San Mateo 16:23 - Nuevo Testamento Tzeltal de Amatenango

²³ Te Jesuse la sujtes sba, la yalbe te Pedroe: —Kꞌeja aba ta jtojol, Satanas. Ma me xꞌamakon. Maꞌyuk ta awoꞌtan te tut ya skꞌan yoꞌtan te Diose. Jaꞌ nax ay ta awoꞌtan te tut ya skꞌan yoꞌtan te genteetike —xyut.

Bible in Tzeltal Bachajón

²³ Pero la sut sba te Jesús, hich la yalbe te Pedro: ¡Loc'an ta jtojol, Satanás! Ha'at c'ohchinojibalat cu'un, como ma ha'uc ya xbaht ta awo'tan te bintic scuenta Dios, ha nax te bintic scuenta winiquetic, xchi sc'oblal.

Bible in Tzeltal de Oxchuc y Tenejapa

²³ Te Jesús la sujt'es sba sc'opon te Pedroe: —¡Q'ueja aba ta jtojol, Satanás! Ja'at jcojch'inwanejat. Ma'yuc ta awo'tan te bila ya sc'an yo'tan te Diose. Ja' nax ay ta awo'tan te bila ya sc'an yo'tan te ants-winiquetique —la yut.

San Mateo 16:23 Referans Kwoze

Filipenses 3:19

y te slajibike, chꞌayel me ya xlaj jbajt. Te sdiosike jaꞌ te tut ya skꞌan te stiꞌbalulike, y jaꞌ stoyoj sbaik yuꞌun te tut ya xba akꞌek ta kꞌexlal yuꞌune. Jaꞌ nax ya snopik te tutik skuenta te balmilal to.

Colosenses 3:2

Nopaik me te tutik skuenta te chꞌulchane, ma jaꞌuk te tutik skuenta te balmilale.

San Marcos 8:33

Pero te Jesuse la sutes sba ta yilel te jnopojeletike, sok la skom te Pedroe. Jich a yalbe: —¡Kꞌeja aba ta jkuenta, Satanas! Maꞌyuk ta awoꞌtan te tut ya skꞌan yoꞌtan te Diose. Jaꞌ ay ta awoꞌtan te tut ya skꞌan yoꞌtanik te genteetike —la yut.

San Mateo 4:10

La yal te Jesuse: —Baan, kꞌeja aba Satanas. Jich tsꞌibabil: “Jaꞌ nax me ya akejan aba ta stojol te Kajwaltik Dios awuꞌune sok jaꞌ nax me ya awakꞌ aba ta abatinel ta skuenta stukel”, xchi me —xchi.

San Juan 6:70

Te Jesuse la sjakꞌtalanbe: —Me ma joꞌukon a tsaex te lajchaytulexe, pero ay jtul te jaꞌexe te ya xꞌuꞌuninot yuꞌun pukuje —xchi.

San Lucas 4:8

Te Jesuse la sjakꞌbe: —Kꞌeja aba ta jtojol Satanas, porke tsꞌibabil jilel ta Sjun Dios: “Jaꞌ nax me ya akejana aba ta stojol te Kajwaltik Dios awuꞌune. Sok jaꞌ nax me xꞌawakꞌ aba ta mantaltesel yuꞌun stukel”, xchi me —xchi.

Romanos 14:13

Jaꞌ yuꞌun, makꞌ me kal kaꞌbiyan jbatik ta juju-tulotik. Jaꞌ lek, jaꞌ ya aleik te tut makꞌ xchebaj yoꞌtan yuꞌun a te awermano te makꞌ xyalesot ta mulile o te ma lekuk ya xbajt sok te xchꞌuunel yoꞌtane.

Romanos 14:21

Jaꞌ lek makꞌ ya jweꞌtik tiꞌbal sok ni makꞌ kuchꞌtik bino, ni maꞌyuk tut ya jpastik chꞌinuk, teme yuꞌun jaꞌ ta skaj te ya syalesot ta mulil te awermanoe.

San Mateo 18:7

Oꞌol sbaik te genteetike skaj te yalesel ta mulile. Puersa ay machꞌatik ya syaleswan ta mulil, pero oꞌol me sbaik te machꞌa jich ya spase.

San Mateo 16:22

Jich te jPedroe la spit bael chꞌinuk te Jesuse, jicha ba yalbe: —Kajwal, manchuk jichuk ya skꞌan te Diose. Manchuk ya xkꞌot ta pasel ta akuenta —xyut.