San Mateo 16:24 - Nuevo Testamento Tzeltal de Amatenango

²⁴ Te Jesuse jich a yalbe te jnopojeletik yuꞌune: —Te machꞌa ya skꞌan yakꞌ sba ta jnopojel kuꞌune, aꞌ me skoltay sba ta yoꞌtan. Aꞌ me xkuch skrus kꞌoem. Aꞌ me stsꞌakliyon.

Bible in Tzeltal Bachajón

²⁴ Ha yu'un te Jesús hich la yalbe te jnopojeletic yu'une: Teme ay mach'a ya sc'an ya st'unon, ac'a sloq'ues sba ta yo'tan, ac'a sq'uech bahel scruz soc ac'a st'unon.

Bible in Tzeltal de Oxchuc y Tenejapa

²⁴ La yalbey ts'iin te jnopojeletic yu'une: —Te mach'a ya sc'an yac' sba ta jnopojel cu'une, ac'a me sloq'ues sba ta yo'tan. Ac'a xcuch scruz. Ac'a st'unon.

San Mateo 16:24 Referans Kwoze

San Mateo 10:38

Sok te machꞌa ma skꞌan ya skuch skrus kꞌoem te ya stsꞌakliyone, ma spas te kuꞌun ya xkꞌote.

San Lucas 14:27

Sok te machꞌa ma skꞌan ya xkuch skruz kꞌoeme teme ya stsꞌakliyone, ma spas teme jnopojel kuꞌun ya xkꞌote.

San Marcos 10:21

Te Jesuse la yilbey sit sok xpich ta yoꞌtan, y la yalbe: —Ay to jkaj xan te tut skꞌan ya apase. Baan, chona spꞌejel te tutik ay awuꞌune y akꞌtalanbeya te meꞌbaetike. Jich me ay akꞌulejal ta chꞌulchan ya xkꞌoat a. Yoꞌtik laꞌ me, tsꞌakliyaon tal —xchi.

2 Timoteo 3:12

Batsꞌi jich ta spisil te machꞌatik ya skꞌan xlekub xkuxlejal sok te Cristo Jesuse, ya me xkꞌax swokol ta ikꞌtinel.

San Marcos 8:34

Te tsꞌin abi te Jesuse la yikꞌ tal te gentee y sok euk te jnopojeletike. Jich a yalbe: —Teme ay jtuluk machꞌa ya skꞌan xꞌoch ta jnopojel kuꞌune, a me skoltay sba ta yoꞌtan, a me skuch skrus, y a me stsakliyon.

Hechos 14:22

Te ba luwar ba laj kꞌaxike, la yaꞌbeyik jilel spuersa yoꞌtan te hermanoetike, y la yaltalanbe jilel te jmel nax a wakꞌ xchꞌuunik te Jesuse. La yalbeyik te puersa ay bayal wokol te ya xꞌochotik te ba ay ta ajwalinel te Diose.

Colosenses 1:24

Te ora to ben jun koꞌtan te ayon ta wokol ta akajike. Porke te tutꞌil jich aye jaꞌ ya jtsꞌakutes ta jtiꞌbalul te tutik xan ya skꞌan xkꞌax swokol te Cristoe, yuꞌun te machꞌatik xchꞌuunejikixe, te jich kꞌoemik tutꞌil te stiꞌbalule.

San Juan 19:17

Te Jesuse xkuchoj lokꞌel te skruse. Bajt te ba ay te Bakeljolol sbiil te luware, te Gólgota sbiil ta hebreo-kꞌope.

1 Tesalonicenses 3:3

Yuꞌun jich ni jtuluk te jaꞌexe ya xchebaj yoꞌtan yuꞌun te tutꞌil ayex ta ilbajinel a. Yuꞌun jaꞌex mismo ya anaꞌik te puersa ya xkꞌax jwokoltik,

San Mateo 27:32

Ya to nax xlokꞌik bael a te ba tiꞌil jtejklume, la staik jtul winik te Simon sbiil te Cirene sbiil te slumale. Sujot yuꞌun te soltaroetike yuꞌun ya xkuchbe bael skrus te Jesuse.

San Marcos 15:21

La stsakik ta xkuchel bael skrus Jesus tul winik te yipal ta kꞌaxel bael te xkꞌotuk ta kꞌalkꞌaltike. Te winike Simon sbiil, jaꞌ te stat te Alejandro sok Rufoe te Cirene sbiil te slumale.

San Lucas 23:26

Kꞌalal la yikꞌik bael te Jesus te ba sojkꞌanik ta kruse, la stsakik jtul Cirene-winik te Simon sbiile te xkꞌotuk tal ta kꞌalkꞌaltike, y la yaꞌbeyik xkuch te kruse. Nail ay kꞌael te Jesuse.

San Juan 21:19

Te tutꞌil jich a yal te Jesuse, jaꞌ a yaꞌbe snaꞌ te tutꞌ ya xkꞌo chamuk te jPedroe, yuꞌun me jich ya yakꞌ ta ilel slekilal a te Diose. Ta patil la yalbe: —Laꞌ me, tsꞌakliyaon bael —xyut.

San Juan 21:22

Te Jesuse la sjakꞌbe: —Teme ya skꞌan koꞌtan te kuxul to a te ya xchaꞌtalone, ¿tuti wochel a te jaꞌate? Laꞌ me, laꞌ tsꞌakliyaon —xyut.

1 Pedro 2:21

Yuꞌun jaꞌ la yikꞌex Dios yuꞌun te ya xkꞌax awokolike. Porke te kꞌalal Cristo kꞌax swokol ta akuentaik, la yaꞌbeyex awilik yuꞌun jich me ya atamik bael a.