya xjuꞌ ta pasel —xchi.

1 Corintios 13:2

Y manchuk me ya xkꞌopojon ta yalel tut skuenta Dios, o ya jnaꞌ yaꞌiyel te tut mukul aye, o ya jnaꞌ spisil te tutik aye, y manchuk me puersa ay xchꞌuunel koꞌtan yuꞌun ya snik te witstikile, pero teme maꞌyuk xkꞌuxul koꞌtane, jowilon nax me abi.

San Mateo 13:31

Te Jesuse la yaltalanbe yaꞌiy yan seña-kꞌop. Jich a yal: —Te tutꞌil ya xkꞌot ta ajwalinel te Diose, jaꞌ pajal kꞌoem sok jun sbakꞌ mostesiae te la stsꞌun ta slum te jtul winike.

San Juan 11:40

Te Jesuse la sjakꞌbe: —¿Meꞌn maꞌ kalbeyat teme ya xchꞌuun awoꞌtane ya me awilbe slekil te Diose? —xchi.

San Marcos 4:31

Pajal sok jun sbakꞌ mostesiae te ya xtsꞌunot ta lume. Jaꞌ mas chꞌin yuꞌun spisil te tsꞌunubil te ay ta balmilale.

Hebreos 3:19

Y teꞌ ya kiltik a te maꞌ spas a ochik baele porke maꞌ xchꞌuunik.

San Mateo 17:17

La sjakꞌ te Jesuse: —¿Tuꞌun tut ayex, genteetik te maꞌyuk tut xchꞌuunej awoꞌtanik ta stojol te Diose sok te ma lekuk awoꞌtanike? ¿Jayeb me xan kꞌaal te joyinejexe? ¿Jayeb me xan kꞌaal te ya jtsꞌikbeyex te tutꞌil ayexe? Ikꞌbikon tal te kereme —xchi.

1 Corintios 12:9

Ay yan ya xꞌaꞌbot xchꞌuunel yoꞌtan, pero jaꞌ nax ta skuenta te Espiritue. Y ay yanetik yichꞌoj smajtan ta slekutesel jchameletik.

San Mateo 17:9

Te kꞌalal yipalik tal ta koel te ba witse te Jesuse la stsitstalan te jnopojeletik yuꞌune. Jich a yal: —Ma me machꞌa xꞌawalbeyik te tuti akꞌot awilike jaꞌ to teme chaꞌkux tal Nichꞌanile —xchi.

San Mateo 8:26

La yal te Jesuse: —¿Tut yuꞌun te ben xiꞌexe? Maꞌyuk tut xchꞌuunej awoꞌtanik ya kil —xchi. Jich a stejkꞌan sba jajchel, la skom te ikꞌe sok te jaꞌe, y ben tsaꞌam a jil.

San Mateo 17:19

Patil te jnopojeletik yuꞌune la skꞌoponik ta stukel nax te Jesuse, la sjojkꞌobeyik: —¿Tut yuꞌun te maꞌ juꞌ kuꞌuntik slokꞌesel joꞌotik te pukuje? —xchiik.

San Marcos 11:22

La sjakꞌ te Jesuse: —Ayuk me xchꞌuunel awoꞌtanik sok te Diose.

San Mateo 14:29

—Laꞌ —xchi te Jesuse. Jich a ko bael ta barko te jPedroe, lijk bael ta beel ta baba mar stojliyej bael te Jesuse.