San Mateo 17:17 - Nuevo Testamento Tzeltal de Amatenango

¹⁷ La sjakꞌ te Jesuse: —¿Tuꞌun tut ayex, genteetik te maꞌyuk tut xchꞌuunej awoꞌtanik ta stojol te Diose sok te ma lekuk awoꞌtanike? ¿Jayeb me xan kꞌaal te joyinejexe? ¿Jayeb me xan kꞌaal te ya jtsꞌikbeyex te tutꞌil ayexe? Ikꞌbikon tal te kereme —xchi.

Bible in Tzeltal Bachajón

¹⁷ La sjac' te Jesús: ¡Jcaj ts'umbalilex te mayuc sch'uhunel awo'tanic soc chopolex! ¿Jayeb xan c'ahc'al ya sc'an ya joquinex? ¿Jayeb xan c'ahc'al ya sc'an ya xcuhch cu'un ta atojolic? Ic'bonic tal te quereme, xchi.

Bible in Tzeltal de Oxchuc y Tenejapa

¹⁷ La yal te Jesuse: —¿Bit'il ayex a ja'ex te ma'yuc bi xch'uunej awo'tanic ta stojol te Diose soc te ma lecuc te awo'tanique? ¿Jayeb me xan c'aal te ya joinexe? ¿Jayeb me xan c'aal te ya jts'icbeyex te bit'il ayexe? Ic'bonic tel te quereme —xi'.

San Mateo 17:17 Referans Kwoze

San Mateo 6:30

Jich teme Dios la yakꞌ te ben tsaꞌam te nichimetik ta witse te jun nax kꞌaal kuxule y pajel ya yichꞌix chikꞌel a, ¿me yuꞌun wan ma jichuk ya skꞌuꞌultesex te jaꞌexe? ¿Tuꞌun te ma xchꞌuun awoꞌtanike?

Hechos 13:18

Dios a stsꞌikbe kuarenta jabꞌil te tut ma tsaꞌamuk la spasik te ba jojchol takin kꞌinale,

San Marcos 16:14

Ta patil to xan Jesus la yakꞌ sba ta ilel yuꞌun te buluchtul jnopojeletike te kꞌalal yipalik ta weꞌele. La yalbe ta jamal te maꞌyuk tut ya skꞌan xchꞌuunike sok te ben tulan yoꞌtanike, yuꞌun ma skꞌan xchꞌuumbeyik skꞌop te machꞌatik la yilikix te chaꞌkuxemix tale.

San Marcos 9:19

La sjakꞌ tsꞌin te Jesuse: —Jal jaꞌex genteetik maꞌyuk xchꞌuunel awoꞌtanik. ¿Jayeb xan kꞌaal te joyinejexe? ¿Jayeb xan kꞌaal te ya jtsikꞌbeyex te tutꞌil ayexe? Ikꞌbonik tal te kereme —xchi.

San Mateo 13:58

Ma bayaluk milagroetik a spas teꞌa te Jesuse, yuꞌun ma xchꞌuunik te genteetike.

San Mateo 8:26

La yal te Jesuse: —¿Tut yuꞌun te ben xiꞌexe? Maꞌyuk tut xchꞌuunej awoꞌtanik ya kil —xchi. Jich a stejkꞌan sba jajchel, la skom te ikꞌe sok te jaꞌe, y ben tsaꞌam a jil.

San Juan 20:27

Te nax a la yalbe te jTomase: —Otsesa liꞌ te yal akꞌab y ila awil te jkꞌabe. Y akꞌa tal te akꞌabe, otsea liꞌ ba jkostiyae. Ma me jichukat te tutꞌil machꞌa ma xchꞌuune. Chꞌuuna me —xchi.

San Lucas 24:25

Jicha altalanbot yuꞌun te Jesuse: —Wokol ya xkꞌot ta awoꞌtanik te jaꞌexe. ¿Tut to ora ya xchꞌuun awoꞌtanik spisil te tut yaloj jilel te jꞌalwanejetik yuꞌun te Diose?

San Lucas 9:41

La sjakꞌ te Jesuse: —Jaꞌex genteetik te maꞌyuk xchꞌuunel awoꞌtanik sok te ma lek awoꞌtanike. ¿Jayeꞌ xan kꞌaal te ya joyinexe sok te ya jtsꞌikbeyex te tut ayexe? Ikꞌbonik te anichꞌane —xchi.

San Mateo 16:8

Te Jesuse la snaꞌbe sluwaril te tuti lijk yalbe sbaike, y la yaltalanbe: —¿Tuꞌun ya awalbe abaik te maꞌyuk awichꞌoj awotike? Maꞌyuk lek xchꞌuunel awoꞌtanik te jaꞌexe.

San Mateo 17:16

La kikꞌix tal ta stojol te jnopojeletik awuꞌune, pero ma lekub yuꞌunik —xchi.

San Mateo 17:18

Te Jesuse la yalbe mantal te pukuje. Jich a lokꞌ ta yoꞌtan te kereme. Tsꞌin a lekub yuꞌun.

Hechos 2:40

Te jPedroe la to xan yalbe lek te skꞌop Diose y la stsits te jaꞌ lek te yauk xchꞌuunike. Y la yaltalanbe: —Pita abaik tal lokꞌel te ba genteetik te ma tsaꞌamuk yoꞌtanike —xchi.

2 Corintios 11:1

Ayuk me tutꞌil ya xkujch awuꞌunik te ay jowil nax ya xkꞌopojone. Te tutꞌiluk ya awaꞌiyike, tsꞌikbikon me.