San Mateo 16:8 - Nuevo Testamento Tzeltal de Amatenango

⁸ Te Jesuse la snaꞌbe sluwaril te tuti lijk yalbe sbaike, y la yaltalanbe: —¿Tuꞌun ya awalbe abaik te maꞌyuk awichꞌoj awotike? Maꞌyuk lek xchꞌuunel awoꞌtanik te jaꞌexe.

Bible in Tzeltal Bachajón

⁸ Na'bot yo'tanic yu'un te Jesús, hich halbotic yu'un: Winiquex te mayuc lec sch'uhunel awo'tanic, ¿bin yu'un te hich yac awalbe abahic te mayuc pan awu'unic?

Bible in Tzeltal de Oxchuc y Tenejapa

⁸ Te Jesús la sna' stojol te bila la yalbey sbaique. Jich caj yalbey: —¿Bistuc ya awalbey abaic te ma'yuc waj awich'ojique? Ma'yuc xch'uunjel awo'tanic.

San Mateo 16:8 Referans Kwoze

San Mateo 6:30

Jich teme Dios la yakꞌ te ben tsaꞌam te nichimetik ta witse te jun nax kꞌaal kuxule y pajel ya yichꞌix chikꞌel a, ¿me yuꞌun wan ma jichuk ya skꞌuꞌultesex te jaꞌexe? ¿Tuꞌun te ma xchꞌuun awoꞌtanike?

San Mateo 14:31

Te Jesuse tsꞌin a stsakbe skꞌab ta ora, jicha yalbe: —Maꞌyuk lek xchꞌuunel awoꞌtan ya kil. ¿Tuꞌun te ya xꞌaꞌabiyan awoꞌtane? —xchi.

San Marcos 16:14

Ta patil to xan Jesus la yakꞌ sba ta ilel yuꞌun te buluchtul jnopojeletike te kꞌalal yipalik ta weꞌele. La yalbe ta jamal te maꞌyuk tut ya skꞌan xchꞌuunike sok te ben tulan yoꞌtanike, yuꞌun ma skꞌan xchꞌuumbeyik skꞌop te machꞌatik la yilikix te chaꞌkuxemix tale.

San Mateo 8:26

La yal te Jesuse: —¿Tut yuꞌun te ben xiꞌexe? Maꞌyuk tut xchꞌuunej awoꞌtanik ya kil —xchi. Jich a stejkꞌan sba jajchel, la skom te ikꞌe sok te jaꞌe, y ben tsaꞌam a jil.

Apocalipsis 2:23

Y ya me kakꞌ lajuk te yuntikile. Jich me ya snaꞌik spisil te juju-tijkꞌ hermanoetik te joꞌon jnaꞌoj asta ta yutil pensar y ta oꞌtanil. Y ta juju-tul te jaꞌexe ya kaꞌbeyex chikan te tutiꞌ apasojike.

Hebreos 4:13

Ni maꞌyuk tut a te spasoj Dios te ya xjuꞌ ya snakꞌ sba ta stojole; spisil jamal ta ilel ya yil ta sit stukel te machꞌa ya yichꞌbotik jkuenta te kaꞌteltike.

San Juan 16:30

Te ora to la jnaꞌtikix te spisil ay ta awoꞌtane, jich ma puersaukix te ay machꞌa ya sjojkꞌobeyat xane. Jaꞌ yuꞌun ya jchꞌuuntik te talemat ta stojol te Diose —xchiik.

San Mateo 16:7

Te jnopojeletike jicha lijk yalbe sbaik yuꞌun: —Jaꞌ yuꞌun te maꞌ jnaꞌtik tal kotike —xchiik.